Agraw amatu n yeɣlanen yeddukklen

Agraw amatu n yeɣlanen yeddukklen
Tazɣa n ugaraw amatu deg usutel n Yiɣlanen Yeddukklen di New York
Talmest n tuddsa	Tuddsa tagejdant
Asegzel	ON
Amaray	Aselway Peter Thompson
Addad	Amellil
Azemz n usbeddi	1945
Tansa n web	www.un.org/ga
Tuddsa tayemmat	Tuddsa n Yeɣlanen Yeddukklen
Wikimedia commons	Agraw amatu n yeɣlanen yeddukklen

Agraw amatu n yeɣlanen yeddukklen d yiwen gar 6 imeẓla igejdanen n Yeɣlanen Yeddukklen, dɣa tga d tasudut tamyiwent anda yakk iwunak igmamen gdan (msawan) deg ugenses akken iga d ameẓlu agejdan i tmugri tsartit d ugenses g Yeɣlanen Yeddukklen. Tiwuriwin-is gant d amday ɣef umarud n Yeɣlanen Yeddukklen d umager n illasen neɣ ineqqisen seg yimuren n iden n Yeɣlanen Yeddukklen d tnefkiwt n isegdal s talɣa n tneɣytust n wegraw amatu n yeɣlanen yeddukklen. Akken daɣen id tt-wesnulfan waṭas n imeẓla ifurkanen.

Agraw amatu y-tt-msegraw yiwet n tikkelt yal aseggas s ddaw n tisselwit umaray-ines amatu g tdabut-is yellan di temdint n New York akken daɣan i zemrent ad ilin-t tɣimiyin timeslidin deg wakuden n iden aladɣa deg tegnatin timsarin.

Ayli wis 4 n arkawal n Yeɣlanen Yeddukklen yessenmalay-d (yett-beggin-d) tisgert-is d twiriwin-is d tefranin-is d tsekkerin-is. Dɣa tiɣimit tamezwarut yakk n wegraw amatu yella-d ass n 10 yennayer i wseggas n 1946 deg temdint n London s tihawt n igensasen n 51 n iwunak.

Adɣar deg wegraw amatu d win yezzin ɣef tlufa yellumẓen (ihummen) iseɣlafen yeqqnen ar telwit d tɣellist.

Deg iseggasen n 80, Agraw amatu yuɣal d annar i wdiwenni gar tmura n Ugafa d tid n unẓul. Amdya ɣef wanect-a d ameslay ɣef tlufa d tisra gar n tmura timugranin d tmura timesnflalin, Dɣa tilufa ayyi nnulfan-tt-d s usrag (s ssebba) n gemmu d usmeskel deg tsuddest n tegmant n Yeɣlanen Yeddukklen anda deg useggas n 1945 llan dges anagar 51 n yigmamen ma d tura llant 193 n tmura d tigmamin gar-asent sin n ikṛaden (⅔) d timura timesnflalin annect-a yeǧǧa neɣ yefka tagnit i tmura ayyi ad grent ahil n wegraw amatu (s usexdem n tegrawin timsidag am tegrawt n 77).

Altaɣ

Llant 193 n iwunak igan d igmamen deg wegraw amatu. S tmernit ar wanect-a, Agraw amatu yezmer ad yefk aglam n umanay i kra n tuddsa tagreɣlant neɣ i kra n tmurt Ur nelli ara d agmam.