Ռաս Հաֆուն (սոմալիերեն՝ Ras Xaafuun, արաբ․՝ رأس حـافـون, իտալ.՝ Capo Hafun), հրվանդան Սոմալիում, Հաֆուն թերակղզում, Աֆրիկայի ծայր արևելյան կետը (10°26՛ հյուսիսային լայնություն և 51°23՛ արևելյան երկայնություն)։ Ռաս Հաֆուն հրվանդանի ափերը ողողում են Հնդկական օվկիանոսի ջրերը[1]։
2004 թվականի դեկտեմբերի 26-ին Հնդկական օվկիանոսում տեղի ունեցած երկրաշարժի պատճառով ցունամին շարժվել է դեպի Ռաս Հաֆուն հրվանդանը։ Դա Աֆրիկա մայրցամաքի ամենաշատ տուժած տարածքն էր և միակ վայրը, որը գտնվում էր Հնդկական թերակղզու արևմուտքում, որտեղ ալիքները հեռանում էին ափից, այնուհետև բախվում նրան[2]։ Հեղեղվել և ավերվել են 813 տուն, ևս 432-ը վնասվել է։ Փլատակների տակից դուրս է բերվել 19 դի, իսկ 140 (նոր տվյալներով) բնակիչ համարվում է անհետ կորած։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 329)։
Սոմալի
