Նատալի Վուդ

Նատալի Վուդ; անգլ.՝ Natalie Wood
Ծնվել է	հուլիսի 20, 1938[…]
Ծննդավայր	Սան Ֆրանցիսկո, Կալիֆոռնիա, ԱՄՆ
Մահացել է	նոյեմբերի 29, 1981[…] (43 տարեկան)
Մահվան վայր	Սանտա-Կատալինա, Կալիֆոռնիա, ԱՄՆ
Գերեզման	Վեսթվուդի գերեզմանատուն
Կրթություն	Վան Նույսի ավագ դպրոց և Hollywood Professional School?
Քաղաքացիություն	ԱՄՆ
Կրոն	ուղղափառություն
Մասնագիտություն	դերասանուհի, կինոդերասանուհի, մանկական դերասան և հեռուստատեսային դերասանուհի
Աշխատավայր	Warner Bros.
Ամուսին(ներ)	Ռոբերտ Վագներ, Richard Gregson? և Ռոբերտ Վագներ
Երեխա(ներ)	Նատաշա Գրեգսոն Վագներ
Պարգևներ և մրցանակներ	Հոլիվուդյան փառքի ծառուղու աստղ Ոսկե Գլոբուս մրցանակ՝ տարվա նորահայտ դերասանուհի անվանակարգում և
	nataliewood.co

Նատալի Վուդ (անգլ.՝ Natalie Wood, իրական ազգանունը` Զախարենկո, իսկ հետո` Գուրդին, հուլիսի 20, 1938(1938-07-20)^[1]^[2]^[3]^[…], Սան Ֆրանցիսկո, Կալիֆոռնիա, ԱՄՆ^[4] - նոյեմբերի 29, 1981(1981-11-29)^[5]^[1]^[2]^[…], Սանտա-Կատալինա, Կալիֆոռնիա, ԱՄՆ), ամերիկյան դերասանուհի։ «Օսկար» մրցանակի եռակի հավակնորդուհի։

Կենսագրություն

Նատալի Վուդը ծնվել է Սան-Ֆրանցիսկոյում, ռուս տարագիրներ Նիկոլայ Զախարենկոյի և Մարիա Զուդիլովայի ընտանիքում և նրանց երեք դուստրերից երկրորդն էր։ Հայրը ծնունդով Վլադիվոստոկից էր, իսկ մայրը` Բառնաուլից, ովքեր դառնալով ԱՄՆ քաղաքացիներ, ընտրել էին Գուրդին ազգանունը։ Նատալին ազատ խոսում էր անգլերեն և ռուսերեն լեզուներով։ Նրա դերասանական կարիերան սկսվել էր չորս տարեկանից։ Որպես երեխա-դերասան, նկարահանվել է այնպիսի ֆիլմերում, ինչպիսիք էին «Հրաշք 34-րդ փողոցում» (1947թ.), «Ուրվականն ու միսիս Մյուրը» (1947թ.) և «Աստղը» (1952թ.) կինոնկարները։ Նա իր Վուդ կեղծանունը ընտրել էր ի պատիվ ռեժիսոր Սեմ Վուդի, ով կատակերգություններ էր նկարահանում Մարքս եղբայրների մասնակցությամբ։ 1955 թվականին նկարահանված «Խռովարար` առանց պատճառի» կինոնկարում, որտեղ գլխավոր դերով հանդես էր եկել Ջեյմս Դինը, Նատալի Վուդն իր դերակատարման համար ներկայացվել էր «Օսկար» մրցանակի։ Այդ դերը նրան օգնեց ավելի լուրջ դերեր ստանալու հարցում։

Միջազգային ճանաչում Նատալի Վուդն ստացավ «Վեսթսայդյան պատմություն» (1961թ.), «Ջիպսի» («Գնչուհին» 1962թ.) և «Մեծ մրցարշավներ» (1965թ.) ֆիլմերում մասնակցելու համար, իսկ «Մեծաշուքությունը խոտի մեջ է» (1961թ.) և «Սերն հարմար անծանոթի հետ» (1963թ.) կինոնկարներում կատարած դերերը, նրան կրկին երկու անգամ առաջադրեցին Ամերիկյան կինոակադեմիայի մրցանակին։ Նատալի Վուդը հաջողությամբ նկարահանվում էր ողջ 1960-ականների ընթացքում, իսկ 1970-ական թվականներին սկսեց հազվադեպ նկարահանվել` իր կյանքը նվիրելով ընտանիքին։ Իր վերջին խոշոր դերը նա խաղացել է «Այսուհետ և ընդմիշտ» (1979թ.) հեռուստաաֆիլմում, որի համար արժանացել է «Ոսկե գլոբուս» մրցանակին։

Անձնական կյանք

1957 թվականին Նատալի Վուդն ամուսնացել է դերասան Ռոբերտ Վագների հետ, իսկ 1962 թվականին նրանք բաժանվել են։ 1969 թվականին Նատալին ամուսնացել է բրիտանացի պրոդյուսեր Ռիչարդ Գրեգսոնի հետ։ 1972 թվականին նրանք ամուսնալուծվել են։ Նույն թվականին Նատալին վերականգնել է հարաբերությունները Ռոբերտ Վագների հետ և 1974 թվականին ամուսնանալով, նրա հետ ապրել է մինչև իր կյանքի վերջը։ Նատալի Վուդն ունի երկու դուստր, ավագը` Ռիչարդ Գրեգսոնից, իսկ կրտսերը` Ռոբերտ Վագներից։

Մահ

1981 թվականի նոյեմբերի 29-ի լույս 30-ի գիշերը, Կալիֆոռնիայի ափերի մոտ գտնվող Սանտա-Կատալինա կղզու շրջակայքում զբոսանավով լողալու ժամանակ, չպարզված հանգամանքներում Նատալի Վուդը խեղդվել էր ջրում։ Բացի նրանից, զբոսանավի վրա եղել են նրա ամուսինը` Ռոբերտ Վագները, դերասան Քրիստոֆեր Ուոքենը և զբոսանավի նավապետ Դենիս Դավերնը։ Համաձայն համընդհանուր վարկածի, ալկոհոլ օգտագործած վիճակում Նատալին փորձել է ուղղել ճոպանը և ոտքի վրա կանգնել չկարողանալու պատճառով ընկել է ջուրն ու խեղդվել։ Սակայն այդ վարկածը կասկածների տեղիք է տալիս, քանի որ Նատալին մանկությունից վախենում էր ջրից։ Հետաքրքիր էր նաև այն փաստը, որ դերասանուհու կյանքն ապահովագրված էր 13 միլիոն դոլարով և դերասանուհու մահվան դեպքում դրանք կարող էր ստանալ ամուսինը։ Թե ինչ էր իրականում տեղի ունեցել զբոսանավի վրա, մինչ օրս չի պարզվել։

Դերասանուհու ողբերգական մահվան 30-ամյակին ընդառաջ, ոստիկանությունը վերականգնել էր կատարվածի հանգամանքների հետաքննությունը` զբոսանավի նավապետի նոր հայտարարությունները հաշվի առնելով։ 2012 թվականին Los Angeles Times թերթը հաղորդել էր, որ Լոս-Անջելեսի ոստիկանությունը որևէ ապացույց չի գտել սպանության վերաբերյալ։ Ըստ թերթի տվյալների, որոնք հղում էին կատարում ոստիկանության հետաքննչական բաժնի ղեկավարին, վերականգնված հետաքննությունը ողբերգության վերաբերյալ որևէ նոր հանգամանք չի պարզել։ 2013 թվականին փոխվել է Նատալի Վուդի մահվան պաշտոնական «պատահականորեն խեղդվելու պատճառով» արտահայտությունը, քանի որ վկայություններ էին հայտնաբերվել, որ դերասանուհու մարմնի վրա եղած կապտուկները, սալջարդերն ու քերծվածքները նրա մարմնին հայտնվել էին մահվանից ոչ շատ առաջ։

Նատալի Վուդի կրտսեր քույրը, դերասանուհի և գրող Լանա Վուդը հրատարակել է երկու կենսագրական գիրք` դերասանուհու կյանքի մասին։

Մասնակի ֆիլմագրություն

Թվական	Անվանում	Բնօրինակ անվանում	Կերպար
1943	Երջանիկ երկիրը	Happy Land	աղջնակ
1946	Հավերժական վաղը	Tomorrow Is Forever	Մարգարետ Լյուդվիգ
1946	Հարսնացուն ճտքակոշիկներով	The Bride Wore Boots	Քերոլ Ուորրեն
1947	Հրաշք 34-րդ փողոցում	Miracle on 34th Street	Սյուզան Ուոլքեր
1947	Ուրվականն ու միսիս Մյուրը	The Ghost and Mrs. Muir	Աննա Մյուրը մանուկ տարիքում
1947	Բեկորներ	Driftwood	Ջեննի
1948	Սկուդա-հու, Սկուդա-հեյ	Scudda Hoo! Scudda Hay!	Բին Մակգիլ
1949	Հավի ճուտ` ամեն կիրակի	Chicken Every Sunday	Ռութ Հեֆերան
1949	Խակ խոստում	The Green Promise	Սյուզան Մեթյուս
1949	Հայրիկը պաշտպան էր	Father Was a Fullback	Էլեն Կուպեր
1950	Ինձ համար տխուր երգեր պետք չեն	No Sad Songs for Me	Պոլի Սքոթ
1950	Շատ անձնական է	Our Very Own	Պեննի Մակաուլեյ
1950	Ձանձրույթի ոչ մի վայրկյան	Never a Dull Moment	Նենսի Հովարդ
1950	Մեծ խաղագումար	The Jackpot	Ֆիլլիս Լոուրենս
1951	Թանկագին եսասեր	Dear Brat	Պաուլինա
1951	Երկնագույն շղարշ	The Blue Veil	Ստեֆանի Ռոուլինս
1952	Ռոուզ Բոուլի պատմությունը	The Rose Bowl Story	Սալլի
1952	Միայն քեզ համար	Just for You	Բարբարա
1952	Աստղը	The Star	Գրետխեն Դրյու
1954	Արծաթե գավաթը	The Silver Chalice	Հելենան մանուկ տարիքում
1955	Մեկ ցանկություն	One Desire	Սիլի
1955	Խռովարար` առանց պատճառի	Rebel Without a Cause	Ջուդի
1956	Որոնողները	The Searchers	դեռահաս Դեբբի Էդվարդսը
1956	Ճիչ` գիշերը	A Cry in the Night	Էլիզաբեթ
1956	Այրվող բլուրներ	The Burning Hills	Մարիա Քրիստինա Կոլտոն
1956	Աղջիկը, որին նա ետ թողեց	The Girl He Left Behind	Սյուզան Դանիելս
1957	Ռմբակոծիչներ Բ-52	Bombers B-52	Լոիս Բրենան
1958	Մարջորի Մորնինգստար	Marjorie Morningstar	Մարջորի Մորգենշտերն
1958	Արքաները ուղևորության են գնում	Kings Go Forth	Մոնիկ Բլեր
1960	Կեշ ՄակԿոլ	Cash McCall	Լորի Օստեն
1960	Գեղեցիկ պատանի կաննիբալները	All the Fine Young Cannibals	Սառա Դևիս
1961	Մեծաշուքությունը խոտի մեջ է	Splendor in the Grass	Ուիլմա Դին Լումիս
1961	Վեսթսայդյան պատմություն	West Side Story	Մարիա
1962	Ջիպսի (Գնչուհին)	Gypsy	Ջիպսի Ռոզա Լի (Ռոզա Լուիզա Հովիկ)
1963	Սերն հարմար անծանոթի հետ	Love with the Proper Stranger	Էնջի Ռոսինի
1964	Սեքսը և չամուսնացած աղջիկը	Sex and the Single Girl	Հելեն Բրաուն
1965	Մեծ մրցարշավներ	The Great Race	Մեգի Դյուբուա
1965	Դեյզի Կլովերի ներաշխարհը	Inside Daisy Clover	Դեյզի Կլովեր
1966	Կոտրում	This Property Is Condemned	Ալվա Սթար
1966	Պենելոպե	Penelope	Պենելոպե Էլկոտ
1969	Բոբն ու Քերոլը, Թեդն ու Էլիսը	Bob & Carol & Ted & Alice	Քերոլ Սանդերս
1972	Թեկնածուն	The Candidate	Նատալի Վուդ
1973	Սիրո մասին	The Affair	Կորտնի Պատերսոն
1976	Լրտեսը	Peeper	Էլեն Պրենդերգաստ
1976	Կատուն շիկացած տանիքին	Cat on a Hot Tin Roof	Մարգարետ
1979	Այսուհետ և ընդմիշտ	From Here to Eternity	Կարեն Հոլմս
1979	Թխվածքաբլիթների գործարանը	The Cracker Factory	Կեսսի Բարետ
1979	Հարտ ամուսինները	Hart to Hart	կինոաստղ Նատաշա Գուրդին
1979	Ասուպ	Meteor	Տատյանա Դոնսկայա
1980	Վերջին ամուսնական զույգը Ամերիկայում	The Last Married Couple in America	Մարի Թոմփսոն
1980	Եվա Ռիկերի հիշողությունները	The Memory of Eva Ryker	Եվա Ռիկեր
1980	Ուիլն ու Ֆիլը	Willie & Phil	Նատալի Վուդ
1983	Ուղեղային գրոհ	Brainstorm	Կարեն Բրեյս

Ծանոթագրություններ

↑ ^1,0 ^1,1 ^1,2 ^1,3 ^1,4 Encyclopædia Britannica
↑ ^2,0 ^2,1 ^2,2 ^2,3 ^2,4 Discogs — 2000.
↑ ^3,0 ^3,1 filmportal.de — 2005.
↑ ^4,0 ^4,1 ^4,2 Deutsche Nationalbibliothek Record #120998556 // Gemeinsame Normdatei (գերմ.) — 2012—2016.
↑ ^5,0 ^5,1 ^5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

Վիքիպահեստն ունի նյութեր, որոնք վերաբերում են «Նատալի Վուդ» հոդվածին։

[_bf3ba1c592d14712-1] 1,0 ^1,1 ^1,2 ^1,3 ^1,4 Encyclopædia Britannica

[_e6833da9de0cc9df-2] 2,0 ^2,1 ^2,2 ^2,3 ^2,4 Discogs — 2000.

[_3f5fd63c0df64c88-3] 3,0 ^3,1 filmportal.de — 2005.

[_9fb30e83b8805a4b-4] 4,0 ^4,1 ^4,2 Deutsche Nationalbibliothek Record #120998556 // Gemeinsame Normdatei (գերմ.) — 2012—2016.

[_4fb4eece5fccaa5c-5] 5,0 ^5,1 ^5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[1]

[2]

[3]

[4]

[5]