Aretha Franklin

Aretha Franklin

(1968)
Nome orixinal	(en) Aretha Louise Franklin
Biografía
Nacemento	25 de marzo de 1942 Memphis, Estados Unidos de América
Morte	16 de agosto de 2018 (76 anos) Detroit, Estados Unidos de América
Causa da morte	cancro de páncreas
Lugar de sepultura	Woodlawn Cemetery (en)
Residencia	Detroit Encino Memphis
Grupo étnico	Afroamericano
Relixión	Anglicanismo
Educación	Escola Juilliard (1997–) Northern High School (en)
Cor dos ollos	Castaño
Cor do pelo	Cabelo castaño
Actividade
Campo de traballo	Composición musical, Soul, Gospel, canto e interpretación de piano
Ocupación	cantante, pianista, artista discográfico, compositora de cancións, compositora
Período de actividade	1956 - 2017
Partido político	Partido Demócrata
Xénero artístico	Soul, Funk, Gospel, música pop, pop rock, Jazz e Rhythm and blues
Profesores	Brooks Alexander (en)
Influencias	Billie Holiday, Ella Fitzgerald, George Michael, Nat King Cole, Nina Simone, Mahalia Jackson, Dinah Washington, Sarah Vaughan, Sam Cooke, Wynona Carr (pt) e Sister Rosetta Tharpe
Tesitura	Mezzosoprano
Instrumento	Piano e voz
Selo discográfico	Arista RCA Warner Music Group Columbia Records Atlantic Records Battle Records (en) Checker
Familia
Cónxuxe	Glynn Turman (1978–1984) Ted White (1961–1969)
Pais	C. L. Franklin   e Barbara Siggers Franklin
Irmáns	Erma Franklin Carolyn Franklin
Cronoloxía
12 de xuño de 1971	Aretha Franklin concert (en)  (Montreux)
Premios
(1999)  Medalla Nacional das Artes../... 44+
Sinatura
Descrito pola fonte	Obálky knih, Notable Black American Women Biographical Dictionary of Afro-American and African Musicians
Sitio web	arethafranklin.net

Aretha Louise Franklin, nada o 25 de marzo de 1942 en Memphis,  e finada en Detroit o 16 de agosto de 2018, foi unha cantante de soul, R&B e gospel. Recibiu o alcume de «Lady Soul» (a dama do soul) ou «Queen of soul» (a raíña do soul), e foi unha das artistas máis influentes na música contemporánea, ostentando o posto número un da lista dos 100 cantantes máis grandes de todos os tempos da revista Rolling Stone. A mediados da década de 1960 consolidouse como estrela feminina do soul, algo que favoreceu os dereitos raciais e das mulleres nos Estados Unidos. En 1987, Franklin converteuse na primeira muller en entrar no Salón da Fama do Rock.

Traxectoria

Filla dun predicador baptista, con catorce anos cantaba na igrexa coas súas irmás Carolyn e Erma. Coñeceu e recibiu influencias das estrelas do gospel Clara Ward e Mahalia Jackson. Entre 1956 e 1960 dedicouse unicamente a cantar gospel. El 1960 contratouna Columbia Records, onde gravou cun estilo no que non acababa de encaixar, e o disco co que tivo máis éxito neste selo foi Rock-a-bye Your Baby with a Dixie Melody. En 1966 pasou a Atlantic Records volvendo ao estilo R&B e gravando o seu primeiro grande éxito, do que se venderon máis do millón de exemplares: I never loved a man (The way I love you) composto por Ronnie Shannon onde Aretha cantaba e tocaba o piano. A súa carreira musical continuou con material orixinal e versións doutros compositores, como: (You make me feel like) A natural woman, de Gerry Goffin e Carole King, I say a little prayer de Burt Bacharach e Hal David, Eleanor Rigby, de The Beatles, Border song (Holy Moses), de Elton John, Bridge over troubled water, de Simon and Garfunkel ou Until you come back to me (That's what I'm gonna do), de Stevie Wonder. En 1980 pasou á discográfica Arista onde co seu primeiro álbum, titulado Aretha, e a canción, "United together", chegou ao "top ten". O dueto con George Michael I Knew You Were Waiting For Me foi tamén un grande éxito. No cinema participou nos filmes Os Blues Brothers (1980) e Blues Brothers 2000 (1998).