Jump to content

Հեռու (ֆիլմ)

Վիքիպեդիայից՝ ազատ հանրագիտարանից
Հեռու
անգլ.՝ Get Out
Երկիր ԱՄՆ
Ժանրսարսափ ֆիլմ, միստիկ ֆիլմ, սարսափ ժանրի կատակերգություն և թրիլեր
Թեմառասիզմ[1], կեղծավորություն[1], վերնախավ[1], աշխատանքի շահագործում[2], անմարդկայնություն[2] և ստրկություն[2]
Թվականփետրվարի 24, 2017, հունվարի 24, 2017, մայիսի 4, 2017[3], մարտի 30, 2017[4] և ապրիլի 20, 2017[5]
Լեզուանգլերեն
ՌեժիսորՋորդան Փիլ
ՊրոդյուսերՋեյսոն Բլամ, Էդվարդ Հեմ կրտսեր և Շոն ՄակՔիթրիք
Սցենարի հեղինակՋորդան Փիլ
ԴերակատարներԴենիել Քալույա[6], Էլիսոն Ուիլյամս[6], Քեթրին Քիներ, Բրեդլի Ուիթֆորդ, Քալեբ Լենդրի Ջոնս, Բեթի Գեբրիել, Սթիվեն Ռութ, Լիլ Ռել Հաուերի, Լաքիթ Ստենֆիլդ, Էշլի Լեկոնտ Քեմփբել, Էրիկա Ալեքսանդր[7] և Ռիչարդ Հերդ[7]
ՕպերատորԹոբի Օլիվեր
ԵրաժշտությունՄայքլ Էբելս
ՄոնտաժԳրեգորի Փլոթքին
Պատմվածքի վայրՆյու Յորք և upstate New York?[8]
ԿինոընկերությունBlumhouse Productions
Տևողություն104 րոպե[9]
Բյուջե4 500 000 $[10]
Շահույթ255 745 157 $[11] և 176 196 665 $[11]
Պաշտոնական կայքէջ

«Հեռու» (անգլ.՝ Get Out), ամերիկյան դետեկտիվ-երգիծական սարսափ ֆիլմ, որի ռեժիսորը Ջորդան Փիլն է։ Սա դարձել է նրա դեբյուտային կինոն։ Սյուժեն կառուցված է ազգամիջյան զույգի շուրջ։ Գլխավորր դերերում հանդես են եկել Դենիել Կալույան և Էլիսոն Ուիլյամսը։

ԱՄՆ-ում պրեմիերան կայացել է 2017 թվականի հունվարի 24-ին Սանդենս կինոփառատոնում, կինոթատրոններում ֆիլմը ցուցադրվել է մեկ ամիս անց՝ փետրվարի 24-ին։

Ֆիլմը արժանացել է «Օսկար» մրցանակի՝ «Լավագույն օրիգինալ սցենարի» համար (Ջորդան Փիլ), ինչպես նաև առաջադրվել է երեք անվանակարգերում՝ «Լավագույն ֆիլմ», «Լավագույն ռեժիսոր» (Ջորդան Փիլ) և «Լավագույն դերասան» (Դենիել Կալույա)։ Առաջադրվել է նաև «Ոսկե գլոբուս»-ի «Լավագույն ֆիլմ․ կատակերգություն կամ մյուզիքլ» և «Լավագույն դերասան․ կատակերգություն կամ մյուզիքլ» (Դանիել Կալույա) անվանակարգերում։

Սյուժե

[խմբագրել | խմբագրել կոդը]

Ուշ երեկոյան զբոսանքի ժամանակ Անդրե Հեյվորթ անունով մի սևամորթ երիտասարդի մի անհայտ անձ առևանգում է, երբ նա ավարտում է իր ընկերուհու հետ բջջային հեռախոսով զրուցելը։

Մի քանի ամիս անց սևամորթ լուսանկարիչ Քրիս Վաշինգտոնը և նրա սպիտակամորթ ընկերուհին՝ Ռոուզ Արմիտաժը, ուղևորվում են՝ հանդիպելու Ռոուզի ծնողներին․ նյարդավիրաբույժ Դինին և հոգեբույժ Միսիին։ Ռոուզն ասում է, որ չնայած նախկինում երբեք սևամորթ ընտրյալ չի ունեցել, բայց վստահ է, որ իր ընտանիքը իր քայլը կողջունի։ Ճանապարհին ղեկին նստած Ռոուզը վրաերթի է ենթարկում ճանապարհին անսպասելիորեն հայտնված եղնիկին։ Ժամանած ոստիկանությունը ստուգում է աղջկա փաստաթղթերը, որից հետո խնդրում է Քրիսի փաստաթղթերը։ Չնայած Քրիսը պատրաստակամորեն փաստաթղթեր է տրամադրում, Ռոուզը կանգնեցնում է նրան և կարճ վիճաբանությունից հետո ոստիկանը բաց է թողնում նրանց։ Տանը Քրիսի հետ հանդիպում են Ռոուզի ծնողներն ու նրա եղբայր Ջերեմին։ Սկզբում Քրիսին ամեն ինչ նորմալ է թվում, սակայն շատ շուտով նա նկատում է այգեպան Ուոլթերի և տնային տնտեսուհի Ջորջինայի անսովոր պահվածքը, որոնք նույնպես սևամորթներ են։ Գիշերը Քրիսը Միսիի հետ խոսում է իր մոր մասին, որը մահացել է ավտովթարի հետևանքով, երբ նա տասնմեկ տարեկան էր։ Զրույցի ընթացքում Միսին հիպնոսացնում է Քրիսին՝ նրան հասցնելով կաթվածահար վիճակի, և ուղարկում նրա գիտակցությունը այն դատարկության մեջ, որը Միսին անվանում է «ընկղմում»։ Առավոտյան Քրիսը արթնանում է անկողնում և կարծում է, որ մղձավանջ է ունեցել, բայց ավելի ուշ գիտակցում է, որ Միսին իրականում հիպնոս է կիրառել՝ իբրև ստիպելով իրեն՝ թողնելու ծխելը։

Արմիտաժների ընտանիքը ցերեկույթ է կազմակերպում, որտեղ տարբեր տարեց սպիտակամորթ զույգեր չափազանց մեծ հետաքրքրություն են ցուցաբերում Քրիսի նկատմամբ։ Նա հանդիպում է սևամորթ հյուր Լոգան Քինգին, որի տարօրինակ պահվածքը նրան անհանգստացնում է։ Նա հեռախոսով խոսում է իր լավագույն ընկերոջ՝ տրանսպորտային անվտանգության վարչության աշխատակից Ռոդիի հետ, ում նա պատմում է իր հիպնոսի և մարդկանց անսովոր պահվածքի մասին։ Ավելի ուշ նա իր հեռախոսով գաղտագողի լուսանկարում է Լոգանին, սակայն տեսախցիկի լույսի պատճառով նրա քթից արյունահոսություն է սկսվում։ Դինը պնդում է, որ Լոգանը էպիլեպտիկ նոպա է ունեցել, որին Քրիսը թերահավատորեն է վերաբերվում։ Քրիսն ու Ռոուզը գնում են զբոսանքի, որի ընթացքում տղան խնդրում է նրան հեռանալ իր հետ, ինչին նա համաձայն է։ Մինչ նրանք պատրաստվում են մեկնել, Դինը խորհրդավոր աճուրդ է անցկացնում Քրիսի պատկերով, իսկ կույր վաճառական Ջիմ Հադսոնը հաղթում է աճուրդը։

Հավաքելով իրերը՝ Քրիսը Ռոդին ուղարկում է Լոգանի լուսանկարը, որում նա ճանաչում է Անդրե Հեյվորթին՝ իր նախկին ընկերոջը։ Քիչ անց Քրիսը գտնում է Ռոուզի տասնյակ լուսանկարներ, որտեղ նա հայտնաբերում է, որ նա հարաբերությունների մեջ է եղել շատ սևամորթների հետ, այդ թվում՝ Ուոլթերի և Ջորջինայի։ Անհանգստացած Քրիսը ասում է նրան, որ պետք է անմիջապես հեռանան, բայց Ռոուզն ու նրա ընտանիքը խոչընդոտում են դրան։ Քրիսը փորձում է փախչել, սակայն հիպնոսի պատճառով նա ընկնում է։ Միևնույն ժամանակ, Ռոդը մտահոգված է, որ Քրիսը դեռ չի վերադարձել և չի պատասխանում հեռախոսազանգերին։ Նա նաև հաստատում է, որ Անդրե Հեյվորթը անհետացել է մի քանի ամիս առաջ։ Նա դիմում է ոստիկանություն, սակայն դետեկտիվները ծաղրում են նրա ենթադրությունները։

Քրիսը ուշքի է գալիս և հասկանում է, որ կապված է աթոռի հետ։ Տեսանյութը, որը նա դիտում է հեռուստատեսությամբ, բացատրում է ընտանիքի կեղծ մահվան մեթոդը, երբ Դինը իր տարեց ընկերների ուղեղները տեղափոխում է ավելի երիտասարդ սևամորթների մարմիններ, որոնք ընտրվել են Ռոուզի կողմից և հիպնոսականորեն մշակվել Միսիի կողմից։ Ջիմ Հադսոնը ցանկանում է Քրիսին օգտագործել որպես հյուրընկալող։ Երբ Քրիսը հարցնում է. «ինչու սևամորթները». Ջիմին ասում է, որ «սևամորթները ներկայումս նորաձևության մեջ են»։ Երբ Ջերեմի հայտնվում է, Քրիսը ուժեղ հարված է հասցնում նրա գլխին. այնուհետև նա սպանում է Դինին։ Միսին չի հասցնում հիպնոսացնել Քրիսին և նույնպես մահանում է դանակի հարվածից։ Քրիսը պատրաստվում է լքել տունը։

Քրիսը նստում է առաջին մեքենան և պատրաստվում է հեռանալ, սակայն հարվածում է Ջորջինային։ Նա նրան տանում է իր հետ՝ մեղավոր զգալով, որ ժամանակին չի կարողացել օգնել մորը։ Պարզվում է, որ Ջորջինան նույնպես վիրահատության զոհ է. նրա մարմնում Ռոուզի տատն է իրականում։ Ջորջինան ուշքի է գալիս, հարձակվում Քրիսի վրա և հրահրում դժբախտ պատահար, որտեղ նա մահանում է։ Ռոուզը բռնում է նրանց և կրակում Քրիսին, բայց բաց է թողնում։ Հետո նրան օգնության է գալիս Ուոլթերը, որի մարմնում Ռոուզի պապն է։ Քրիսն օգտագործում է իր հեռախոսի տեսախցիկի լույսը։ Ուոլթերը վերցնում է Ռոուզի հրացանը և կրակում նրան, իսկ հետո ինքնասպան է լինում։ Քրիսը սկսում է խեղդել Ռոուզին, բայց չի կարողանում իրեն ստիպել սպանել նրան։ Այս պահին մոտենում է ոստիկանական մեքենան։ Ռոուզը բղավում է՝ հուսալով, որ Քրիսին կհամարեն հանձագործ, սակայն պարզվում է, որ վարորդը Ռոդն է։ Նա և Քրիսը հեռանում են՝ թողնելով Ռոուզին մահամերձ։

Դերերում

[խմբագրել | խմբագրել կոդը]
  • Դանիել Կալույա - Քրիս Վաշինգտոն
  • Էլիսոն Ուիլյամս - Ռոուզ Արմիտաժ
  • Քեթրին Քիներ - Տիկին Արմիտաժ, Ռոուզի մայրը
  • Բրեդլի Ուիթֆորդ - Դին Արմիտաժ, Ռոուզի հայրը
  • Քալեբ Լենդրի Ջոնս - Ջերեմի Արմիտաժ, Ռոուզի եղբայրը
  • Մարկուս Հենդերսոն - Ուոլթեր, Արմիտաժ ընտանիքի այգեպան
  • Բեթի Գեբրիել - Ջորջինա, տնային տնտեսուհի
  • Լաքիթ Ստենֆիլդ - Անդրե Հեյվորթ/Լոգան Քինգ
  • Սթիվեն Ռութ - Ջիմ Հադսոն
  • Լիլ Ռեալ Հաուերի - Ռոդ Ուիլյամս, Քրիսի ընկերը
  • Էրիկա Ալեքսանդր - դետեկտիվ Լատոյա
  • Էշլի Լեկոնտե Քեմփբել - Լիսա Դիտս
  • Ջոն Ուիլմոտ - Գորդոն Գրին
  • Կարեն Լ. Լարկի - Էմիլի Գրին
  • Ջուլի Էն Դոան - Էյպրիլ Դրեյ
  • Ռութերֆորդ Քրեյվենս - Պարկեր Դրեյ
  • Ջերալդին Սինգեր - Ֆիլոմենա Քինգ

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 Zinoman J. Jordan Peele on a Truly Terrifying Monster: Racism / J. Kahn — Manhattan: New York Times Company, A. G. Sulzberger, 2017. — ISSN 0362-4331; 1553-8095; 1542-667X
  2. ↑ 2,0 2,1 2,2 Duffy C. Get Out and the Subversion of the American Zombie — 2018.
  3. ↑ Internet Movie Database — 1990.
  4. ↑ http://www.dfi.dk/faktaomfilm/film/da/98870.aspx?id=98870
  5. ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
  6. ↑ 6,0 6,1 http://www.imdb.com/title/tt5052448/
  7. ↑ 7,0 7,1 ČSFD (չեխերեն) — 2001.
  8. ↑ Get Out — 2017.
  9. ↑ Internet Movie Database — 1990.
  10. ↑ http://www.boxofficemojo.com/movies/?id=blumhouse2.htm
  11. ↑ 11,0 11,1 Box Office Mojo — 1999.
Ֆոտո, վիդեո և աուդիո
Թեմատիկ կայքեր
Չափորոշչային վերահսկողություն
Ստացված է «https://hy.wikipedia.org/w/index.php?title=Հեռու_(ֆիլմ)&oldid=9812505» էջից