Miles Davis
.jpg)
Miles Dewey Davis III (Alton, Illinois, SUA le 26 de maio 1926 – Santa Monica, California, SUA le 28 de septembre 1991) esseva un compositor e trompettero statounitese de jazz. Ille esseva un del plus influential e acclamate figuras in jazz e le musica del seculo 20. Davis esseva al prime rango de nove disveloppamentos de jazz ab le annos 1940 usque su morte, durante quasi cinquanta annos.
Davis nasceva e esseva elevate in Illinois, al peripheria de St. Louis. Ille se moveva pro studiar al Juilliard School in New York City, ma non lo completava. Illo comenciava su carriera musical in le bebop banda de Charlie Parker. Su discos del Birth of the Cool esseva importante pro le disveloppamento del cool jazz. Al initio del annos 1950 ille registrava alcun del prime albumes de hard bop, ma su travalio esseva remorate per su narcomania de heroina. Ille habeva un retorno post le Newport Jazz Festival in 1955 e publica 'Round About Midnight (1957) con un nove banda. Ille publicava alcun albumes famose durante le annos subsequente: Milestones (1958), Kind of Blue (1959) e Sketches of Spain (1960). Le album Kind of Blue es un del albumes plus succedite commercialmente de jazz.
Le annos 1960, Davis publicava albumes sovente con un ensembla cambiante de musicos. Ille esseva associate con post-bop, ante un transition a jazz rock con instrumentos electric. In a Silent Way (1969) e Bitches Brew (1970) esseva duo del albumes plus importante de jazz con influentias de rock. Durante le annos 1970, ille experimentava con rock, funk, rhythmos African e nove technologia. Su experimentos ab 1969 usque 1975 esseva controverse in le communitate de jazz, ma donava le genere un renascentia commercial. Post un hiato ab 1975 usque 1980, Davis retornava a musica. Su albumes ulterior include nove musicos e influentias de pop e hip hop. Illos esseva minus acclamate, ma esseva succedite commercialmente. Ille etiam travalia in artes visual, cinema e television.
Durante su cariera, Davis sonava con multe del musicos plus importante in jazz. Illos include Sonny Rollins, Julian "Cannonball" Adderley, Bill Evans e John Coltrane durante le annos 1950. Ab 1960 usque 1980, illos include Herbie Hancock, Wayne Shorter, George Coleman, Chick Corea, John McLaughlin, Keith Jarrett, Tony Williams, Joe Zawinul, Dave Liebman e Kenny Garrett. Iste membros forma multe bandas succedite de jazz, inclusive Weather Report, Mahavishnu Orchestra, Return to Forever e le bandas de Herbie Hancock.