Ջոնի Բելինդա (ֆիլմ, 1948)

Ջոնի Բելինդա; անգլ.՝ Johnny Belinda
Երկիր	ԱՄՆ
Ժանր	դրամա
Թվական	1948
Լեզու	անգլերեն
Ռեժիսոր	Ժան Նեգուլեսկո
Պրոդյուսեր	Ջերրի Ուոլդ
Սցենարի հեղինակ	Irma von Cube?
Դերակատարներ	Ջեյն Ուայման, Լյու Էյրս, Չարլզ Բիքֆորդ, Ագնես Մուրհեդ, Stephen McNally?, Ջան Ստեռլինգ, Բարբարա Բեյթս, Ալան Նափիե, Դեն Սեյմուր, Ֆրեդերիկ Ուորլոք, Մեյբլ Փեյջ և Rosalind Ivan?
Օպերատոր	Ted McCord?
Երաժշտություն	Մաքս Սթայներ
Մոնտաժ	Դևիդ Վեյսբարթ
Պատմվածքի վայր	Նոր Շոտլանդիա
Կինոընկերություն	Warner Bros. և Warner Bros. Pictures
Տևողություն	95 րոպե
	Johnny Belinda (film) Վիքիպահեստում

Ջոնի Բելինդա, 1948 թվականին նկարահանված ամերիկյան դրամա, որը հիմնված էր 1940 թվականին Բրոդվեյում բեմադրված համանուն պիեսի վրա։ Ֆիլմի սցենարի վրա աշխատել են գրողներ Ալեն Վինսենտն ու Իրմա ֆոն Քյուբը, ռեժիսորը Ժան Նեգուլեսկոն է^[1]։

Պատմությունը հիմնված է իրական դեպքի վրա, որը տեղի է ունեցել Հարիսի ամառային նստավայրի մոտակայքում՝ արքայազն Էդվարդի կղզու Ֆորտունա Բրիջ տարածքում։ Գլխավոր հերոսուհին, որի անունից առաջացել է ֆիլմի վերնագիրը, իրական կյանքում գոյություն է ունեցել Լիդիա Դինգվել (1852–1931) անունով^[2]։ Ֆիլմում ներկայացված են ստերի և բամբասանքների տարածման հետևանքները, բռնաբարության սարսափը։ Վերջին թեման նախկինում արգելված էր Հեյսի օրենսգրքով։ «Ջոնի Բելինդան» համարվում է հոլիվուդյան առաջին ֆիլմը, որը խախտել է այդ սահմանափակումները, և որպես այդպիսին հակասական է ընդունվել թողարկման սկզբնական պահին։

Ֆիլմում նկարահանվել են Ջեյն Ուայմանը, Լյու Էյրսը, Չարլզ Բիքֆորդը, Ագնես Մուրհեդը, Ստեֆան ՄեքՆելլին և Ջան Ստերլինգը։ Ուայմանի դերակատարումը նրան արժանացրել է «Օսկար լավագույն դերասանուհու համար» մրցանակի։

Ֆիլմը նկարահանվել է Կալիֆոռնիայի Ֆորտ Բրագ քաղաքում^[3]։

Սյուժե

Բելինդա Մակդոնալդը խուլ-համր երիտասարդ կին է, որն ապրում է Ատլանտիկական Կանադայի արևելյան ափին գտնվող Քեյփ Բրետոն կղզում։ Բժիշկը գիտակցում է, որ չնայած Բելինդան չի կարող լսել կամ խոսել, նա շատ խելացի է։ Նա ապրում է ֆերմայում իր հայրիկի՝ Բլեք Մեքդոնալդի և իր հորաքրոջ՝ էգգի Մեքդոնալդի հետ։ Նա հագնում է սովորական աշխատանքային հագուստ, հազվադեպ է գնում քաղաք և միայն մեկ անգամ է եկեղեցի գնում։ Ընտանիքը գյուղացիական ապրանքներ է վաճառում մոտակա քաղաքում, հիմնականում ալյուր։ Նրա հայրն ու հորաքույրը Բելինդային անվանում են «Դումի», որը զայրացնում է նրան, քանի որ մայրը մահացել է ծննդաբերելուց հետո։ Դոկտոր Ռիչարդսոնը սովորեցնում է Բելինդային ժեստերի լեզուն և հասարակ առարկաներ ու գաղափարներ ցույց տվող նշանները։ Ժամանակի ընթացքում բժշկի համակրանքը Բելինդայի հանդեպ մեծանում է։ Նա գնում է մի գեղեցիկ զգեստ աղջկա համար և խրախուսում նրա հայրիկին Բելինդային տանել քաղաք և եկեղեցի^[4]։

Դոկտոր Ռիչարդսոնի քարտուղարուհի Ստելլան հմայված է բժշկով և փորձում է ուշադրություն գրավել, բայց բժիշկը չի փոխադարձում նրա զգացմունքները։ Այն բանից հետո, երբ Ստելլան պարզում է, որ բժիշկը հրապուրվում է Բելինդայով, նա սկսում է զայրացնել նրանց երկուսին։

Ընտանիքի հաճախորդներից մեկը՝ Լոկի ՄակՔորիկը, հարբում է պարահանդեսի ժամանակ, հեռանում այնտեղից և գնում ագարակ, երբ Բելինդան միայնակ է այնտեղ և բռնաբարում է նրան։ Սա հանգեցնում է նրա հղիության, որն ախտորոշվում է մեկ այլ բժշկի կողմից, որի մոտ դոկտոր Ռիչարդսոնը բերել էր Բելինդային աուդիոլոգիական ստուգման համար։ Բելինդան տանը ծննդաբերում է առողջ տղա երեխա, որին նա անվանում է Ջոնի։ Քաղաքում մարդիկ սկսում են խուսափել ՄեքԴոնալդ ընտանիքից և դոկտոր Ռիչարդսոնից, քանի որ կասկածում էին, որ նա է Բելինդայի երեխայի հայրը, որովհետև նա է շատ ժամանակ անցկացրել աղջկա հետ։ Դոկտոր Ռիչարդսոնը Բլեքին ասում է, որ պատրաստ է ամուսնանալ Բելինդայի հետ, որպեսզի հանդարտեցնի քաղաքի բամբասանքները։ Բլեքը մերժում է նրա առաջարկը, քանի որ գիտի, որ դոկտոր Ռիչարդսոնը իրականում չի սիրում Բելինդային, այլ պարզապես խղճում է նրան։

Լոկին գարի գնելու պատրվակով գնում է ՄեքԴոնալդի ագարակ, թեև իրականում նա ցանկանում է տեսնել փոքրիկին։ Երբ Բլեքը տեսնում է Լոկիին, հրամայում է նրան հեռանալ։ Լոկիին ակամայից ասում է Բլեքին, որ ինքն է երեխայի հայրը։ Բլեքը հետևում է Լոկիին և սպառնում է պատռել նրա դիմակը քաղաքի առջև։ Նրանք կռվում են ծովափնյա ժայռի վրա, և Լոկին Բլեքին ժայռից նետում է ծովը՝ սպանելով նրան^[5]։

Բելինդան և նրա հորաքույր Էգգին փորձում են վարել ագարակի գործերը, բայց նրանք դժվարությամբ են կատարում վճարումները։ Քաղաքացիները Լոկիի հորդորով ժողով են կազմակերպում, որտեղ որոշում են, որ Բելինդան «պիտանի» չէ երեխային խնամելու համար։ Երբ Լոկին և Ստելլան (ովքեր այժմ ամուսնացած են) գալիս են Ջոնիին վերցնելու, Բելինդան նախ Ստելլային հասկացնում է, որ ինքն ավելի խելացի է, քան քաղաքաբնակները կարծում են։ Նա նաև ժեստերով հասկացնում է, որ առանց պայքարի չի հրաժարվի իր երեխայից։ Ստելլան հակառակվում է Լոկիին, ով խոստովանում է, որ երեխան իրենն է։ Երբ նա գնում է երեխային վերցնելու, Բելինդան փորձում է խանգարել նրան, սակայն Լոկին կարողանում է բարձրանալ դեպի այն սենյակը, որտեղ գտնվում է Ջոնին։ Սակայն նախքան Լոկիին կկարողանար բացել դուռը, Բելինդան օգտագործում է հրացանը, որով կրակում և սպանում է Լոկիին։ Բելինդան ձերբակալվում է և դատվում սպանության համար։ Դատավարության ընթացքում դոկտոր Ռիչարդսոնը վկայություն է տալիս, որ աղջիկը պաշտպանելիս է եղել իր ունեցվածքն ու ընտանիքը։ Դատարանը սա հաշվի չի առնում, բացատրելով դա Բելինդայի հանդեպ ունեցած նրա սիրով։ Դատարանը պատրաստվում է Բելինդային դատապարտել մահապատժի, բայց Ստելլան բերանից թռցնում է, որ իր ամուսին Լոքին իր սպանության օրը խոստովանել է իրեն բռնաբարության մասին ճշմարտությունը պատմելով։ Բելինդյան ազատ է արձակվում, և նա՝ Ջոնիի և դոկտոր Ռիչարդսոնի հետ հեռանում են^[6]։

Գլխավոր դերեր և դերակատարներ

Ջեյն Ուայմանը Բելինդա ՄեքԴոնալդի դերում
Լյու Էյրսը դոկտոր Ռոբերտ Ռիչարդսոնի դերում
Չարլզ Բիքֆորդը Բլեք ՄեքԴոնալդի դերում
Ագնես Մուրհեդը Էգգի ՄեքԴոնալդի դերում

Ընդունելություն

Ֆիլմը ունեցել է հսկայական ֆինանսական հաջողություն՝ վաստակելով $4,266,000 դոլլար ներքին շուկայում, և $2,721,000 դոլլար արտասահմանյան շուկայում։

Մրցանակներ

Շահումներ^[7]

Արժանացել է «Լավագույն կանացի դերակատարման համար» «Ոսկե գլոբուս» մրցանակի՝ Ջեյն Ուայման
Արժանացել է «Ամենահանրահայտ կին դերասան» մրցանակին՝ Ջեյն Ուայման
Արժանացել է «Ոսկե գլոբուս» մրցանակի

Տես նաև

Համր դերասաններով ֆիլմերի ցուցակ

Ծանոթագրություններ

↑ «Appendix 1». Historical Journal of Film, Radio and Television (անգլերեն). 15 (sup1): 1–31. 1995-01. doi:10.1080/01439689508604551. ISSN 0143-9685.
↑ «cia report central intelligence bulletin january 17 1964 top secret codeword not declassified crest». U.S. Intelligence on Europe, 1945-1995. Վերցված է 2020 թ․ փետրվարի 22-ին.
↑ Landazuri, Margarita. «Johnny Belinda (1948)». tcm.com. Turner Classic Movies. Վերցված է 2017 թ․ մարտի 3-ին.
↑ Thomas, Francis-Noël; Turner, Mark (2017 թ․ դեկտեմբերի 31). Clear and Simple as the Truth. Princeton: Princeton University Press. ISBN 978-1-4008-8735-4.
↑ Carter, Lionel. Towards a Ceasefire in Kashmir. Routledge. էջեր 151–219. ISBN 978-0-429-49165-8.
↑ Crowther, Bosley (1974). The Sting and the Twinkle. London: Macmillan Education UK. էջեր 59–62. ISBN 978-1-349-02204-5.
↑ «NY Times: Johnny Belinda». NY Times. Արխիվացված է օրիգինալից 2012 թ․ հոկտեմբերի 18-ին. Վերցված է 2008 թ․ դեկտեմբերի 20-ին.

Արտաքին հղումներ

Վիքիպահեստն ունի նյութեր, որոնք վերաբերում են «Ջոնի Բելինդա (ֆիլմ, 1948)» հոդվածին։

[1] «Appendix 1». Historical Journal of Film, Radio and Television (անգլերեն). 15 (sup1): 1–31. 1995-01. doi:10.1080/01439689508604551. ISSN 0143-9685.

[2] «cia report central intelligence bulletin january 17 1964 top secret codeword not declassified crest». U.S. Intelligence on Europe, 1945-1995. Վերցված է 2020 թ․ փետրվարի 22-ին.

[3] Landazuri, Margarita. «Johnny Belinda (1948)». tcm.com. Turner Classic Movies. Վերցված է 2017 թ․ մարտի 3-ին.

[4] Thomas, Francis-Noël; Turner, Mark (2017 թ․ դեկտեմբերի 31). Clear and Simple as the Truth. Princeton: Princeton University Press. ISBN 978-1-4008-8735-4.

[5] Carter, Lionel. Towards a Ceasefire in Kashmir. Routledge. էջեր 151–219. ISBN 978-0-429-49165-8.

[6] Crowther, Bosley (1974). The Sting and the Twinkle. London: Macmillan Education UK. էջեր 59–62. ISBN 978-1-349-02204-5.

[NY_Times-7] «NY Times: Johnny Belinda». NY Times. Արխիվացված է օրիգինալից 2012 թ․ հոկտեմբերի 18-ին. Վերցված է 2008 թ․ դեկտեմբերի 20-ին.

[1]

[2]

[3]

[4]

[5]

[6]

[7]