Vefnaður (aðferð)
Vefnaður er aðferð til að vinna klæði úr þræði. Vefnaður verður til þegar þræðir úr sitt hvorri áttinni bindast eða fléttast saman og þá verður til dúkur eða voð. Oftast er ofið í vefstólum og er uppistaðan þræðir sem eru langsum en milli þeirra er ívafið. Þrjár megingerðir af vefnaði tíðkuðust á Íslandi en það voru einskeftuvend, vaðmálsvend og ormeldúksvend. Einfaldasti vefnaðurinn er einskefta en þá liggur ívafsþráður upp og niður. Í vaðmálsvend þá liggja skáhalla samsíða línur eftir voðinni. Einskefta var höfð í svuntur og millipils en vaðmál í brekán.