Kastil

Kastil utawi puri inggih punika yasan ingkang kabangun kanggé raja utawi pangéran kaliyan kulawarganipun ingkang pidalem wonten ing mriku. Dumugi abad kaping 15, kastil dipunanggep kuat sanget sesarèngan kaliyan majenging teknologi artileri yasan punika lajeng dipuntilaraken dados papan pertahanan. Padatanipun istilah kastil tegesipun winatesan papan dalem-dalem ingkang dipunbèntèngi nalika jaman tengahan Éropah ; struktur-struktur sami ingkang gadhah dwifungsi ugi saged kapanggih wonten ing yasan donya kuna. Kastil (castle) saking Basa Latin castellum, diminutrive saking tembung castrum ingkang ateges papan ingkang kabèntèngan (fortified place). Wonten ing Basa Perancis château, ing Spanyol castillo, lan ing Italia castello ^[1].

Kastil punika jinising struktur bètèng ingkang dipunyasa déning kaum bangsawan Éropah ing Éropah lan Timur Tengah nalika abad tengahan. Padatanipun kastil punika kanggé griya pribadi (residence) panguasa utawi bangsawan mulya. Kirang langkung 900 taun, kastil kabangun kanthi wujud ingkang manéka warna kanthi fitur ingkang sanès-sanès, wonten ugi ingkang kados témbok tirai utawi arrowslits.

Sajarah

Kanthi gampil dhéfinisi saking kastil ingkang dipuntampi déning para akadhemisi inggih punika papan tinggal bètèng pribadi. Babagan punika kontras kaliyan bètèng-bètèng sadèrèngipun kados Anglo Saxon Burhs lan kutha-kutha ingkang gadhah témbok kados Konstatinopel lan Antiokhia ing Timur Tengah. Kastil-kastil pertahanan asifat boten komunal, nanging kabangun kanthi gadhah kagum feodal lokal kanggé pribadinipun piyambak utawi kanggé raja.

Saking abad kaping 12 désain kastil pikantuk prabawa saking para Crusader (Prajurit Perang Salib) ingkang nepangaken perbaikan niru bètèng-bètèng Byzantine. Kastil-kastil Éropah dados langkung ageng lan laladan ingkang kabèntèngan dados boten karuan. Panalitèn nedahaken bilih kastil gadhah peran ingkang utilitarian ing masarakat feodal. Minangka pelindung, visible landmark, lan sumber kebanggaan kanggé para komunitas.

Arsitektur Kastil

Komponèn prasaja kanggé yasa struktur bètèng punika kados watu, semèn, lan kayu. Kala wiwitaning rumiyin kastil ngandelaken sesawangan ing sakiwa tengenipun kastil kanggé paring kathah penjagaan. kala rumiyin kastil kabangun saking kayu lan dipunyasa wonten ing inggiling bukit Mottes. Amargi gampil kobong lajeng manawi yasa kastil langking kathah ngginakaken watu kanthi tambahan material sanès miturut kersanipun ingkang ndamel.

Ugi pirsani

Bangungan kastil boten namung éndah, nanging kathah ngandhut piwulang sajarah lan arsitèktur ingkang éndah ugi. Kathahipun kastil ingkang wonten dipunjagi amargi gadhah aji sajarah ingkang inggil ^[2]. Punika kastil-kastil ingkang taksih wonten lan jumeneng kanthi megah:

Cathetan suku

↑ [1]^{[pranala mati permanèn]}, (id) http://www.htysite.com Archived 2012-11-26 at the Wayback Machine. (dipun-akses tanggal 22 November 2012).
↑ [2] Archived 2012-11-03 at the Wayback Machine., Pratélan Kastil Tua dan Cantik di Dunia (dipun-akses tanggal 27 November 2012).

[internet1-1] [1]^{[pranala mati permanèn]}, (id) http://www.htysite.com Archived 2012-11-26 at the Wayback Machine. (dipun-akses tanggal 22 November 2012).

[internet2-2] [2] Archived 2012-11-03 at the Wayback Machine., Pratélan Kastil Tua dan Cantik di Dunia (dipun-akses tanggal 27 November 2012).

[1]

[2]