Fernando Gomes

Fernando Gomes
	;
Biografía
Nacemento	22 de novembro de 1956 ; Porto, Portugal
Morte	26 de novembro de 2022 (66 anos); Porto, Portugal
Causa da morte	cancro de páncreas
Altura	174 cm
Actividade
Ocupación	futbolista
Período de actividade	1974 - 1991
Nacionalidade deportiva	Portugal
Deporte	fútbol
Posición de xogo	Dianteiro
1974–1980
Traxectoria
Participou en
1986	Mundial de Fútbol México 1986
xuño de 1984	Eurocopa de Fútbol Francia 1984

Fernando Mendes Soares Gomes, nado no Porto o 22 de novembro de 1956 e finado na mesma cidade o 26 de novembro de 2022,^[1] foi un exfutbolista portugués. Desenvolveu case toda a súa carreira no FC Porto, co que gañou numerosos títulos, entre eles cinco ligas portuguesas, unha Copa de Europa e unha Copa Intercontinental. Destacado dianteiro, foi seis veces o máximo goleador da Primeira Liga e gañou dúas Botas de Ouro ao mellor goleador europeo.

Foi 47 veces internacional coa selección portuguesa, coa que participou na Eurocopa de 1984 e no Mundial de 1986.

Traxectoria

Formouse na canteira do FC Porto, amosando dende novo un gran talento, e no seu debut co primeiro equipo en 1974 marcou dous goles diante do CUF Barreiro.^[2] Durante a seguinte década de media estivo en todos os momentos importantes do renacemento do club, salvo dous anos nos que militou na liga española coa camiseta do Sporting de Gijón (onde estivo un ano inactivo por unha tendinite).^[3] Entre as tempadas 1976/77 e 1978/79 foi tres veces seguidas o máximo goleador da Primeira Liga, e na terceira delas conquistou o título de liga, título que o Porto levaba 20 anos sen gañar.

Nos seguintes anos sumou outras catro ligas ao seu palmarés, ademais doutras catro Bolas de Prata e dúas Botas de Ouro,^[4]^[5] e en 1984 capitaneou o equipo na final da Recopa da UEFA contra a Juventus de Trapattoni, caendo 2-1.

Na tempada 1986/87 marcou cinco goles na Copa de Europa, catro deles nun mesmo partido diante do Rabat Ajax de Malta (9-0). Aínda que marcou un gol nas semifinais contra o Dynamo de Kíiv de Lobanovskyi, unha fractura de tibia e peroné impediulle disputar a final, na que o seu equipo conquistou o primeiro título europeo da súa historia fronte ao Bayern de Múnic.^[6]

Recuperouse a tempo para xogar a Supercopa de Europa contra o Ajax e a Copa Intercontinental contra Peñarol, gañando ambos títulos e marcando o primeiro gol na vitoria por 2-1 sobre os uruguaios en Toquio.^[7]^[8]

Deixou o equipo en 1989, debido a un enfrontamento co consello de administración do Porto, e asinou co Sporting CP,^[9] no que militou durante dúas campañas, marcando na segunda delas 22 goles.^[10]

Retirouse en 1991 como o segundo máximo goleador histórico da Primeira Liga, cun balance de 319 goles en 404 partidos, superado só por Fernando Peyroteo e cun gol máis que o terceiro clasificado, Eusébio.^[11]

Selección portuguesa

Foi 47 veces coa selección de Portugal entre 1975 e 1988, marcando 13 goles.^[12] Formou parte do equipo portugués tanto na Eurocopa de 1984, onde alcanzou as semifinais,^[13] como no Mundial de 1986.

Palmarés

Porto

Primeira Liga (5): 1977/78, 1978/79, 1984/85, 1985/86, 1987/88
Copa de Portugal (3): 1976/77, 1983/84, 1987/88
Supercopa de Portugal (3): 1983, 1984, 1986
Copa de Europa (1): 1986/87
Supercopa de Europa (1): 1987
Copa Intercontinental (1): 1987

Individual

Bota de Ouro (2): 1983, 1985.^[14]
Bola de Prata (6): 1976/77, 1977/78, 1978/79, 1982/83, 1983/84, 1984/85.^[15]
Máximo goleador da Copa de Portugal (2): 1979/80, 1982/83
Futbolista Portugués do Ano (1): 1983.^[16]

Notas

↑ Cabranes, Ángel (26 de novembro de 2022). "Fallece a los 66 años el exjugador del Sporting Fernando Gomes". La Nueva España (en castelán). Consultado o 26 de novembro de 2022.
↑ "FC Porto recorda a estreia de Gomes" (en portugués). 8 de setembro de 2015. Arquivado dende o orixinal o 27 de outubro de 2022. Consultado o 27 de outubro de 2022.
↑ "Un fichaje espectacular" (en castelán). Consultado o 27 de outubro de 2022.
↑ "Fernando Gomes: uma Bota de Ouro com orgulho e memória" (en portugués). 8 de novembro de 2018. Arquivado dende o orixinal o 27 de outubro de 2022. Consultado o 27 de outubro de 2022.
↑ "Gañadores da Bota de Ouro". eusm.eu (en inglés). Arquivado dende o orixinal o 18 de marzo de 2022. Consultado o 27 de outubro de 2022.
↑ Da Cunha, Pedro Jorge (27 de maio de 2017). "Baixas em Viena: «Fraturei a tíbia e o perónio, mas marquei golo»" (en portugués). Consultado o 27 de outubro de 2022.
↑ Marques, Sara. "27 de outubro de 2022" (en portugués). Consultado o 27 de outubro de 2022.
↑ "Toyota Cup 1987". FIFA (en inglés). Arquivado dende o orixinal o 11 de novembro de 2010. Consultado o 27 de outubro de 2022.
↑ Da Cunha, Pedro Jorge (28 de abril de 2014). "1988/89: FC Porto sem troféus e dez campeões europeus a chorar" (en portugués). Consultado o 27 de outubro de 2022.
↑ "Recordações de Alvalade: 1991, o Inter nos pés de Oceano" (en portugués). 28 de xuño de 2003. Consultado o 27 de outubro de 2022.
↑ "Histórico da competição" (PDF). Primeira Liga (en portugués). p. 16. Consultado o 27 de outubro de 2022.
↑ "Lista completa dos internacionais portugueses" (en portugués). 18 de febreiro de 2004. Consultado o 27 de outubro de 2022.
↑ "Platini faz a diferença em meia-final de sonho no EURO 1984". UEFA (en portugués). 4 de outubro de 2003. Consultado o 27 de outubro de 2022.
↑ "Golden Boot ("Soulier d'Or") Awards". rsssf.org (en inglés). Consultado o 28 de outubro de 2022.
↑ "Portugal - List of Topscorers". rsssf.org (en inglés). Consultado o 28 de outubro de 2022.
↑ "Portugal - Footballer of the Year". rsssf.org (en inglés). Consultado o 28 de outubro de 2022.

Véxase tamén

Ligazóns externas

Datos do xogador en foradejogo.net (en inglés). Arquivado dende o orixinal o 31 de xullo de 2020.

[1] Cabranes, Ángel (26 de novembro de 2022). "Fallece a los 66 años el exjugador del Sporting Fernando Gomes". La Nueva España (en castelán). Consultado o 26 de novembro de 2022.

[2] "FC Porto recorda a estreia de Gomes" (en portugués). 8 de setembro de 2015. Arquivado dende o orixinal o 27 de outubro de 2022. Consultado o 27 de outubro de 2022.

[3] "Un fichaje espectacular" (en castelán). Consultado o 27 de outubro de 2022.

[4] "Fernando Gomes: uma Bota de Ouro com orgulho e memória" (en portugués). 8 de novembro de 2018. Arquivado dende o orixinal o 27 de outubro de 2022. Consultado o 27 de outubro de 2022.

[5] "Gañadores da Bota de Ouro". eusm.eu (en inglés). Arquivado dende o orixinal o 18 de marzo de 2022. Consultado o 27 de outubro de 2022.

[6] Da Cunha, Pedro Jorge (27 de maio de 2017). "Baixas em Viena: «Fraturei a tíbia e o perónio, mas marquei golo»" (en portugués). Consultado o 27 de outubro de 2022.

[7] Marques, Sara. "27 de outubro de 2022" (en portugués). Consultado o 27 de outubro de 2022.

[8] "Toyota Cup 1987". FIFA (en inglés). Arquivado dende o orixinal o 11 de novembro de 2010. Consultado o 27 de outubro de 2022.

[9] Da Cunha, Pedro Jorge (28 de abril de 2014). "1988/89: FC Porto sem troféus e dez campeões europeus a chorar" (en portugués). Consultado o 27 de outubro de 2022.

[10] "Recordações de Alvalade: 1991, o Inter nos pés de Oceano" (en portugués). 28 de xuño de 2003. Consultado o 27 de outubro de 2022.

[11] "Histórico da competição" (PDF). Primeira Liga (en portugués). p. 16. Consultado o 27 de outubro de 2022.

[12] "Lista completa dos internacionais portugueses" (en portugués). 18 de febreiro de 2004. Consultado o 27 de outubro de 2022.

[13] "Platini faz a diferença em meia-final de sonho no EURO 1984". UEFA (en portugués). 4 de outubro de 2003. Consultado o 27 de outubro de 2022.

[14] "Golden Boot ("Soulier d'Or") Awards". rsssf.org (en inglés). Consultado o 28 de outubro de 2022.

[15] "Portugal - List of Topscorers". rsssf.org (en inglés). Consultado o 28 de outubro de 2022.

[16] "Portugal - Footballer of the Year". rsssf.org (en inglés). Consultado o 28 de outubro de 2022.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]