Մեծ Բրիտանիայի զինված ուժեր

Մեծ Բրիտանիայի զինված ուժեր
Դրոշ
Տեսակ	զինված ուժեր
Երկիր	Միացյալ Թագավորություն
Հիմնադրված է	1707
Military of the United Kingdom Վիքիպահեստում

Մեծ Բրիտանիայի ռազմաօդային կործանիչ «Avro Vulcan» ինքնաթիռ

Ատոմային «UGM-133 Տրիդենտ II» հրթիռ

Մեծ Բրիտանիայի ռազմածովային մարտական նավ

Մեծ Բրիտանիայի զինված ուժեր, կազմված են ցամաքային զորքերից՝ բանակից, ռազմաօդային և ռազմածովային ուժերից, ինչպես նաև տերիտորիալ և պահեստային զորամասերից։ Մեծ Բրիտանիայի զինված ուժերի գերագույն գլխավոր հրամանատարը Մեծ Բրիտանիայի սահմանադրական միապետն է՝ թագուհին կամ թագավորը։ Նրա ղեկավարությունը ձևական է։ Փաստորեն զինված ուժերի համար պատասպանատու են վարչապետը և նախարարությունները։ Բարձրագույն ղեկավարությունն իրականացնում է պաշտպանության կոմիտեն՝ վարչապետի գլխավորությամբ։ Պաշտպանության նախարարությունը զինված ուժերի անմիջական ղեկավարությունն իրականացնում է բանակի, ՌՕՈՒ-ի և ՌԾՈՒ-ի գծով տեղակալների և պաշտպանության շտաբի միջոցով։

Զինված ուժեր

Խաղաղ պայմաններում զինված ուժերը սովորաբար համալրվում են զինվորագրված կամավորներով. սովորական պայմանագիրը կնքվում է 22 տարի, կարճատև է՝ 6 ամսից մինչև 12 տարի ժամկետով։ Ցամաքային զորքերը բաժանվում են կանոնավոր ու տարածքային բանակների և պահեստների։ Կանոնավոր բանակի միավորումները ու զորամասերը տեղաբաշխված են Մեծ Բրիտանիայում, Գերմանիայում, Մերձավոր և Միջին Արևելքում, Մալայզիայում, Սինգապուրում, Սյանհանում, Ջիբրալթարում և այլ շրջաններում։ Բանակը զինված է անգլիական և ամերիկյան ռազմական տեխնիկայով։

Մեծ Բրիտանիայի ԶՈՒ կազմը

Ուելսի գվարդիայի զինվորներ

Ռազմաօդային ուժերը կազմված են կանոնավոր ՌՕՈՒ-ից և պահեստից։ ՌՕՈՒ-ի գլխավոր հարվածող ուժն են կազմում ռմբակոծիչ, կործանիչ, հետախուզական ավիացիայի միավորներ ու զորամասերը, պարեկային ինքնաթիռներն ու ուղղաթիռներն։ Ռազմածովային ուժերը կազմված են ռազմածովային նավատորմից (շուրջ 200 նավ), ՌԾՈՒ-ի ավիացիայից և ծովային հետևակից։ Իր մարտական հնարավորություններով անգլիական նավատորմը 2-րդ տեղն է գրավում կապիտալիստական աշխարհում։ Մեծ Բրիտանիայի զինված ուժերի և ՌԾՈՒ-ի հիմնական միջուկային հարկածող ուժը ատոմային հրթիռակիր սուզանավերն են, որոնցից յուրաքանչյուրը զինված է Պոլորիս Ա-3 տիպի 16 բալիստիկ հրթիռներով։ Հիմնական բազաներն են մետրոպոլիայում՝ Ռոսայթ, Ֆասլեյն, Չաթմ, Միջերկրական ծովում` Ջիբրալթար, Մալթա, Հնդկական օվկիանոսում` Բահրեննյան և Մալդիվյան կղզիներ, Խաղաղ օվկիանոսում` Հոնկոնգ և Սինգապուր։ Մեծ Բրիտանին ՆԱՏՕ, ՍԵԱՏՕ և այլ ագրեսիվ ռազմական խմբավորումների անդամ է։

Մեծ Բրիտանիայի կողմից նախկինում և ներկայումս վերահսկվող երկրներ

№	Երկիր	№	Երկիր
1	Անգլիա	6	Բահրեյն
2	Շոտլանդիա	7	Մալդիվներ
3	Ուելս	8	Հոնկոնգ
4	Հյուսիսային Իռլանդիա	9	Սինգապուր
5	Ջիբրալթար	10	Մալթա

Արտաքին հղումներ

• Официальная страница министерства обороны Великобритании
• Министерство Обороны Великобритании Образовательный ресурс Արխիվացված 2006-05-12 Wayback Machine
• Оборонные расходы 2005—2007 (PDF) Արխիվացված 2012-10-18 Wayback Machine
• Информационный портал армейских новостей Արխիվացված 2014-05-11 Wayback Machine
• The Defence Suppliers Directory
• Силы особого назначения ВС Великобритании
• British Formation Badges 1939—1945 (անգլ.)

Վիքիպահեստն ունի նյութեր, որոնք վերաբերում են «Մեծ Բրիտանիայի զինված ուժեր» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 410)։