Huawei

Huawei
Tipo	Privada
Fundación	1987
Localización	Shenzhen China
Fundador	Ren Zhengfei
Persoas clave	Ren Zhengfei (Presidente)
Industria	Telecomunicacións
Produtos	Teléfonos móbiles, equipamento de telecomunicacións
Beneficio	92 549 millóns de dólares (2017)
Número de empregados	140 .000 (2012)
Na rede
	https://www.huawei.com/ e https://huaweitechcafeteria.com/
	[ editar datos en Wikidata ]

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

Huawei Technologies Co. Ltd. (pronunciado /ˈhwɑːˌweɪ/) en (chinés simplificado: 華為技術有限公司, pinyin: Huáwei Jíshu Yǒuxiàn Gōngsī), ten a súa sede principal en Shenzhen, Guangdong, República Popular da China, é o maior fabricante de equipamento de redes e telecomunicacións na China, e un dos líderes mundiais nesta industria.

Foi fundada no ano 1987 por Ren Zhengfei exoficial do exército chinés, Huawei é unha empresa privada de alta tecnoloxía propiedade dos traballadores e especializada en Investigación e desenvolvemento (I+D), produción, mercadotecnia de equipamento de comunicacións e fornece solucións de redes personalizadas para operadoras das industrias das telecomunicacións de todo o mundo.

Case a metade dos seus 140 000 traballadores adícanse a labores de investigación e desenvolvemento de tecnoloxía. Ten 20 centros de I+D na China, Estados Unidos, Alemaña, Suecia, México, India e Rusia.

Opera en máis de 140 países e con 45 dos 50 maiores operadores de telecomunicacións do mundo.

Historia

Huawei foi fundada por Ren Zhengfei en 1987, como distribuidor de produtos PBX importados, centrais telefónicas e servizos de telecomunicacións cun capital inicial de 24 000 Yuans. En 1989, Huawei comezou a desenvolver tecnoloxía propia PBX. Despois de acumular experiencia e recursos no negocio das centrais telefónicas, Huawei acadou o seu primeiro avance no mercado de telecomunicacións en 1993, lanzando o seu C&C08 switch dixital telefónico que tiña unha capacidade de máis de dez mil circuítos. Ata entón, as compañías de telecomunicacións domésticas chinesas non eran quen de construír switchs con tal capacidade.

Huawei ten boa parte do seu mercado na China. No estranxeiro foi gañando cota de mercado cos anos con acordos con outras empresas do sector e gañando contratos con gobernos e grandes operadores de telecomunicacións. A súa condición de empresa chinesa independente de empresas occidentais e a vinculación do seu fundador co exército chinés tense empregado para acusar á empresa de falta de transparencia e de empregar tecnoloxía non suficientemente segura. Nos Estados Unidos, Australia ou no Reino Unido foron suspendidos contratos ou vetado a súa participación en proxectos de telecomunicacións por motivos de seguridade nacional^[1] ou para protexer empresas nacionais do sector.

A competencia acusa a Huawei de ser unha empresa con mal servizo postvenda ou directamente de non telo.

En xullo de 2012 Huawei anunciou que estaba en negociacións con Ficosa para instalar na antiga fábrica de Sony en Viladecavalls (Barcelona) o seu centro de reparacións europeo.^[2]

A finais de 2018, a filla do presidente é detida no Canadá por orde cursada dende os EEUU con acusación de fraude en relación coas sancións comerciais estadounidenses a Irán^[3]. Neste momento, a pesar de dita acusación, a detención entrevese como un chanzo máis na guerra comercial entre os Estados Unidos e a China, neste caso polo dominio das comunicacións 5G no que Huawei leva vantaxe ás compañías norteamericanas.^[4]

Notas

↑ Huawei: «No espiamos para China» Arquivado 07 de setembro de 2012 en Wayback Machine. (en castelán)
↑ Huawei negocia con Ficosa instalarse en Viladecavalls (en castelán)
↑ Leyland Cecco. "El arresto de la vicepresidenta e hija del fundador de Huawei complica el acuerdo comercial entre China y Canadá". eldiario.es (en castelán). Consultado o 2019-01-16.
↑ "Afirmaciones extraordinarias requieren pruebas extraordinarias" (en castelán). Consultado o 2019-01-16.

Véxase tamén

Ligazóns externas

Páxina web de Huawei (en varias linguas)

[1] Huawei: «No espiamos para China» Arquivado 07 de setembro de 2012 en Wayback Machine. (en castelán)

[2] Huawei negocia con Ficosa instalarse en Viladecavalls (en castelán)

[3] Leyland Cecco. "El arresto de la vicepresidenta e hija del fundador de Huawei complica el acuerdo comercial entre China y Canadá". eldiario.es (en castelán). Consultado o 2019-01-16.

[4] "Afirmaciones extraordinarias requieren pruebas extraordinarias" (en castelán). Consultado o 2019-01-16.

[1]

[2]

[3]

[4]