Ռացիոնալ թիվ

Ռացիոնալ թվերի բազմության նշանը

Ռացիոնալ թիվը (լատին․՝ ratio - հարաբերություն, բաժանում, կոտորակ) ներկայացվում է սովորական կոտորակի տեսքով՝ ${\frac {m}{n}}$, որտեղ համարիչը $m$-ը ամբողջ թիվ է, իսկ հայտարարը՝ $n$-ը՝ բնական թիվ, օրինակ՝ ${\frac {1}{4}}$:
Կոտորակի հասկացությունը առաջացել է մի քանի հազարամյակ առաջ, երբ անհրաժեշտություն է առաջացել որոշ իրերի չափման համար (երկարություն, զանգված, մակերես և այլն), մարդիկ հասկացան, որ միայն ամբողջ թվերը բավարար չեն և անհրաժեշտ է մասի հասկացության ներմուծում՝ կեսի, երրորդի և այլն։
Կոտորակներով և նրանց հետ գործողություններով օգտվել են հին հույները և եգիպտացիները։
Ռացիոնալ թվերի բազմությունը նշանակվում է $\mathbb {Q}$ (լատին․՝ Quotient - քանորդ բառից) և կարող է գրվել այսպիսի տեսքով՝

$\mathbb {Q} =\left\{{\frac {m}{n}}\mid m\in \mathbb {Z} ,n\in \mathbb {N} \right\}:$

Գրականություն

Ֆիխտենգոլց։ Մաթեմատիկական անալիզի հիմունքներ Արխիվացված 2019-01-02 Wayback Machine