Luc Montagnier

Luc Montagnier

(2008)
Biografía
Nacemento	(fr) Luc Antoine Montagnier 18 de agosto de 1932 Chabris, Francia
Morte	8 de febreiro de 2022 (89 anos) Neuilly-sur-Seine, Francia
Lugar de sepultura	Olerón
Presidente World Foundation AIDS Research and Prevention (en)
1993 – 2022
Director de investigación do CNRS
Datos persoais
Residencia	Nova York (1997–2001) Glasgow Francia Shanghai
Educación	Facultade de Ciencias de París Universidade de Oxford Collège René-Descartes (Châtellerault, Vienne) (en)
Actividade
Campo de traballo	Viroloxía, Bioloxía molecular, immunobiology (en) , Inmunodeficiencia e Virus da inmunodeficiencia humana
Ocupación	biólogo, catedrático, investigador, virólogo, biólogo molecular
Empregador	Centre national de la recherche scientifique (1960–) Queens College Instituto Pasteur
Membro de	Academia francesa das ciencias (1996–) Organización Europea de Bioloxía Molecular (1990–) Academia Europaea (1988–) Academia Nacional de Medicina (França) (pt) Academia Europea das Ciencias e Artes Buenos Aires National Academy of Medicine (en) Comité Maurice-Audin (en)
Compañeiro profesional	Marie-Thérèse Nugeyre (en) Claudine Axler-Blin (en) Jean-Claude Chermann Françoise Brun-Vézinet (pt) Christine Rouzioux (pt) Françoise Rey (en) Jacqueline Gruest (en) Sophie Chamaret (en) Willy Rozenbaum Charles Dauguet (en) Françoise Barré-Sinoussi
Obra
Doutorando	Lisa A Chakrabarti (en)
Familia
Cónxuxe	Dorothea Ackerman
Fillos	Jean-Luc Montagnier, Francine Montagnier, Anne-Marie Montagnier
Cronoloxía
23 de febreiro de 2022	Funeral (Cemiterio do Père-Lachaise)
Premios
(31 de decembro de 2008)  grande oficial da Lexión de Honra../... 31+
Descrito pola fonte	Obálky knih, Medvik >>>:Montagnier, Luc, 1932-,

Luc Montagnier, nado en Chabris o 18 de agosto de 1932 e finado en Neuilly o 8 de febreiro de 2022, foi un virólogo francés. Realizou o seu doutoramento en medicina pola Universidade de Poitiers, e en 1967 iniciou as súas investigacións en viroloxía. En 1972 foi nomeado xefe da Unidade Oncolóxica Viral do Instituto Pasteur, e en 1974 foi designado tamén director do Centro Nacional para a Investigación Científica (CNRS). En 2008 obtivo o Premio Nobel de Medicina, xunto a Françoise Barré-Sinoussi, polo descubrimento do virus de inmunodeficiencia humana (VIH), causante da sida; devandito galardón foi compartido con Harald zur Hausen, quen foi premiado polo descubrimento dos virus do papiloma humano que causan cancro cervical.

Principais achegas

En 1983 o equipo do que formaba parte describiu e identificou o que foi un dos maiores descubrimentos das últimas décadas do século XX: o virus VIH causante da sida, apenas pouco despois de que esta síndrome fose recoñecida como unha nova entidade patolóxica en 1981. O virus foi chamado inicialmente virus asociado á linfomadenopatía (LAV). Un ano despois o equipo do estadounidense Robert Gallo confirmou o descubrimento do virus e que este era o causante da sida. O virus foi renomeado virus T-linfotrópico tipo III (HTLV-III).

Durante moitos anos houbo unha forte disputa sobre se o primeiro en illar o virus fora Montagnier ou Gallo. En novembro de 1990, a Oficina de Integridade Científica dos Institutos Nacionais da Saúde tentaron clarificar o asunto designando unha comisión que analizase as mostras almacenadas no Instituto Pasteur e no Laboratorio de Bioloxía de Células Tumorais do Instituto Nacional do Cancro entre 1983 e 1985. O grupo, liderado por Sheng-Yung Chang, concluíu que o virus de Gallo proviña do laboratorio de Montagnier. Chang concluíu que o virus do grupo francés contaminara un cultivo do que o grupo de Montagnier enviara unha mostra a Gallo, e á súa vez contaminou os cultivos en que Gallo estaba a traballar.

Hoxe en día recoñécese que o grupo de Montagnier foi o primeiro en illar o virus VIH, mais que o grupo de Galo foi o que demostrou que o virus causa a sida e foi responsable de gran parte do desenvolvemento científico que fixo posible o descubrimento, incluíndo unha técnica desenvolvida previamente por Gallo para o cultivo de células T en laboratorio.

No número de 29 de novembro de 2002 de Science, Gallo e Montagnier publicaron unha serie de artigos, un deles asinado por ambos, en que recoñecen as achegas fundamentais que cada un tivera no descubrimento do VIH.

Premios

Montagnier recibiu o Premio Príncipe de Asturias de Investigación Científica e Técnica, compartido con Robert Gallo, no ano 2000 e o Premio Nobel de Medicina en 2008 compartido con Harald zur Hausen e Françoise Barré-Sinoussi.

Controversias

No seus últimos anos algunhas declaracións de Luc Montagnier foron polémicas como a recomendación dada en 2002 ao papa Xoán Paulo II de tratar o párkinson con papaia fermentada, a idea de que a dieta africana favorecía a difusión da sida, ou a defensa da "pista microbiana" como causante do autismo e da homeopatía. O seu escepticismo sobre as vacinas foi denunciado en 2017 por máis de cen académicos franceses, que cualificaron as súas posicións como "perigosas". En abril de 2020, ao comezo da pandemia de covid-19, Luc Montagnier considerou que se trataba dun virus creado nun laboratorio a partir do VIH, algo que foi criticado pola comunidade científica. Todas estas controversias lastraron o seu prestixio científico.

Véxase tamén

Ligazóns externas

• The discovery of the AIDS virus in 1983 – Posición oficial do Instituto Pasteur.
• PROFILE: Luc Montagnier, Francoise Barre-Sinoussi – AIDS pioneers
• Luc Montagnier Foundation