Վիքիպեդիա:Խորհրդարան

Խորհրդարան․ վիքիքննարկումների մայր հարթակ Բարի գալուստ Հայերեն Վիքիպեդիայի քննարկումների մայր հարթակ։ Այս էջը նախատեսված է Հայերեն Վիքիպեդիային առնչվող խնդիրների, նոր գաղափարների քննարկման, մտքերի փոխանակման և աշխատանքների համակարգման համար։

Որոնել Խորհրդարանի պահոցում ↓ Ավելացնել նոր քննարկում

Հարցեր և
օգնություն

Տեխնիկական խնդիրներ

Կանոնակարգային քննարկումներ

Տերմինների քննարկում

Ադմինիստրատորների տեղեկատախտակ

Բոտապահ մասնակիցների տեղեկատախտակ

If you don't speak Armenian

Ընթացիկ քվեարկություններ. Ադմին 0 | Տեխադմին 0 | Բոտ 0 | Ընտրյալ հոդված 0 | Կարգավիճակից զրկում 0 | Լավ հոդված 0 | Ընտրյալ ցանկ 0 | Գնահատում 0 | Տարվա հոդված 0 | Կանոնակարգ 0[թարմացնել]

Հայերեն Վիքիպեդիայի ծննդյան միջոցառում

Սիրելի՛ խմբագիրներ, այս կիրակի՝ փետրվարի 16-ին Վիքիմեդիա Հայաստանի գրասենյակում առաջին անգամ տոնելու ենք Հայերեն Վիքիպեդիայի ծննդյան օրը։

Օրակարգը ներառում է խմբագրաթոն, ինչպես նաև ջութակի ուղեկցությամբ պարային երաժշտություն։ Իսկ մինչ ուշ գիշեր մնացողների հետ ժամը 00:00-ին արդեն պաշտոնապես նշելու ենք հանրագիտարանի ծննդյան օրը։

Գրանցումը պարտադիր է։ Գրանցվելու համար այցելեք այստեղ։

Նոր նախագիծ «Համաշխարհային ժառանգություն»

Նախագիծը հաստատվել է, շնորհակալություն։--Գևորգ^💬 13:43, 27 Մայիսի 2020 (UTC)

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

---

Հարգելի վիքիխմբագիրներ, ձեր հաստատմանն եմ ներկայացնում Համաշխարհային ժառանգություն նոր նախագիծը: Համաշխարհային ժառանգության ցանկում ընդգրկված հուշարձաններին վերաբերվող հոդվածները դեռևս ցանկալի մակարդակ չունեն, շատերը գրված էլ չեն։ Այն տևելու է 2020 թվականի հունիսի 1-ից 30-ը, որի ընթացքում գրվելու է ՅՈՒՆԵՍԿՕ-ի համաշխարհային ժառանգության ցանկում ընդգրկված օբյեկտների մասին։ Ակնկալում եմ ձեր ակտիվ մասնակցությունը։--Soghomon Matevosyan (քննարկում) 08:35, 12 Մայիսի 2020 (UTC)

Քվեարկություն

Կողմ

1. Կողմ, հավես նախագիծ է սպասվում:--Angelixus (քննարկում)
2. Կողմ, --Գարդմանահայ (քննարկում) 17:23, 15 Մայիսի 2020 (UTC)
3. Կողմ--Soghomon Matevosyan (քննարկում) 08:45, 17 Մայիսի 2020 (UTC)

   Հարգելի՛ Soghomon Matevosyan, կբացատրե՞ք, թե ինչ տրամաբանությամբ եք «կողմ» քվեարկում ձեր իսկ առաջարկած նախագծին: Շնորհակալություն:--TonJ (քննարկում) 09:41, 17 Մայիսի 2020 (UTC)

4. Կողմ՝ TheBabushka (քննարկում) 20:20, 27 Մայիսի 2020 (UTC)
5. Կողմ, շատ լավ և հետաքրքիր նախագիծ կլինի։--ԱրմինեՄնիկ (քննարկում) 19:18, 29 Մայիսի 2020 (UTC)

Դեմ

1. Դեմ --Valen1988 (քննարկում) 16:32, 27 Մայիսի 2020 (UTC)
2. Դեմ, ստորև քննարկումը, սա և նախագծի համակարգողների ոչ պրոֆեսիոնալիզմը:--TonJ (քննարկում) 16:36, 27 Մայիսի 2020 (UTC)
3. Դեմ, համակարգողները գուցե վերանայեն համայնքին վերաբերող որոշ մոտեցումներ: Իսկ եթե մի անփորձ խմբագիր հարց ուղղի, պիտի մնա անպատասխա՞ն: --∑ίγμα (քնն.) 14:31, 28 Մայիսի 2020 (UTC)

----

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

---

Ինչպե՞ս է նախագիծը հաստատվել, եթե համակարգողներից մեկը արհամարհել է իմ հարցը:--TonJ (քննարկում) 14:06, 27 Մայիսի 2020 (UTC)

Գևորգ ջան, եթե չպարզաբանված հարց կա, ի՞նչ հիմքով ես փակել քննարկումը: --Valen1988 (քննարկում) 14:17, 27 Մայիսի 2020 (UTC)

TonJ ջան կանոնակարգում չգտա մի կետ, որը արգելի խմբագրին իր կողմից առաջ քաշված նախագծին կողմ քվեարկել: Ինչ վերաբերվում է տրամաբանությանը պատասխանեմ օրինակով՝ Ընտրյալ հոդվածներ ընտրելուց ևս խմբագրի ձայնը հաշվում է: Ինչ վերաբերվում է նախագծի հաստատմանը կանոնակարգը հստակ ասում է «Նախագիծը սկսելու համար, այն պետք է համայնքի կողմից ստանա 80% կողմ հիմնավորված ձայներ:»: Անկախ նրանից թե ես չքվեարկեի նախագիծը հաստատվում է, քանի որ դեմ քվեարկող չկար: Եթե չէիր ցանկանում նախագիծը հաստատվեր կարող էիր կարծիքդ հայտնելով Դեմ քվեարկիր: Հուսով եմ պատասխանս սպառիչ էր, քանի որ ես էլ չեմ շարունակի այս թեման: Կանխավ շնորհակալություն--Soghomon Matevosyan (քննարկում) 14:31, 27 Մայիսի 2020 (UTC)

Որպես ավելի հին վիքիխմբագիր՝ կարող եմ Գևորգին ասել, որ շտապողականությունը լավ բան չէ, մանավանդ Վիքիպեդիայում: Soghomon Matevosyanին կասեմ, որ եթե հղում ենք անում կանոնակարգերին, ապա կանոնակարգը չի ասում անպատասխան թողնել հարցը, ավելին՝ հստակ ասվում է. «Մի՛ արհամարհեք ողջամիտ հարցերը։» (ըստ իս, այս պարագայում հարցը ոչ միայն ողջամիտ է, այլև բավականին տեղին): Հորդորում եմ նաև չխառնել կանոնակարգերն իրար՝ դրանով այլ բաների համար արդարացում գտնելու համար: Բացի այդ, Վիքիպեդիան պարտադրանք չէ, ուստի Դուք ուղղակիորեն իրավունք չունեք մասնակցին ցուցել, թե ինչ կարող էր անել, ինչ չէր կարող: Ի վերջո, Ձեր վերջին՝ «ես էլ չեմ շարունակի այս թեման» արտահայտությունն էլ քննարկումները փակելու ողջամիտ տարբերակ չէ:Եվ քանի որ ողջ գրածս հիմնված էր մեկ կանոնակարգի վրա, ուստի խորհուրդ կտայի նախ ծանոթանալ ամբողջ կանոնակարգին: Մաղթում եմ հաճելի վիքիխմբագրումներ:--∑ίγμα (քնն.) 16:18, 27 Մայիսի 2020 (UTC)

Շնորհակալություն ∑ίγμα ջան: Այո՛, ես TonJ-ի հարցին՝ Soghomon Matevosyan-ի պատասխանելուց հետո էի քվեարկելու, մինչդեռ Գևորգը շտապել է փակել՝ փաստորեն «թույլ չտալով» քննարկումը շարունակել: --Valen1988 (քննարկում) 16:23, 27 Մայիսի 2020 (UTC)

Քննարկումը կվերաբացվի առնվազն 1 շաբաթով՝ հնարավորություն տալով ներգրավել առավել շատ մասնակիցների:--∑ίγμα (քնն.) 16:29, 27 Մայիսի 2020 (UTC)

Soghomon Matevosyan, կանոնակարգում, բնականաբար, պարզագույն բաները չեն գրվում. մասնակիցն ինքը պետք է ինքնուրույն հասնի եզրահանգումների (օրինակ՝ պետք է «կողմ» չքվեարկել իր իսկ առաջադրած նախագծին, շատ պարզ է): Եթե օգնության կարիք կունենաք, ես միշտ այստեղ եմ: Բացի այդ, ձեր՝ «ես էլ չեմ շարունակի այս թեմա»-յի հասկանում եմ, որ փախչում եք քննարկումից: Ցավոք, ոչ առողջ մթնոլորտ եք ստեղծում:--TonJ (քննարկում) 16:34, 27 Մայիսի 2020 (UTC)

|

Ողջունում եմ բոլորին, հուսով եմ լավ եք: Նախ կցանկանայի ներողություն խնդրել հարցին ուշ անդրադառնալու համար: Նախագծի հաստատման քննարկումը ժամանակից շուտ փակելը սխալմունք էր, և, ինչպես նշեց ∑ίγμα-ն, եղել է իմ սեփական շտապողականության պատճառով: Ինչևիցե, կարծում եմ հարցի պատասխանը Soghomon Matevosyan-ն արդեն տվեց: Հարգելի TonJ, ինչ կապված է ոչ պրոֆեսիոնալիզմի հետ, տարվա ընթացքում արդեն անցկացրել ենք երկու նախագիծ (Հայոց պատմություն, Հայաստանի հուշարձաններ), որոնք, ըստ իս՝ բավականին հաջող են ավարտվել: Ներքևում նաև գրել ես նախագծի «նորմալ» հետևողականության մասին, եթե նախագծի ընթացքում հետևողականության հետ կապված խնդիրներ առաջանան, և այն «նորմալ» չլինի, հանգիստ կարող ես բարձրացնել նախագծի կասեցման հարցը: Բոլոր այլ առաջացած հարցերին սիրով կպատասխանեմ: Շնորհակալություն: --Գևորգ^💬 15:27, 28 Մայիսի 2020 (UTC)

Հ.Գ. քանի որ նախագծի քննարկումը հետաձգվել է մեկ շաբաթով, այն պլանավորվում է անցկացնել հունիսի 7-ից մինչև հուլիսի 7-ը:--Գևորգ^💬 15:33, 28 Մայիսի 2020 (UTC)

Soghomon Matevosyan, պատասխանեմ Ձեզ այստեղ, քանի որ այս թեմային է առնչվում հարցը. քվեարկության փակումը չի կապվել Ձեր քվեարկելու հետ, այլ համայնքի հանդեպ ունեցած վերաբերմունքի: Ընդ որում, դա էլի՛ մարդկանց է մտահոգել: Հիմա սպասեք մինչ սահմանված ժամկետի ավարտը:--∑ίγμα (քնն.) 12:28, 30 Մայիսի 2020 (UTC)

∑ίγμα, որպես հին վիքիխմբագիր այսպիսի հարց կարո՞ղ եմ տալ, արդյոք խմբագրին անձնական վիրավորանք հասցնելը արգելափակման հիմք չէ:--Soghomon Matevosyan (քննարկում) 12:34, 30 Մայիսի 2020 (UTC)

Soghomon Matevosyan, դեպքե՞ր:--∑ίγμα (քնն.) 13:13, 30 Մայիսի 2020 (UTC)

∑ίγμα օրինակ.

«Soghomon Matevosyan, կանոնակարգում, բնականաբար, պարզագույն բաները չեն գրվում. մասնակիցն ինքը պետք է ինքնուրույն հասնի եզրահանգումների (օրինակ՝ պետք է «կողմ» չքվեարկել իր իսկ առաջադրած նախագծին, շատ պարզ է): Եթե օգնության կարիք կունենաք, ես միշտ այստեղ եմ: Բացի այդ, ձեր՝ «ես էլ չեմ շարունակի այս թեմա»-յի հասկանում եմ, որ փախչում եք քննարկումից: Ցավոք, ոչ առողջ մթնոլորտ եք ստեղծում:--TonJ (քննարկում) 16:34, 27 Մայիսի 2020 (UTC)»

«Խոսակցությունից փախչել» կամ «մասնակիցն ինքը պետք է ինքնուրույն հասնի եզրահանգումների (օրինակ՝ պետք է «կողմ» չքվեարկել իր իսկ առաջադրած նախագծին, շատ պարզ է)», եթե մեկը ձեզ այդպես գրեր դուք ի՞նչ կհասկանայիք: Հարգանքով --Soghomon Matevosyan (քննարկում) 13:21, 30 Մայիսի 2020 (UTC)

Եթե այդպիսի արտահայտությունները թույլատրվում են հանգիստ կարո՞ղ եմ օգտվել առանց վախենալու, որ ադմինները ինձ կարգելափակեն:--Soghomon Matevosyan (քննարկում) 13:23, 30 Մայիսի 2020 (UTC)

Soghomon Matevosyan, եթե ուշադիր եք, ապա դրան անմիջապես հաջորդել է իմ զգուշացումը, որ շարունակելու դեպքում կհանգեցնի արգելափակման: Ընդհանրապես, հարգելի՛ Soghomon, արգելափակումը ծայրահեղ միջոց է. պետք է նախ զգուշացնել, փորձել հասկացնել, որ մասնակիցը սխալ է թույլ տվել, եթե շարունակում է գործելաոճը, ապա միանշանակ պետք է արգելափակվի, ինչն էլ ամրագրված է կանոնակարգում. «Բացարձակապես խորհուրդ չի տրվում արգելափակել մասնակիցներին այն դեպքերում, երբ արդեն այլ բնույթի միջոցներ են կիրառվել (օրինակ՝ նախազգուշացում), եթե մասնակիցը հասկացրել է, որ չի պատրաստվում շարունակել նմանատիպ գործունեությունը»:--∑ίγμα (քնն.) 13:33, 30 Մայիսի 2020 (UTC)

∑ίγμα ի՞նչ կարգի վիրավորանքի դեպքում եք դուք որպես ադմին միանգամից արգելափակում խմբագրին:--Soghomon Matevosyan (քննարկում) 13:50, 30 Մայիսի 2020 (UTC)

Soghomon Matevosyan, անհրաժեշտություն չկա անձնավորելու, արգելափակման հիմքերը ներկայացված են կանոնակարգում, որով էլ առաջնորդվում են բոլոր ադմինները:--∑ίγμα (քնն.) 13:57, 30 Մայիսի 2020 (UTC)

∑ίγμα, ԱՏ-ում քննարկման մեջ կարդացի «երկու ոտքը մեկ կոշիկի մեջ դնելով և ինչ-որ կոչեր» կամ «Ձեզ համար Ազատության հրապարակը չէ» կամ «Փորձեք ուշքի գալ»։ Ըստ իս դա անձնական վիրավորանք է, բայց չգիտես ինչու Դուք ոչ թե գրողին այլ ում ուղղված էր գրությունը իրեն նկատողություն արեցիք վիրավորանքին պատասխանելու համար։ Ես ճի՞շտ եմ հասկացել, որ վիրավորողը առավելություն ունի։ Ու մեկ էլ «շանտաժի» դեպքում արգելափակում նախատեսվում է, թե՞ ոչ--Soghomon Matevosyan (քննարկում) 15:36, 30 Մայիսի 2020 (UTC)

ՀԳ շատ հարցեր կան քվեարկությունների հետ կապված ∑ίγμα։ Օրինակ, երբ ընտրյալ ցանկի համար է առաջադրվում հոդվածը առանց մասնակցին հարձնելու իր փոխարեն որոշվում է կայացվում, որ ինքը պարտավոր է մասնակցի քվեարկությանը, ընդ որում համ մասնակցի, համ «կողմ» քվեարկի։ Կարող է այդ խմբագրի համար իր բոլոր հոդվածները ընտրյալ են և նա չի ուզում մասնակցի քվեարկությանը, ինչի՞ է նրան պարտադրվում, ինչի՞ է առանց իրեն հարցնելու իր փոխարեն որոշումներ կայացվում, ո՞վ է թույրատրել ադմինին այլ խմբագրի փոխարեն քվեարկի։ Շատ հարցականներ կան, որը չի գրված կանոնակարգում, բայց կիրառվում է։--Soghomon Matevosyan (քննարկում) 15:51, 30 Մայիսի 2020 (UTC)

Soghomon Matevosyan, եթե դրանք լինեին անձնական վիրավորանքներ, ապա Nooberella մասնակիցն անպայման կզգուշացվեր, վստահաբար կարող եմ ասել: Հայերեն Վիքիպեդիայում ոչ ոք առավելություն չունի՝ կախված իրական կյանքում իր ունեցած նվաճումներից, դիրքից. սոցիալական վիճակից... Ի՞նչ նկատի ունեք «շանտաժ» ասելով: Մեր Վիքիբառարանը այս բառի համար սահմանում է. «վարկաբեկող տվյալների՝ տեղեկությունների հրապարակման սպառնանք՝ որևէ նպատակի հասնելու համար, մեկին ահաբեկելը՝ նրա մասին ունեցած վարկաբեկիչ փաստեր՝ տվյալներ հրապարակելու սպառնալիքով»: Այստեղ բացի հոդված խմբագրելը ուրիշ ի՞նչ կարող է լինել, որ դառնա շանտաժի առարկա: Մարդը սխալ է, տեղում ասում ենք՝ սխալ ես, չենք պահում դա և հետագայում օգտագործում իր դեմ: Մինչ օրս շանտաժի դեպքեր չեն հանդիպել, իսկ արտավիքիական շանտաժը վիքիում ուժ չունի: Իսկ այ քվեարկությունների պահով անկեղծ չեմ հասկանում՝ ինչ նկատի ունեք: Մի քանի ճշգրտող հարցերով փորձենք հասկանալ.

• ո՞վ ո՞ւմ հոդվածն է դրել քվեարկության (չնայած մինչ քվեարկության փուլ հասնելը կա գնահատման փուլը, որտեղ միայն հոդվածագիր մասնակիցը կարող է ուղղումներ ու փաստարկումներ անել. վերջիվերջո ինքը գիտի, թե տվյալ բառն ու նախադասությունն ինչու է գրել),
• ո՞վ է ասել, որ Դուք պարտավոր եք մասնակցել քվեարկությանը և կողմ քվեարկել. դա առնվազն պարտադրանք է և ուղղորդում, իսկ կանոնակարգը նման ապացուցված դեպքերում թույլ է տալիս ադմիններին միանգամից կասեցնել քվեարկությունը,
• ո՞վ է ո՞ւմ փոխարեն քվեարկել և ինչպե՞ս է դա հնարավոր. ամեն մարդ իր քվեի կողքին ստորագրում է: Եղե՞լ են դեպքեր, որ քվեարկել է X մասնակիցը, բայց ստորագրել որպես Y մասնակից: Բացառություն են այն դեպքերը, երբ բացում ենք քվեարկություն և +1 ձայն արդեն լինում է: Ձեր ասածները իմ վիքիպրակտիկայում չհանդիպած դեպքեր են (բացառությամբ ուղղորդման մեկ դեպքի, և քվեարկությունն իսկույն կասեցվել է): Փորձենք կոնկրետ օրինակներ բերել, իսկ եթե իրավիճակային էին Ձեր հարցերը, ես դրանց հիմնավորում տվեցի: Սա ճշտենք, մնացածը կասեմ:--∑ίγμα (քնն.) 21:40, 30 Մայիսի 2020 (UTC)

∑ίγμα, ես հենց այդ +1 ձայնի մասին եմ ասում, խմբագիրը ում հոդվածը գնահատման փուլից հետո առաջադրվել է որպես ընտրյալ հոդված պարտավոր է մասնակցի քվեարկությանը և հենց ամենասկզբից ադմինը իր փոխարեն քվեարկում է։ Իսկ եթե նա չի ուզում մասնակցի քվեարկությանը, ինչի՞ է նրա փոխարեն ադմինը որոշում կայացնում և +1 ձայն կողմ հաշվում։ Թող խմբագիրը ինքը քվեարկի և +1 կողմ կամ դեմ ձայն ավելացնի քվեարկությունում։--Soghomon Matevosyan (քննարկում) 05:03, 31 Մայիսի 2020 (UTC)

Soghomon Matevosyan, Դա ամրագրված է կանոնակարգով, որն ուժի մեջ է մտել 2019 թվականի դեկտեմբերի 13-ից: Ոչ ոք ոչ ոքի փոխարեն չի քվեարկում: Ես տեսնում եմ, որ գնահատման փուլը դրական է անցել, ավարտվել է ժամկետը, ծանոթ եմ հոդվածին, փակում եմ գնահատման փուլը, բացում քվեարկություն՝ դրանով նաև կողմ քվեարկով հոդվածին: Ոչ մի գնահատման փուլ չփակված չի մնում (ընդ որում գնահատման փուոլում 2 փաստարկված Դեմ ձայներով հոդվածի գնահատման փուլը շարունակվում է մինչ սահմանված ժամկետը, բայց ոչ մի դեպքում քվեարկության փուլ չի անցնում): Եթե այնուամենայնիվ հոդվածն անցել է քվեարկության փուլ, ապա սպասեք մինչ դրա սկսվելը և Ձեր փաստարկված Դեմ ձայնով արտահայտեք դիրքորոշումը: --∑ίγμα (քնն.) 11:13, 31 Մայիսի 2020 (UTC)

Թանգարանային խմբագրաթոն

Մայիսի 18-ը Թանգարանների միջազգային օրն է։ Ըստ ձևավորված ավանդույթի մենք ամեն տարի թանգարանների օրվա մոտակա շաբաթ-կիրակի գիշերը այցելում ենք թանգարաններ։ Ինչը այս տարի COVID-19 պանդեմիայի պատճառով անհնարին է։

Առաջարկ կա կիրակի, մայիսի 17-ը՝ տրամադրել թանգարանների մասին հոդված ստեղծելուն։ Կարող ենք գրել ցանկացած թանգարանի կամ թանգարանային նյութի մասին։ Օգնության համար ցուցակներ կդրվեն, որոնցից կարելի է օգտվել։ Այս խմբագրաթոնին ազատ կարող է մասնակցել յուրաքանչյուրը։ Զուտ՝ ստեղծված հոդվածների քանակին հետևելու համար, խնդրում ենք գրանցվել Վիքիպեդիա:Թանգարանային խմբագրաթոն էջում։--Beko^{Քննարկում} 19:30, 15 Մայիսի 2020 (UTC)

• Միանշանակ Կողմ եմ։ Կարելի է համալրել Հայերեն Վիքիպեդիան թանգարանների վերաբերյալ կարևորագույն հոդվածներով (տես այստեղ)՝ դրա հետ մեկտեղ հետ չմնալով «ՎիքիԹիմ 1+3» նախագծից:--TheBabushka (քննարկում) 10:19, 16 Մայիսի 2020 (UTC)

Շաբաթվա հոդված

Հարգելինե՛րս, ինչպե՞ս է որոշվում կամ ո՞վ է որոշում, թե որ հոդվածն է ընտրվելու շաբաթվա հոդված: Գլխավոր էջի այսօրվա հոդվածը վատ թարգմանություն է: Հեղինակներից մեկին դրա մասին արդեն ծանուցել եմ իր քննարկման էջում:--TonJ (քննարկում) 10:48, 18 Մայիսի 2020 (UTC)

Շա՜տ ցավալի և մտահոգող հարց է: Հուսամ մանրակրկիտ բացատրությամբ պատասխան կստանանք: Հարգանոք՝ --Valen1988 (քննարկում) 07:34, 19 Մայիսի 2020 (UTC)

TonJ ջան, երևի պետք է էջը պիտակել վատ թարգմանության դեպքում, այլ ոչ թե գրել հոդվածի հեղինակներից մեկին, այն էլ ոչ ստեղծողին։ Այդ դեպքում ակնառու կլինի, որ հոդվածը վատ թարգմանություն է, թեև ես դա չեմ նկատել։ Հոդվածները ընտրում եմ ես, մեծ, աղբյուրներով և վերջերս ստեղծված հոդվածներից։ Ինչո՞ւ ես, որովհետև նախկինում ընտրողներն ու հոդվածը գլխավոր էջում դնողները հրաժարվեցին, ես էլ ստիպված վերցրի այդ պարտականությունը։ Քանի որ հոգատար վերաբերմունք ունես, այս հարցին, գուցե այդ պարտականուոյունը վերցնես քո վրա։ Ի՞նչ կասես։--Beko^{Քննարկում} 07:46, 19 Մայիսի 2020 (UTC)

Beko ջան, շնորհակալություն շատ ձեր հետևողական աշխատանքի համար: Այս քանի օրը մի քանի մասնակիցների ծանուցել եմ վատ թարգմանության համար, և նրանք ասել են, որ աշխատում են հոդվածների վրա: Կարծում եմ՝ սա է պատճառը, որ չեմ պիտակել հոդվածը: Աչքովս ընկավ հոդվածի «Հնդկաստան» բաժինը, դրա համար միայն մեկ մասնակցի ծանուցեցի: Ի դեպ, ծանուցելուց հետո փոփոխություններ չի եղել հոդվածում (ընդհանրապես, ծանուցումը պետք է նշանակեր, որ հոդվածը պետք է սկզբից մինչև վերջ նայվեր, այնինչ այն այս պահի դրությամբ վատ թարգմանություն է, շարադասական/խնդրառական/կետադրական/բառակազմական լիքը սխալներով և այլն (որոնք ներառել եմ քննարկման էջում)): Ցավոք, ես վստահ չեմ, որ կկարողանամ հասցնել նախագծով զբաղվել: Այս մասով ևս մեկ անգամ շնորհակալ եմ ձեզ:--TonJ (քննարկում) 08:02, 19 Մայիսի 2020 (UTC)

TonJ ջան, կխնդրեի դիտողություններդ նաև գրես էջի քննարկման մասում, որպեսզի համակարգողը նույնպես իմանա էջի թերությունների մասին։--Սամվել^{քննարկում} 09:14, 19 Մայիսի 2020 (UTC)

TonJ ջան, գրել ես՝ «ի դեպ, ծանուցելուց հետո փոփոխություններ չի եղել հոդվածում», բայց դու ծանուցել ես մայիսի 18-ին՝ ժամը 05:58-ին (Գրինվիչով էլի), ինչից հետո մեծ մասամբ վերանայել ենք հոդվածը (տե՛ս պատմության էջը)։ Շնորհակալ եմ։--Նուբեռելլա ^💬 10:07, 19 Մայիսի 2020 (UTC)

Շնորհակալություն մեկնաբանությամբ համար, Սամվել ջան: Ընդունում եմ, այս պահը ամեն անգամ տարբեր եմ անում. մեկ ծանուցում եմ մասնակցի քննարկման էջում, մեկ՝ հոդվածի քննարկման էջում: Մյուս անգամ քննարկման էջում կգրեմ: Շնորհակալ եմ ասելու համար: Նուբեռելլա ջան, Gevorg Ghazaryan մասնակցի էջում գրածս թերություններն ամբողջությամբ չեն ուղղվել, որից ենթադրեցի, որ փոփոխություններ չեն եղել: Շնորհակալ եմ փոփոխությունները ցույց տալու համար: Հոդվածը դարձյալ վատ թարգանություն է և բոլոր այն ամենը, ինչ նշել եմ վերևում: Ես տեսնում եմ, թե ինչ հսկայական աշխատանք է տարվել և չեմ ուզում այս ամենը ջուրն ընկնի, ուստի խնդրում եմ ուշադիր եղեք թարգմանելու ընթացքում: Շնորհակալություն պատասխանի համար: Առողջ եղեք:--TonJ (քննարկում) 10:28, 19 Մայիսի 2020 (UTC)

Հ.Գ. հոդվածում «մեծ մասամբ վերանայումներ» ես չեմ նկատել: Օրինակ «Հնդկաստան»-ի մասում գրեթե փոփոխություն չկա, մինչդեռ ամբողջ մասը վատ/մեխանիկական թարգմանություն է:--TonJ (քննարկում) 10:42, 19 Մայիսի 2020 (UTC)

Հարգելի TonJ, շնորհակալություն դիտարկումների համար։ Իսկապես, երբեմն հանդիպում ենք շատ անորակ թարգմանությունների, հատկապես երբ հոդվածները ստեղծվում են մրցութային տարբեր նախագծերի շրջանակներում, բայց չեմ կարծում, որ սա այդ դեպքն էր։ Համենայն դեպս, քո գրառումից հետո ես ամբողջ հոդվածն աչքի եմ անցկացրել։ Նշեմ նաև, որ ինձանից առաջ հոդվածը ստեղծողները ևս կարևոր շտկումներ են արել։ Այս պահին հոդվածը բավականին լավ վիճակում է։ Բայց, ինչ խոսք, լավ կլինի չշտապել և կատարել հնարավորինս որակյալ աշխատանք։ --Նարինե Մուրադյան (քննարկում) 19:17, 19 Մայիսի 2020 (UTC)

Հարգելի՛ Նարինե Մուրադյան, Ձեզ նույնպես շնորհակալություն մեկնաբանելու համար: Շնորհակալություն նաև հոդվածում ուղղումներ կատարելու համար: Ես կարծում եմ, որ սա հենց այդ դեպքն է: Ցավոք, հոդվածում դեռ կան վատ թարգմանության տարրեր: Օր.՝ «Մյուս կողմից, շատ բաց մաշկ ունեցող մարդկանց համարում են ավելի ձուլված և իրենց ռասայի հետ պակաս նույնականացված»...: Տառասխալներ (օր.՝ « Մուգ մաշկն ասոցիացվել է իռացիոնալության», «Ինստագրամում սատարեն են մաշկի», ...): Գուցե ես ձգտում եմ կատարելության, բայց, ամեն դեպքում, հոդվածը դեռ պետք է կարգի բերվի և ստուգվի: Շնորհակալություն:--TonJ (քննարկում) 20:15, 19 Մայիսի 2020 (UTC)

Հարգելի TonJ, ինքս էլ ձգտում եմ կատարելության կամ առավելագույն որակի, բայց կարծում եմ, որ անհնար է 100 հազարանոց հոդվածում չունենալ առնվազն մեկ տառասխալ կամ վրիպակ։ Գուցե փորձես անձա՞մբ ուղղել այդ մանր-մունր վրիպակները։ Դրանից հոդվածը և ընթերցողը միայն կշահեն։ Շնորհակալություն։ --Նարինե Մուրադյան (քննարկում) 20:25, 19 Մայիսի 2020 (UTC)

Ես սովորաբար ուղղումներ կատարում եմ, եթե նկատել եք: Քանի որ ասում եք՝ հոդվածը անորակ թարգմանության դեպք չէ, և որ հոդվածը լավ վիճակում է՝ նախընտրեցի գրել տեսածս սխալները: Ի վերջո, հոդվածն ընտրվել է շաբաթվա հոդված և անհրաժեշտ է յուրահատուկ ուշադրությամբ ստուգել այն: Համաձայն չե՞ք:--TonJ (քննարկում) 20:31, 19 Մայիսի 2020 (UTC)

TonJ ջան, հավաստիացնում եմ, որ եթե հոդվածը մենք առաջադրեինք որպես շաբաթվա հոդվածի թեկնածու, ապա այն առավել քան իդեալական կլիներ, ընդհանրապես բոլոր հոդվածները պետք է ձգտեն կատարելության, բայց դե շաբաթվա հոդվածները առավել ևս։ Ուղղակի մեզ համար նույնպես անսպասելի էր այն տեսնել գլխավոր էջում, իսկ հոդվածները պատրաստվում էինք մանրամասնորեն ստուգել մրցույթից հետո (կարծեմ կազմակերպիչները թույլատրել են)։

Հ.գ. «Մյուս կողմից, շատ բաց մաշկ ունեցող մարդկանց համարում են ավելի ձուլված և իրենց ռասայի հետ պակաս նույնականացված»։ Այս մասում չհասկացա ինչ սխալ կա, եթե ի նկատի ունես «ձուլված» բառը, ապա այն, ըստ իս, ճիշտ է, քանի որ ազգերի դեպքում շատ են օգտագործում այդ բառը։ (Օր.` Տեղացի հնդկացիները ձուլվեցին եկվորների հետ)։ Շնորհակալություն սրտացավ վերաբերմունքի համար։--Նուբեռելլա ^💬 04:57, 20 Մայիսի 2020 (UTC)

Շնորհակալություն մեկնաբանության համար, Նուբեռելլա ջան: «..իսկ հոդվածները պատրաստվում էինք մանրամասնորեն ստուգել մրցույթից հետո (կարծեմ կազմակերպիչները թույլատրել են)» - սա աբսուրդի ժանրից է :):--TonJ (քննարկում) 05:49, 20 Մայիսի 2020 (UTC)

Ինչևէ, հոդվածն այժմ ամբողջովին վերանայված է։ Եթե դեռևս ինչ որ սխալներ ես տեսնում այնտեղ, առաջարկում եմ ինքդ ուղղես դրանք, քանի որ հոդվածի համար բոլորս ենք պատասխանատու և ոչ թե միայն հեղինակը։ Շնորհակալություն, ես այլևս չեմ շարունակի այս քննարկումը, քանի որ կարծում եմ` այն հասել է իր արդյունքին` ասել է թե Կոլորիզմ հոդվածի ուղղմանն ու բարելավմանը։ --Նուբեռելլա ^💬 06:02, 20 Մայիսի 2020 (UTC)

TonJ, որքան փորձում եմ չանձնավորել Վիքիպեդիան և խնդրին նայել որպես լուծման անհրաժեշտ առարկա, այլ ոչ խնդիրը բարձրացնողի պրոբլեմ, քո պարագայում դա չի ստացվում: Ժամանակին գրում էիր բազմաթիվ հոդվածներ, այդ թվում՝ որակյալ և ընդարձակ, այլ հոդվածներում սխալ նկատելիս շտապում էիր ինքդ ուղղել: Դա քեզ մոտ ստացվում էր ոչ միայն առողջ մրցակցակցության մղմամբ, այլև նորը սովորելու ցանկությամբ: Դու շատ լավ պատկերացնում էիր, որ հոդվածը չի պատկանում որևէ մեկի, և այն չունի մեկ հեղինակ, եթե նույնիսկ այն սկզբից մինչև վերջ գրվել է միայն մեկ հոգու կողմից: Երբ մտահոգություններդ էիր հայտնում պատմության նախագծի հետ կապված՝ պարզ էր, որ միայնակ չես կարող զանգվածային ուղղումներ անել, ուստի քննարկում ես բացում: Բայց ես նկատեցի, որ ոչ միայն դրանից հետո, այլև դրանից առաջ ստեղծվում ես այսպիսի իրավիճակներ, որոնց կենտրոնում հայտնվում են հիմնականում 2-3 նույն խմբագիրները: Չէ՞ որ ոչինչ քեզ չի խանգարում առաջվա պես՝ ինչպես ժամանակին, ուղղել սխալները: Կարծեմ՝ քո խոսքերն էին (ուղղված խմբագիրներից մեկին)՝ քո կարծիքը շատ ավելի արժեքավոր կլիներ, եթե ուղղակի մտնեիր և ուղղեիր, իսկ ես հոդվածի պատմությանը հետևում եմ և տեսնում՝ ինչն եմ սխալվել: Եթե ունես խմբագրական ու թարգմանչական մեծ հմտություններ, կարող ես սովորեցնել, և ոչ թե բոլորին ցույց տալ քո ունակությունները: Դա շատ բարձր կգնահատվի, քանի որ բխում է ինչպես բոլորիս, այնպես էլ Վիքիպեդիայի շահերից: Թեև Վիքիպեդիան դաստիարակչական հարթակ չէ, այնուամենայնիվ քեզ կհորդորեմ ամեն անգամ նման քննարկում բացելիս հիշել քո՝ խմբագրի անցյալը և շարունակել նույն ոճով: Դրանով դու կխնայես քո ժամանակն ու էներգիան, և չես շեղի ոչ ոքի, բացի տվյալ հոդվածի ներկա և ապագա խմբագրողներից: Դա հենց Վիքիպեդիայի սկզբունքն է, որը ժամանակին հասկանալով՝ մտել ես խմբագիրների շարքերը: Հարգանքներով՝ --Հայկ (արաբագետ) 06:20, 20 Մայիսի 2020 (UTC)

• Նուբեռելլա, ցանկացած հոդված հրապարակելուց առաջ պետք է այն մանրամասն ստուգել, քանի օր պահպանել/ստեղծել/հրապարակել կոճակի սեղմումից հետո այն դառնում է հանրային: Եթե թիմը վստահ չէ, որ այն սխալներ չունի, թող մնա ավազարկղում: Դրանով և՛ խառնափնթոր վիճակ չի ստեղծվի, և՛ Հայերեն Վիքիպեդիայի որակը անկում չի արձանագրի, քանի որ ոչ խմբագիր մարդիկ, որոնք մտնում են վիքի, առաջինը շաբաթվա հոդվածն են կարդում ու կարծիք կազմում, ու նրանք չգիտեն, որ ստեղծողների թիմը, քո ասածի նման, հետո է մանրամասն ստուգելու: Սա ի պատասխան այս գրածիդ՝ «..իսկ հոդվածները պատրաստվում էինք մանրամասնորեն ստուգել մրցույթից հետո (կարծեմ կազմակերպիչները թույլատրել են)»: Հարգանոք՝ --Valen1988 (քննարկում) 07:15, 20 Մայիսի 2020 (UTC)

Valen1988 ջան, չկարողացա չպատասախանել։ Շատ լավ, կհետևենք խորհրդիդ։ Ուզում եմ նշել՝ համաձայն եմ քո հետ, նույն ձև էլ սխալները նկատելուց հետո անհարաժեշտ է միանգամից ուղղել: Համամիտ չե՞ս։--Նուբեռելլա ^💬 07:20, 20 Մայիսի 2020 (UTC)

Նուբեռելլա ջան, եթե մի քանի վրիպակ է ու սխալ՝ անշուշտ, իսկ եթե այնպիսի հոդված, որն առավել քան դյուրին է ջնջել ու նորից գրել՝ ո՛չ: Ես իմ փորձն եմ ասում: Շատ սխալի դեպքում պարտադիր պիտակում եմ կամ տեղափոխում հեղինակի ավազարկղ, քչի դեպքում՝ ստուգում, ահռելի լինելու դեպքում՝ ներկայացնում արագ ջնջման: --Valen1988 (քննարկում) 07:25, 20 Մայիսի 2020 (UTC)

Շնորհակալություն Valen1988 ջան, միանշանակ համամիտ եմ։ Ուզում եմ հիշեցնել, որ մենք չենք առաջադրել հոդվածը որպես թեկնածու, իսկ նկատելով, որ այն դարձել է շաբաթվա հոդված՝ անմիջապես անցել ենք ստուգման։ Թիմի անունից հայցում եմ ձեր բոլորի ներողամտությունը հոդվածում եղած սխալների համար։ --Նուբեռելլա ^💬 07:30, 20 Մայիսի 2020 (UTC)

Նուբեռելլա, հետաքրքիր ու հաճելի խմբագրումներ ձեզ... --Valen1988 (քննարկում) 07:32, 20 Մայիսի 2020 (UTC)

Բարև, Հայկ: Ես գտնում եմ, որ թարգմանական սխալները հատ-հատ գրելը և դրանք ինքնուրույն ուղղելը լավագույն պրակտիկան է: Ես անում եմ այն, ինչին հավատում եմ: Ես նաև հավատում եմ, որ սխալը մատնացույց անելը վատ բան չէ, իսկ անտարբերությունը՝ այո՛, վատ է, որին դու դրդում ես ինձ: Ես մերժում եմ «ինքդ ուղղիր»-ի քաղաքականությունը, քանի որ այն ուրիշ խմբագիրների կարողությունների աճին դեմ է: Ես ոչ մի մասնակցի չեմ «թիրախավորում». ստացվում է այնպես, որ նրանց մոտ եմ սխալներ տեսնում: Ես քեզ խնդրում եմ, որ հետագայում ինձ հետ խոսելիս չանդրադառնալ իմ խմբագրական անցյալին, քանի որ դու ինձ ճանաչում էիր վաղուց՝ դեռ այն ժամանակվանից, երբ լավ չէի տիրապետում լեզուներին: Եվս մեկ անգամ նման անդրադարձ, և ես կխնդրեմ քո և իմ միջև «տոպիկ բան» կիրառել: Խնդրում եմ նաև նախքան մեկնաբանելը կարդալ, թե թեման ինչին է վերաբերում: Ես ներկայացրել եմ խնդիրը, այն էր՝ շաբաթվա հոդված էր ընտրվել վատ թարգմանված հոդված: Շնորհակալություն:

Նուբեռելլա ջան, շնորհակալություն հոդվածում կատարած փոփոխությունների համար: Հիմա այն ավելի ներկայանալի տեսք ունի: Շնորհակալություն:--TonJ (քննարկում) 17:03, 20 Մայիսի 2020 (UTC)

22-րդ շաբաթվա հոդված

Հարգելի համայնք, շաբաթվա հոդվածի թեկնածուների առաջարկված ցուցակում ունենք հետևյալ հոդվածները՝ Դորոթի Դին, Սափորով աղջիկը, Աննա Չերտկովա, Կոննի Գիլքրիստ, Բիլլի Այլիշ, Հումանիտար գիտություններ, որոնցից և ոչ մեկի մասին, ոչ մի մասնակից կարծիք չի հայտնել։ Խնդրում եմ հիմա հայտնել, և որոշել, թե հաջորդ շաբաթվա հոդվածը որն է լինելու։ Կխնդրեի հոդվածի մասին կարծիք արտահայտեին ոչ առաջադրողները, նրանց կարծիքը պարզ է։ Հիշեցնեմ, որ ըստ մեր բոլորիս կողմից ընդունված կանոնակարգի խմբագիրների կողմից դիտողություններ կամ առաջարկներ անելուց մեկ շաբաթ հետո դրանք անարձագանք մնալու դեպքում հոդվածն ավտոմատ կերպով տեղափոխվում է «Չընտրված թեկնածուներ» բաժին, որը մինչ այժմ հիմնականում չենք կիրառել, բայց ինչպես պարզվում է ակտիվ մասնակիցների քննարկումներից՝ այսուհետ պետք է կիրառել, քանի որ սպրդում են ոչ որակյալ հոդվածներ։--Beko^{Քննարկում} 05:44, 21 Մայիսի 2020 (UTC)

Beko ջան, թեկնածուներ բաժնում կան 153 հոդվածներ, բայց այստեղ դրել եք 6֊ը։ Անկեղծ ասած չգիտեմ` արդյոք մնացածը համարվում են չընտրված։ Եթե այո, ապա առաջարկում եմ դրանք տեղափոխել չընտրվածների բաժին, նաև փակել ընտրված հոդվածների քննարկումները և տեղափոխել ընտրյալների բաժին։ Առաջարկում եմ ամեն տարի արխիվացնել թեկնածուների էջը, քանի որ այնտեղ այժմ մի տեսակ քաոս է տիրում։ Նաև խնդրում եմ համապատասխան ծանուցել մասնակցի քննարկման էջերում և դնել կաղապարը հոդվածի մեջ։ Ամենայն հարգանքով Ձեր հանդեպ, բայց կանոնը կանոն է։ Հասկանում եմ, որ Դուք այս պարտականությունը ստիպված եք եղել Ձեր վրա վերցրել, սակայն ես ինքս պատրաստ եմ Ձեզ օգնել տեխնիկական հարցերում։ Մինչև կիրակի վերոնշյալ հոդվածներից մի քանիսը աչքի կանցկացնեմ և կարձագանքեմ։ Կանխավ շներհակալ եմ --Նուբեռելլա ^💬 06:45, 21 Մայիսի 2020 (UTC)

Նուբեռելլա ջան, մինչ սա գրել ես, ես արդեն տեղափոխել էի արխիվ։ Քո ասած 153 հոդվածները 2018 թվականից էին, իսկ մեր կանոնակարգով գրված է, որ մեկ շաբաթ արձագանք չլինելու դեպքում հոդվածը արխիվացվում է։ Արխիվացնելու, տեղեկացնելու և մնացած առաջարկներդ շատ տեղին են, և հուսով եմ գլխավոր էջի շաբաթվա հոդվածով զբաղվողը դա հաշվի կառնի։ Ես էլ դրանով չեմ զբաղվելու։ Այստեղ առաջարկածս վեց հոդվածները այս ամսվա առաջարկներն են և կարծում եմ հավասար իրավունք ունեն առաջադրվելու, և կարծում եմ հոդվածների որակով հետաքրքրված մասնակիցները կարծիք կհայտնեն դրանց որակի մասին։ Եվ լավ կլինի, որ որևէ մեկը շաբաթվա հոդվածներով զբաղվելու ցանկություն հայտնի և ստանձնի այդ գործը։--Beko^{Քննարկում} 06:56, 21 Մայիսի 2020 (UTC)

Շնորհակալություն այսքան ժամանակ կատարածդ աշխատանքի համար, Beko ջան։--Նուբեռելլա ^💬 07:21, 21 Մայիսի 2020 (UTC)

Դորոթի Դին, Սափորով աղջիկը, Աննա Չերտկովա, Կոննի Գիլքրիստ - կողմ եմ շաբաթվա հոդված դառնալուն: Դեմ եմ «Հումանիտար գիտություններ» հոդվածին՝ վատ թարգմանություն է:--TonJ (քննարկում) 15:20, 23 Մայիսի 2020 (UTC)

TonJ ջան, հենց թեկնածուների բաժնում կարող ես կարծքի հայտնել, որ քո ձայնը հաշվվի։--Նուբեռելլա ^💬 17:25, 23 Մայիսի 2020 (UTC)

Translation needed

Hello. My dear Armenian colleagues, could you translate in English the Armenian inscription from this photo: https://commons.wikimedia.org/wiki/File:Capela_Pruncul5.jpg? Thank you in advance. --Donarius (քննարկում) 15:40, 24 Մայիսի 2020 (UTC)

Looks to be Western Armenian language

Upper half-round: ՄԱՏՈՒՌ ՀԱՆԳՍՏԵԱՆ ՆՆՋԵՑԵԼՈՑ, ԱՍՊԵՏ ԲՐՈՆԳՈՒԼԵԱՆ ԶԱՐՄԻ։

Lower line: ՀԱՆԳ."ԵՐԿՆ" ԽԱՂԱՂՈԹԵԱՆ

rough translation

chapel for resting tomb (literally place for sleeping), cavaler Brongulean family (clan)

calm(?) sorrow(?) of peace

- Kareyac (քննարկում) 19:34, 24 Մայիսի 2020 (UTC)

@Kareyac Thank you! --Donarius (քննարկում) 15:17, 28 Մայիսի 2020 (UTC)

Նախագիծ

Ողջույն բոլորին: Ես կարծում եմ, որ «Համաշխարհային ժառանգություն» նախագիծը չպե՛տք է գործի, քանի որ կազմակերպիչներից մեկը արհամարհել է իմ հարցը, իսկ մյուսը տեսնելով գրածս՝ փակել է քննարկումը: Նման վերաբերմունքից հետո ես վստահ չեմ, որ նախագիծը կունենա նորմալ (չեմ ասում «լավ») հետևողականություն:--TonJ (քննարկում) 14:17, 27 Մայիսի 2020 (UTC)

Ճիշտն ասած՝ առ այս պահը նախագծին չէի քվեարկել, որովհետև սպասում էի վերևում տրված հարցի պատասխանին, ապա ես էլ ինձ հուզող հարցն ուղղեի ու ըստ այդմ քվեարկեի։ Ոնց որ ասում են՝ սպասելով էլ մնացի։ Նախատեսվող նախագծի համակարգողների արհամարհական (այլ կերպ սա որակել չեմ կարող) վերաբերմունքը համայնքին առնվազն անընդունելի է։ Փաստացի սխալմունք, շփոթություն կամ չնկատել չի, այլ՝ անտեսում։ Իսկ եթե նախագիծը չսկսված այսպիսի «վերաբերմունք» ենք ստանում, ապա ի՞նչ է լինելու հետագայում, երբ որ ծագեն որոշակի հարցեր, խնդիրներ, որոնք նորմալ են ցանկացած նախագծի համար։ Եթե շփման տարրական ընթացակարգ չկա, ի՞նչ նախագիծ վարելու մասին է խոսքը։--A.arpi.a (քննարկում) 18:54, 27 Մայիսի 2020 (UTC)

A.arpi.a ջան, սպասում եմ Ձեր հարցին: --Գևորգ^💬 18:55, 28 Մայիսի 2020 (UTC)

Գևորգ ջան, շնորհակալություն հետևողականության և ուշադրության համար, բայց գրածիցս նաև հետևում էր, որ հարցս չի հնչել պատասխանելու վատ պրակտիկայի պատճառով, որը տեսա վերևում, շարունակելու իմաստ բնականաբար չգտա։--A.arpi.a (քննարկում) 18:59, 29 Մայիսի 2020 (UTC)

«Շաբաթվա հոդված»-ի նոր համակարգող

Վիքիհամայնք ջան, քանի որ Beko-ն հրաժավեց «Շաբաթվա հոդված» նախագիծը համակարգելուց, անհրաժեշտ է նոր համակարգող, որպեսզի նույն հոդվածը շաբաթներ շարունակ չմնա «Գլխավոր էջում»։ Կարծում եմ՝ այժմ հեշտացել է համակարգողի աշխատանքը, քանի որ մի շարք խմբագիրներ արդեն մեծ ակտիվություն են ցուցաբերում «Թեկնածուներ» բաժնում, ինչի արդյունքում ամբողջ պատասխանատվությունը այլևս չի կարող ընկնել միայն շաբաթվա հոդվածի կաղապարը ստեղծողի վրա։ Հուսով եմ՝ կկարողանանք միասին այդ նախագիծը նոր որակի հասցնել, պահպանել բոլոր կանոնները, քննարկման էջերում զգուշացնել ընտրվելու/չընտրվելու վերաբերյալ, հոդվածի էջում նույնպես դնել համապատասխան կաղապարը, արխիվացնելը և այլ մի շարք կանոններ, որոնք առաջ գործում էին։ Ինքս էլ պատրաստ եմ որոշ տեխնիկական հարցերում օգնել համակարգողին։ Կանխավ շնորհակալություն։ --Նուբեռելլա ^💬 08:06, 30 Մայիսի 2020 (UTC)

@Nooberella ջան, եթե «Շաբաթվա հոդված» նախագծի համակարգող չգտվի, առաջարկում եմ վերադառնալ «Ամսվա հոդված» նախագծին, գոնե այդպես աշխատանքը կհեշտանա։ --ջեօ ^(✡) 09:42, 30 Մայիսի 2020 (UTC)

ջեօ ջան, ինձ թվում է անհետարքիր կդառնա նախագիծը(( բայց եթե այլընտրանք չունենանք, ստիպված կլինենք։ Իսկ հնարավոր չէ՞ խումբ ձևավորել, որը կզբաղվի այս հարցով։ --Նուբեռելլա ^💬 10:35, 30 Մայիսի 2020 (UTC)

Նուբեռելլա ջան, ինձ էլ է թվում, որ անհետաքրքիր կդառնա ամեն օր՝ 30 օր նույն հոդվածը տեսնել գլխավոր էջում: Իսկ խումբ ստեղծելու գաղափարը հետաքրքիր էր՝ կհետևեմ ընթացքին: --Valen1988 (քննարկում) 10:40, 30 Մայիսի 2020 (UTC)

@Nooberella ջան, իրականում համաձայն եմ հետդ, անհետաքրքիր կդառնա նաև մեր համար։ Չգիտեմ՝ ինչ կարելի է առաջարկել։ Կարելի է @ԱշոտՏՆՂ-ին խնդրել X բայթանոց (նկատի ունեմ՝ ոչ շատ ծավալուն) հոդվածները մի տեղ հավաքի, ժամանակ առ ժամանակ ստուգվեն հոդվածները, որից հետո հանգիստ խղճով գլխավոր էջում տեղադրենք։ Այլ տարբերակ, անկեղծ ասած, չունեմ։ --ջեօ ^(✡) 10:58, 30 Մայիսի 2020 (UTC)

ջեօ ջան, իսկ եթե թեկնածու հոդվածները շարունակվեն առաջադրվել, կազմավորված խմբի անդամները, որոնցից մեկը կարող եմ նաև ես լինել, ստուգեն դրանք, կարծիք հայտնեն, որի արդյունքում էլ որոշվի շաբաթվա հովածը։ Կստացվի, որ անդամները կունենան մի ամբողջ շաբաթ դրանք ստուգելու և ընտրելու համար։--Նուբեռելլա ^💬 11:09, 30 Մայիսի 2020 (UTC)

Nooberella և Valen1988 ջան, ողջունում եմ ձեր նախաձեռնողականությունը և կամավորությունը։ Մի քանի դիտարկում անեմ. նախկինում էլ ունեցել ենք քննարկում, ըստ որի կարծիքի ենք հանգել, որ ավելի լավ է չունենալ օրվա/շաբաթվա հոդված, քան ունենալ անորակ, սխալ բովանդակություն։ Մնում եմ համամիտ։ Շատ ամոթալի է, երբ առաջին էջում լինում է մի բան, որը չպիտի լիներ Վիքիպեդիայում առհասարակ։ Երկրորդը. ժամանակն ու փորձը ցույց են տալիս, որ կողմ-դեմ քվեարկելը երբեմն լինում ըստ ընկերության, ըստ զուտ նեղ նախասիրության, այլ ոչ թե հոդվածի որակական կողմի հիման վրա, ինչը ևս սխալ է։ Այսինքն՝ զուտ կողմ/դեմ ձայներով առաջնորդվել և հոդված ընտրելը էլի տարբերակ չի, ոտքից գլուխ նայել է պետք։ Իսկ խումբ ստեղծելու, X բայթանոց հոդվածների գաղափարները լավն էին, հուսամ կստացվեն։--A.arpi.a (քննարկում) 15:39, 30 Մայիսի 2020 (UTC)

A.arpi.a ջան, ողջույն, այսինքն առաջարկն այսպիսին է՞․ այլևս չառաջարկել թեկնածուներ, այլ ընտրել բայթերի ինչ-որ շեմ և դրանից բարձր ծավալ ունեցող հոդվածներից կատարել ընտրություն։ Սակայն, ըստ իս, այդ դեպքում նոր ստեղծվող հոդվածների համար պետք է անընդհատ այդ ցանկը թարմացնել, որպեսզի դրանք դուրս չմնան ։ Հնարավոր է՝ ինչ-որ բան սխալ եմ հասկացել ջեօ-ի առաջարկի մեջ։ Կխնդրեի ավելի մանրամասնել։ Շնորհակալություն։--Նուբեռելլա ^💬 15:46, 30 Մայիսի 2020 (UTC)

Կարծում եմ՝ կարելի է համադրել երկուսն էլ՝ և՛ առաջադրում (որովհետև որոշ մասնակիցների դեպքում խթանում է որակյալ ու ծավալուն հոդվածների ստեղծումը), և՛ ցանկ, որը կարելի է պահել որպես պահուստային։ Զուտ առաջարկ է, կարելի է քննարկել։--A.arpi.a (քննարկում) 15:57, 30 Մայիսի 2020 (UTC)

Հա, ես չէի ցանկանա թեկնածուների առաջադրումը դադարեցնենք, քանի որ իրոք հաճախ այն մոտիվացիա է հանդիսանում խմբագրների (այդ թվում նաև ինձ) համար։--Նուբեռելլա ^💬 16:43, 30 Մայիսի 2020 (UTC)

@ԱշոտՏՆՂ ջան, վերևում ջեօ-ի կողմից հնչեցրած ցանկ կազմելու մասին գաղափարը արդյո՞ք կարող ենք կյանքի կոչել։--Նուբեռելլա ^💬 18:21, 7 Հունիսի 2020 (UTC)

Իհարկե կարող ենք։ Ավելի կոնկրետ կասե՞ք որ հոդվածների ցանկն է պետք ու ինչ սկզբունքով պետք է թարմացվի ցանկը։ --ԱշոտՏՆՂ (քննարկում) 18:28, 7 Հունիսի 2020 (UTC)

@ԱշոտՏՆՂ ջան, դե քանի որ նվազագույն ծավալը 20-25 հազար բայթն է, պետք է միայն ընտրել վերին շեմ։ Կարծում եմ մինչև 50-70 հազար բայթ ունեցող հոդվածներ են անհրաժեշտ։ Թեման կարծում եմ էական չէ, ընթացքում այդ ցանկից համակարգող(ներ)ը ինքը կընտրի հետաքրքրաշարժ հոդվածները, կստուգի և կտեղադրի։ Այս պահին ես եմ դրանով զբաղվում, բայց չգիտեմ հետագայում ազատ ժամանակ կունենամ, թե չէ։ Այսինքն մենք պահպանելու ենք թեկնածուների առաջադրումը, սակայն եթե արժանի հոդվածներ չլինեն, ապա օգտվելու ենք այսպես ասած «պահեստային» ցանկից։--Նուբեռելլա ^💬 18:38, 7 Հունիսի 2020 (UTC)

Նուբեռելլա ջան, քո ասած պայմաններին բավարարող (20000 <= size <= 70000) 12392 հոդված կա այս պահին։ Բոլորի ցանկը տամ թե՞ դրանց ինչ-որ մասը ջնջել ա պետք:--ԱշոտՏՆՂ (քննարկում) 19:25, 7 Հունիսի 2020 (UTC)

ԱշոտՏՆՂ ջան, Նուբեռելլա ջան, հանեք նաև նախկինում եղածները, որովհետև կանոնակարգն արգելում է հոդվածի կրկնառաջադրումը, եթե նախկինում լինելուց հետո էական բարելավում չի եղել:--∑ίγμα (քնն.) 19:28, 7 Հունիսի 2020 (UTC)

ԱշոտՏՆՂ ջան, եթե Սիգմայի ասածը հնարավոր է ավտոմատ անել, ապա խնդրում եմ նաև կատարես չափանիշներին չհամապատասխանող հոդվածների զտումներ, եթե դրանք կարելի է ինչ-որ կերպ ավտամատ կատարել։ Օրինակ ծանոթագրությունների պահը (10-15-ից ոչ պակաս) կամ մնացածը։--Նուբեռելլա ^💬 19:39, 7 Հունիսի 2020 (UTC)

Պիտակվածներն էլ արժե հանել։--A.arpi.a (քննարկում) 21:11, 7 Հունիսի 2020 (UTC)

Valen1988 և TonJ մասնակիցների արգելափակում

Մեկնաբանություններ

Հարգելի մասնակիցներ, մասնակիցներից որևէ մեկին արգելափակելու համար քննարկում պետք է բացել, ոչ թե խորհրդարանում, այլ ԱՏ-ում։ Եթե բացված է, ուրեմն պետք է սպասել հանգուցալուծմանը։ Բացի այդ, մասնակիցներին արգելափակելու որոշում կարող են կայացնել բացառապես դրա համար համապատասխան ֆունկցիա ունեցող մասնակիցները՝ հաշվի առնելով քննարկման ընթացքում բերված փաստարկները և վերլուծելով՝ արդյո՞ք այդ փաստարկներն իրականում մատնանշում են, որ տվյալ մասնակիցը խախտել է Վիքիպեդիայում ընդունված որևէ կանոնակարգ։ Խնդրում եմ հաշվի առնել, որ այս քվեարկությունը/հարցումն ազդեցություն չի կարող ունենալ ադմինների որոշումների վրա։ Շնորհակալ եմ։ --ջեօ ^(✡) 09:28, 30 Մայիսի 2020 (UTC)

Հարգելի՛ ջեօ, եթե համայնքը որոշի, որ պետք է նրանց արգելափակել, ապա նրանք կարգելափակվեն, քանի որ վիքին կազմված է համայնքի անդամներից։ Իսկ ես այդպես էլ չտեսա ԱՏ բաժնում ձեր որևէ գրառում, վստահեցնում եմ, որ եթե համայնքը ընդունի որոշումը երկու մասնակիցներն էլ արգելափակվելու են։ Շնորհակալություն--Angelixus (քննարկում) 09:31, 30 Մայիսի 2020 (UTC)

@Angel X ջան, իրականում վերևում նշվածը ոչ թե ես եմ ասում, այլ համապատասխան կանոնակարգը։ Արգելափակելու որոշում կարող են կայացնել միայն ադմինները՝ հաշվի առնելով մասնակիցների գործողությունները։ ԱՏ-ում, եթե նկատել ես, վերջին անգամ գրել եմ, որ չեմ հասկանում, թե խնդիրն ինչումն է և բերել եմ ՀՏՀ-ի 3 կետ։ Ենթադրում եմ, որ եթե սխալ հասկացած լինեի, պետք է արձագանք լիներ ինձ քո կողմից, չէ՞։ --ջեօ ^(✡) 09:39, 30 Մայիսի 2020 (UTC)

Հարգելի՛ ջեօ, հարկ եմ համարում ևս մեկ անգամ կրկնել, որ եթե եթե համայնքը ընդունի որոշումը՝ երկու մասնակիցներն էլ արգելափակվելու են։ Ադմինիստրատորների տեղեկատախտակում չեմ ստացել, որևէ հստակ կարծիք։ Դրա համար էլ անդրադարձել եմ համայնքին։ Բացի այդ Ադմինստրատորներից ոմանք կարող են հիմնվել միջանձնային հարաբերությունների վրա, դրա համար էլ այստեղ եմ գրել։ Համայնքի որոշումները կարծում եմ ավելի կարևոր կլինեն, քան մի քանի հոգու միջանձնային հարաբերությունները։--Angelixus (քննարկում) 09:42, 30 Մայիսի 2020 (UTC)

Ինձնից առաջ գրեց GeoO|-ն, որ սա քննարկումով որոշելիք չէ, եթե կան կանոնակարգի կոնկրետ խախտումներ, ապա պետք է դա նշվի։ Երկու մասնակիցները միայն որոշակի մասնակիցների հոդվածներ են պիտակում, և անարդարացի, թե ոչ։ Ոչ մի քննարկում չի կարող ստիպել ադմինիստրատորին արգելափակել որևէ մասնակցի, եթե նա դրա առիթ չի տվել։--Beko^{Քննարկում} 09:52, 30 Մայիսի 2020 (UTC)

Այս հարցի լուծման համար Ես Հայերեն Վիքիպեդիայի ադմինիստրատորից լուծում չեմ սպասում, խնդրում եմ հուշել, թե որտեղ կարող եմ դիմել ադմինիստրատորներից բացի։ Կա նմանատիպ ևս մեկ այլ մարմին, որին կարող եմ դիմել հարցի լուծման համար։--Angelixus (քննարկում) 09:56, 30 Մայիսի 2020 (UTC)

Մեկնաբանություն TonJ-ից

Ողջույն բոլորին: Ես այս ամբողջ քննարկումը համարում եմ անօրինական և ոչ կառուցողական: Ստացվում է այնպես, որ Վիքիպեդիայի գաղափարախոսությանը հետևելու ընթացքում ես ընկալվում եմ որպես վերջինիս «թշնամի», և որ (մեջբերում եմ՝ մի քիչ փոխված) «իմ արգելափակումն էլ միայն լավ արդյունքի կհանգեցնի»: Սա անչափ տխուր պատկեր է, քանի որ ես չեմ հասկանում, թե ինչպես կարող է արդյունքը էլ ավելի լավ լինել, եթե ամբողջ հանրագիտարանը ողողվի սխալ թարգմանություններով, երբ «խառնամուսնություն» չգիտես ինչպես դառնում է «ցեղախառնություն» և այլն: Նման միջադեպերը լավ բանի չեն կարող հանգեցնել, որովհետև սրանից «ոգևորվելով» ուրիշ խմբագիրները կփորձեն բարձրացնել իրենց հոդվածը պիտակող(ներ)ի արգելափակման հարցը:--TonJ (քննարկում) 12:00, 30 Մայիսի 2020 (UTC)

Ամեն ինչ պետք է լինի օրինական, ոչ մեկ հենց այնպես ոչ մեկի արգելափակման հարցը չի բարձրացնում։--Angelixus (քննարկում) 12:03, 30 Մայիսի 2020 (UTC)

Հետապնդու՞մ, թե ոչ

Ներքևի գրածներով դիմում եմ ադմիններին, քանի որ մասնակցի արգելափակման հարցը իրանք պետք է քննարկեն։ Ուղղակի որոշ եզրակացություններ, որոնք կարող են դրա համար հիմք հանդիսանալ․

Սկզբում մեջբերեմ արգելափակման վերաբերյալ կանոնակարգի կետերից մեկը․ «Մասնակցի նկատմամբ, որի գործողությունները վնաս են հասցնում բովանդակությանը, մթնոլորտին կամ Վիքիպեդիայի կամ նրա մասնակիցների նորմալ գործունեության համար: Արգելափակում կարող է կիրառվել, եթե մասնակիցը պարբերաբար կամ նպատակային պարզաբանումներից և նախազգուշացումներից հետո կատարում է գործողություններ, որոնք հակասում են օրենքներին և համայնքի ձեռք բերած համաձայնություններին։ Այդպիսի արգելափակման օրինակ կարող են ծառայել կանոնների պարբերաբար կամ ակնհայտորեն չարամիտ խախտումներ, որոնք կապված են «վանդալիզմի», սպամի, «սկզբնական հետազոտությունների», «խմբագրումների պատերազմների», խամաճիկների օգտագործման, սեփական հայտարարությունների և վիրավորանքների, մասնակիցների հետապնդման, անբարո և ապակառուցողական պահվածքի հետ, անթույլատրելի (որը հակասում «Ինչ չէ Վիքիպեդիան» կանոնին կամ այլ մասնակցի անվանը) մասնակցային անվանման, հաշիվը անհեթեթության հասցնելու և կանոնների հետ խաղալու հետ»:

Հիմա ներկայացնեմ մի շարք քննարկումներ, որտեղ իմ հոդվածների կամ իմ կողմից բարելավված հոդվածների վերաբերյալ քննարկում է բացում TonJ-ը՝ 1, 2, 3, 4 և էլի շատ-շատ օրինակներ իմ, SilViePink-ի, Angel X-ի և Armiiik-ի քննարկումներոմ։ Հիմա այլ օրինակներ «Շաբաթվա հոդված» բաժնից՝ 1, 2 և 3։

Հիմա ներկայացրածիս նպատակը՝ ես չգիտեմ «մասնակցի հետապնդումը» ոնց է որոշվում և ինձ թվում է ավելի լավ է այդ գործընթացը թողնել ադմինների վրա։ Վերոնշյալ բովանդակությամբ ես փորձել եմ հասկանալ, արդյո՞ք սա մասնակցի հետապնդում է՝ այս դեպքում հենց իմ վերաբերյալ, թե ուղղակի կատարում է իր գործունեությունը որպես խմբագիր։ Եթե այո, ապա կուզենայի նաև հասկանալ պատճառը, քանի որ ես TonJ մասնակցի հետ ոչ իրական կյանքում, ոչ Վիքիպեդիայի հարթակից դուրս երբեք չեմ շփվել։ Նախորոք ասեմ, որ քանի որ ես տեղյակ չեմ հետապնդումների առումով կանոնակարգին (եթե այդպիսինը գոյություն ունի), ես շատ հանգիստ ընդունելու եմ և ճիշտ եմ համարելու ադմինների ցանկացած պատճառաբանված որոշումն այս հարցի վերաբերյալ։ Արդյունավետ և հաճելի խմբագրումներ ձեզ՝ TheBabushka (քննարկում) 14:08, 30 Մայիսի 2020 (UTC)։

TheBabushka, գովելի է Ձեր կառուցողական մոտեցումները, քննարկումներին մասնակցելու պատրաստակամությունը և սովորելու և դրանով իրավագիտակից վիքիպեդիացի դառնալու մղումները: Գովելի է, և ես պատրաստակամ եմ օգնել Ձեզ ցանկացած բարդ հարցում: Իսկ Ձեր հարցին թույլ տվեք պատասխանել քիչ ավելի ուշ, քանի որ ներկայացրել եք հսկայական նյութ, որն ուսումնասիրման կարիք ունի:--∑ίγμα (քնն.) 14:23, 30 Մայիսի 2020 (UTC)

Հարգելի ∑ίγμα, իսկ որոշման մասին հայտնելու եք միայն մասնակցի՞ն, թե ընդհանուր քննարկման տակ։ --TheBabushka (քննարկում) 22:16, 1 Հունիսի 2020 (UTC)

TheBabushka ջան, Դուք անպայման տեղյակ կլինեք:--∑ίγμα (քնն.) 20:19, 2 Հունիսի 2020 (UTC)

Կարծիք կամ եզրահանգում

TheBabushka ջան, նայեցի Ձեր բերած փաստարկները: Նախ ասեմ, որ Հայերեն Վիքիպեդիայում դեռևս չկա մասնակիցների հետապնդման մասին կանոնակարգ, բայց խոստանում եմ մոտ ժամանակներս ձեռնամուխ լինել կանոնակարգի թարգմանությանը և համայնքի քննարկմանը ներկայացնելուն: Ընդհանուր առմամբ առաջարկում եմ այս պահին առաջնորդվել այն փաստով, որ TonJն ունեցել է լավ ձգտումներ, որոնք նպատակաուղղված են մեր հանրագիտարանի բարելավմանը: Բայց... ուսումնասիրելով Ձեր ներկայացրած քննարկումների հղումները նկատեցի հետաքրքիր օրինաչափություն. բոլոր քննարկումներում TonJը չի պատասխանել Ձեր հարցերին՝ ի՛նչ սխալների պատճառով է պիտակել հոդվածը, այս դեպքում անգամ փորձել է խուսափողական և հակադարձ հարցով շրջանցել պատասխանելուց, իսկ Angel X-ի հոդվածների պարագայում, ի հակառակ նախորդ դեպքերի, տվել է հանգամանալից և բավականին ծավալուն պարզաբանումներ՝ հիմնավորելով պիտակումը: Իսկ մյուս դեպքերում մասնակիցն ուղղակի չի արձագանքել պիտակումներին, ուստի համարում ենք, որ համաձայն է պիտակման հետ:
Ելնելով վերոնշյալից՝ հորդորում եմ TonJ-ին հետագայում ևս հավատարիմ մնալ մասնակիցներին իրենց սխալները գոնե մասնակի մատնանշելու գործելաոճին և չանտեսել մասնակիցների՝ իրեն ուղղված հարցերը: Վստահ եմ՝ այդ քննարկումների արդյունքում կձևավորվի ավելի կուռ համագործակցություն: Հուսամ` պատասխանս սպառիչ էր բոլոր կողմերի համար: Բոլորիս մաղթում եմ հաճելի վիքիխմբագրումներ:--∑ίγμα (քնն.) 22:29, 4 Հունիսի 2020 (UTC)

Ինչպես արդեն ասել էի, ես շատ հանգիստ ընդունելու եմ և ճիշտ եմ համարելու ադմինների ցանկացած պատճառաբանված որոշումն այս հարցի վերաբերյալ։ Շնորհակալություն --TheBabushka (քննարկում) 11:07, 5 Հունիսի 2020 (UTC)

Առաջարկ

Առաջարկում եմ նախագծում ցանկացած քննարկման կողմերին առաջնորդվել այս սկզբունքներով․ յուրաքանչյուր պլանավորվող գործողությունից առաջ ինքներս պատասխանենք 2 հարցի՝
1. արդյո՞ք իմ այդ գործողությունը ավելի շատ օգուտ կտա նախագծին, թե՝ ավելի շատ վնաս։
2. անձնապես ինչ կտա դա ինձ (արդյո՞ք ես չեմ ուզում դրանով իմ առավելությունն ընդգծել որևէ մասնակցի կամ իրական կյանքում այդ խմբագրի նկատմամբ: Եթե այո, ապա միգուցե չանեմ)։
Այս հարցերը կարող են տալ և՛ ենթադրաբար միտումնավոր պիտակումներ դնողները, և՛ այդ պիտակումների համար մասնակիցներին արգելափակում պահանջողները։ Օրինակ․ նախագծին ավելի՞ շատ օգնած կլինեմ, եթե մասնակցին ցույց տամ իր կրկնվող սխալները, որն ավելի քիչ ժամանակ կխլի և հետագա խմբագրման համար առավել արդյունավետ կլինի, թե որ իր բոլոր հոդվածները պիտակեմ։ Կամ․ արդյո՞ք նախագիծը կշահի, եթե հասնեմ նրա ամենաարդյունավետ մասնակիցներից առնվազն մեկի արգելափակմանը (այս քննարկում/քվեարկության)։ Հավատացած եմ, որ այս սկզբունքի կիրառումը կօգնի բոլորիս առավել արդյունավետ դարձնել մեր խմբագրական պրոցեսը։ Եղեք առողջ։--Ավետիսյան91 (քննարկում) 05:17, 5 Հունիսի 2020 (UTC)

Իհարկե համաձայն եմ ձեր հետ։ Սակայն ամենաարդյունավետ մասնակիցները նույնպես պետք է հասկանան, որ այդ ակտիվությունը դեռ անպատժություն չի ապահովում։ (Այս տողի վերաբերյալ՝ «արդյո՞ք նախագիծը կշահի, եթե հասնեմ նրա ամենաարդյունավետ մասնակիցներից առնվազն մեկի արգելափակմանը»)։ --TheBabushka (քննարկում) 12:24, 6 Հունիսի 2020 (UTC)

Հարգելի @TheBabushka, իհարկե, Հայերեն Վիքիպեդիայում արտոնյալներ չկան, յուրաքանչյուր մասնակից ունի միևնույն իրավունքները և դրա շրջանակներում միևնույն պատասխանատավության աստիճանը։ --Ավետիսյան91 (քննարկում) 19:12, 7 Հունիսի 2020 (UTC)

Նոր քվեարկություն՝ «Կեսարի քաղաքացիական պատերազմ»

Հարգելի՛ վիքիհամայնք, «Կեսարի քաղաքացիական պատերազմ» հոդվածն առաջադրվել է քվեարկության որպես ընտրյալ հոդված։ Խնդրում ենք քվեարկել այստեղ։ Այն անցել է գնահատման փուլ, որտեղ մասնակիցների ներկայացրած կարծիքների հիման վրա բարելավվել է։ Այն համապատասխանում է «Ընտրյալ հոդված»-ի բոլոր չափանիշներին։ Խնդրում եմ քնվեարկության ժամանակ առաջնորդվել սույն կանոնակարգով։ Հուսով եմ՝ քվեարկության փուլը աշխույժ կընթանա։ Մաղթում եմ հաճելի վիքիխմբագրումներ։ --Նուբեռելլա ^💬 15:43, 1 Հունիսի 2020 (UTC)

Նոր նախագծի առաջարկ

Հարգելի խմբագիրներ, Վիքիպեդիայի գլխավոր առանձնահատկությունը և տարբերությունը տպագիր և առցանց այլ հանրագիտարաններից նրա անընդհատ թարմացվող լինելն է, բայց շատ հաճախ մենք միայն ուշադրություն ենք դարձնում այս կամ այն թեմայի առկայությանը, դրա համալրմանը և անտեսում ժամանակի ընթացքում տեղեկատվության թարմացմանը։

Վիքիմեդիա Հայաստանը առաջարկում է նոր «Թարմացնենք Վիքիպեդիան» նախագիծ։ Այն հնարավորություն կտա տարիներ առաջ գրված հոդվածներն արդիականացնել և շարունակաբար զարգացնել։

Նախագիծը կընթանա մի քանի փուլով։ Առաջին փուլը նվիրված կլինի 2013-2014 թվականներին ստեղծված հոդվածներին։ Այդ ժամանակահատվածում հիմնական աշխատանքը տարվել է Հայկական Սովետական Հանրագիտարանի նյութերի հետ։ Միասին վերընթերցենք, բարելավենք ու թարմացնենք այդ տարիներին գրված հոդվածները։

Կարծիքներ ու առաջարկներ կա՞ն։--Mher (WMAM) (քննարկում) 06:54, 5 Հունիսի 2020 (UTC)

Կողմ

1. Կողմ եմ նախագծին։ Հաճախ եմ մտածել այս թեմայի շուրջ, սակայն ինքս նմանատիպ հոդվածները, ինչքան էլ ցանկանամ, չեմ կարող բարելավել։ Միասնական ուժերով հնարավոր կլինի ցանկությունն իրականություն դարձնել։ Նախագծի վերաբերյալ նոր գաղափարների շուրջ կմտածեմ և, եթե հետաքրքիր մտքեր ծագեն, կառաջարկեմ։ Նաև կփորձեմ ակտիվորեն մասնակցել։ --Daughter of Billie (քննարկում) 18:05, 5 Հունիսի 2020 (UTC)
2. Միանշանակ Կողմ եմ նախագծին, քանի որ մեծ քանակով հոդվածներ կան (հատկապես կինոյի և երաժշտության մասին), որ թարմացման և բարելավման կարիք ունեն։ --TheBabushka (քննարկում) 12:19, 6 Հունիսի 2020 (UTC)
3. Կողմ եմ, արդյունավետ նախագիծ կլինի։--Գևորգ^💬 19:19, 7 Հունիսի 2020 (UTC)

Ոչ ազատ պատկերների անվանումներ

Ժողովուրդ ջան, բարի օր։ Ուզում եմ անհասկանալի անուն ունեցող մեր բոլոր ոչ ազատ պատկերները անվանափոխել (օրինակ՝ «Պատկեր:42a4253cafe9c7781402c33e580ee53f12 resize 3000x3000 same promodj 9d1dba.jpg»-ից «Պատկեր:Плакала (երգ, KAZKA).jpg»)։ Քանի որ մեր բոլոր ոչ ազատ պատկերները օգտագործվում են միայն մեկ հոդվածում, կարող ենք որպես պատկերի անվանում ընտրել այդ հոդվածի անվանումը: Այսինքն պատկերը և օգտագործվող հոդվածը կունենան նույն անվանումը։ Քանի որ ծավալը մեծ է, պետք է օգտագործեմ որոշ ավտոմատ գործիքներ, բայց իմ հաշվով, ոչ թե բոտի (միայն ադմիններն են կարող պատկեր անվանափոխել)։ Եթե դեմ չեք, հուլիսին կսկսեմ անվանափոխությունները։ --ԱշոտՏՆՂ (քննարկում) 11:46, 7 Հունիսի 2020 (UTC)

• Կողմ եմ ԱշոտՏՆՂ ջան: --Valen1988 (քննարկում) 11:49, 7 Հունիսի 2020 (UTC)

Իհարկե օգտագործիր, Աշոտ ջան։ --ջեօ ^(✡) 11:57, 7 Հունիսի 2020 (UTC)

• Կողմ եմ: --Daughter of Billie (քննարկում) 12:56, 7 Հունիսի 2020 (UTC)
• Կողմ եմ, իսկ ստուգել, թե այդ նկարի ազատ տարբերակը հայտնվել է արդեն վիքիպահեստում կամ ասենք երկու ոչ ազատ պատկերի առկայությունը մեկ հոդվածում կարո՞ղ ենք։--Beko^{Քննարկում} 13:01, 7 Հունիսի 2020 (UTC)

  Beko ջան, մի քանի ոչ ազատ պատկեր ունեցող հոդվածները այստեղ, մի քանի անգամ օգտագործվող ոչ ազատ պատկերները այստեղ։ Պահեստում ազատ տարբերակը ինչքան հիշում եմ Սպասարկող:ListDuplicatedFiles էջում կար, բայց վստահ չեմ։ --ԱշոտՏՆՂ (քննարկում) 15:47, 7 Հունիսի 2020 (UTC)

• Կողմ եմ: --Ալեքսեյ a.k.a. Xelgen (քննարկում) 20:46, 7 Հունիսի 2020 (UTC)

Urgent Help

Please help us translate the text (in bold) to your language Join WPWP Campaign to improve Wikipedia articles with photos and win a prize. Thanks for your help. T Cells (քննարկում) 19:17, 7 Հունիսի 2020 (UTC)

I think this will be better: Վիքիպեդիայում հոդվածները նկարներով բարելավելու համար միացի'ր WPWP արշավին և շահի'ր մրցանակ:--Նուբեռելլա ^💬 19:28, 7 Հունիսի 2020 (UTC)

For most correct translation possible, could you please provide context. Do we want people to take/upload photos or just add existing ones to articles? --Ալեքսեյ a.k.a. Xelgen (քննարկում) 20:45, 7 Հունիսի 2020 (UTC)