Paris Hilton

Paris Hilton

(2021)
Biografía
Nacemento	(en) Paris Whitney Hilton 17 de febreiro de 1981 (43 anos) Nova York, Estados Unidos de América
Educación	Marywood-Palm Valley school (en) Cascade School (en) The Buckley School (en) CEDU (en) Dwight School (en) Provo Canyon School (en) Professional Children's School (en)
Altura	172 cm
Cor dos ollos	Castaño
Cor do pelo	Louro
Actividade
Campo de traballo	Actor
Ocupación	actriz, actriz de televisión, actriz de cinema, disc-jóckey, socialité, modelo, empresaria, cantante, deseñador de moda
Período de actividade	1997 -
Xénero artístico	Música pop
Representante	Models 1 (en)
Instrumento	Voz
Selo discográfico	Warner Bros. Records Warner Records
Participou en
	Middle East and Africa Summit 2020 (en)
	Middle East and Africa Summit 2022 (en)
Outro
Familia	Hilton family (en)
Cónxuxe	Carter Reum (2021–)
Parella	Carter Reum (2019–2021) Chris Zylka (2017–2018) Thomas Gross (2015–2016) River Viiperi (2012–2014) Doug Reinhardt (2009–2010) Benji Madden (2008–2008) Stavros Niarchos (2005–2007) Paris Kassidokostas-Latsis (2005–2005) Rick Salomon (2003–2004) Nick Carter (2003–2004) Jason Shaw (2002–2003) Edward Furlong (1999–2000)
Pais	Richard Hilton   e Kathy Hilton
Irmáns	Nicky Hilton Conrad Hughes Hilton
Parentes	Prinz von Anhalt, great-granduncle Marcus Eberhardt, great-granduncle
Condenado por	dirigir sob o efeito do álcool (pt) (2006) drug possession (en) (2010)
Premios
(2010)  Golden Raspberry Award for Worst Actress of the Decade (en) (2008)  Framboesa de Ouro de pior atriz coadjuvante (pt) (2008)  Golden Raspberry Award for Worst Screen Couple/Ensemble (en) (2008)  Framboesa de Ouro de pior atriz (pt) (2005)  Framboesa de Ouro de pior atriz coadjuvante (pt)
Sinatura
Descrito pola fonte	Obálky knih,
Sitio web	parishilton.com

Paris Whitney Hilton, nada en Nova York o 17 de febreiro de 1981, é unha personalidade dos medios estadounidense, muller de negocios, membro da alta sociedade, modelo, cantante, actriz, deseñadora de moda e DJ.

Hilton é bisneta de Conrad Hilton, fundador dos Hoteis Hilton, e criouse entre Nova York e Beverly Hills. Comezou unha carreira como modelo na adolescencia, cando asinou coa axencia de modelos neoiorquina Trump Model Management. A súa imaxe pública nocturna convertérona nunha habitual do xornalismo sensacionalista, e Hilton foi declarada a "It Girl líder de Nova York" en 2001. En 2003, o roubo dunha cinta sexual de 2001 co seu mozo Rick Salomon, logo estreada como 1 Night in Paris, catapultouna a unha fama global, e a serie de telerrealidade The Simple Life, en que aparecía coa tamén socialite Nicole Richie, comezou unha emisión de cinco anos con trece millóns de espectadores en FOX.

En 2004, Hilton publicou o libro Confessions of an Heiress, que se converteu nun best seller de The New York Times en 2005, apareceu no filme de terror A casa de cera, e en 2006, publicou o álbum Paris en todo o mundo; alcanzou o posto número seis do Billboard 200, con sinxelo de debut "Stars Are Blind", que rapidamente se fixo un éxito global. Hilton volveu á telerrealidade en 2008 coa franquía de Paris Hilton's My New BFF, en 2011 con The World According to Paris, e en 2018 con Hollywood Love Story. Outras aparicións na pantalla foron os filmes Raising Helen (2004), Repo! The Genetic Opera (2008), e The Bling Ring, de Sofia Coppola (2013), ademais dos documentais Paris, Not France (2008), Teenage Paparazzo (2010) e The American Meme (2018).

En 2012, Hilton debutou como DJ no Festival de Música Pop do Brasil, con mala recepción. Entre 2013 e 2017, tivo a residencia "Paris Hilton: Foam & Diamonds" na discoteca Amnesia de Ibiza, e segundo Time, converteuse na DJ feminina mellor pagada de 2014.

Considerada a influencia clave do renacemento do fenómeno "famoso por ser famoso" durante os primeiros anos do século XXI, Hilton é o exemplo de "celebutante": famoso non polo seu talento ou traballo, senón por unha riqueza e estilo de vida herdado. Aproveitou a súa fama nos medios para a promoción de perfumes e outras liñas; só a súa marca de perfumes proporciónalle máis de tres mil millóns en ingresos. Ademais dun Paris Hilton Beach Club Resort en Manila, hai cincuenta tendas Paris Hilton en todo o mundo e dezanove liñas de produto, como carteiras, reloxos, calzado e coidado do cabelo e a pel. Hilton gaña máis de dez millóns de dólares ao ano cos seus negocios, e en 2017 cobraba uns 300 000 dólares polas súas aparicións en clubs e eventos.

Impacto

En 2011, dous anos despois do aparente final do dominio de Hilton nos medios, a CNN declarou que ela transformara a fama "máis que calquera outra estrela moderna", en referencia á súa influencia no renacemento do fenómeno "famoso por ser famoso", e o seu liderado no xurdimento dun novo tipo de celebridade, cunha vida privada que se converteu nun foco sen precedente para o interese público. Considérase que creou a marca para esta caste de famosos, que se intensificou co posterior crecemento das redes sociais, e moldeou o que o estudoso Daniel J. Boorstin chamou "unha imaxe", que "non é simplemente unha marca rexistrada, un deseño, un slogan ou unha foto fácil de lembrar", senón "un perfil de personalidade creado deliberadamente dun individuo, unha institución, unha empresa, un produto ou un servizo". Paper Magazine chamou a Hilton "a nai da era dixital" nun artigo de 2018, explicando que ao longo da súa vida, "atraeu o mundo para que monitorizase todos os seus movementos... o seus cabelos loiros platino, os seus chándales rosas de veludo, a súa famosa colección de chihuahuas... e aínda así, Hilton non fixo nada que merecese a atención fóra de ser ela mesa. Agora, o invento de Hilton multiplicouse por millóns por toda internet. Todo o mundo tira selfies e presume da súa vida ante un público que obsesivamente segue, dá likes e comparte". Bert Marcus, director do documental The American Meme (2018), fíxose eco deste sentimento, remarcando que ela "puxo o camiño para crear unha marca e unha celebridade por ser ela mesma e converteuno nun fenómeno", mentres que o empresario e celebridade de Instagram The Fat Jew, un dos protagonistas centrais do documental, acredítaa como "inventora da forma en que o mundo pensa sobre influencia". A revista Galore nomeouna "a Raíña dos Negocios da Telerrealidade Orixinal" e mostrouna na súa Art Issue de 2017.

Filmografía

Ano	Título	Personaxe	Notas
1992	Wishman	Rapaza na praia
2000	Sweetie Pie	Descoñecido
2001	Zoolander	Ela mesma	Cameo
2002	Nine Lives	Jo
	QIK2JDG	Strung-out supermodel
2003	Wonderland	Barbie	Cameo
	Cat in the Hat, TheThe Cat in the Hat	Clubgoer
2004	Win a Date with Tad Hamilton!	Heather
	Hillz, TheThe Hillz	Heather Smith
	Raising Helen	Amber
	1 Night in Paris	Ela mesma	Cinta sexual
2005	A casa de cera	Paige Edwards
2006	Bottoms Up	Lisa Mancini
	National Lampoon's Pledge This!	Victoria English
2007	Stories USA	Sadie
2008	America the Beautiful	Ela mesma	Documental
	Paris, Not France
	Hottie and the Nottie, TheThe Hottie and the Nottie	Cristabel Abbott
	Repo! The Genetic Opera	Amber Sweet
	American Carol, AnAn American Carol	Ela mesma
2010	Teenage Paparazzo		Documental
2013	The Bling Ring		Cameo
2015	Jeremy Scott: The People's Designer		Documental
2017	And the Winner Isn't
2018	The American Meme

Bibliografía

• Confessions of an Heiress: A Tongue-in-Chic Peek Behind the Pose; ISBN 0-7432-6664-1 (2004)
• Your Heiress Diary: Confess It All to Me; ISBN 0-7432-8714-2 (2005)

Discografía

• Paris (2006)

Véxase tamén

Ligazóns externas

• Páxina oficial
• Paris Hilton at Fashion Model Directory