Lyenfilosofi
.jpg)
| Tafa | si̱tem lyen  |
|---|---|
| Yet kap | humanities |
| Named by | Paitagorat |
| Has effect | philosophical viewpoint |
| Is the study of | condition, phenomenon, a̱cucuk, lyen |
| Hashtag | philosophy |
| Byia̱ za̱kwa | interdisciplinarity |
| Nkhang | nkhang lyenfilosofi, Western philosophy, lyenfilosofi fam A̱tyin |
| Practiced by | philosopher, a̱gwaklyen lyenfilosofi |
| WordLift URL | http://data.thenextweb.com/tnw/entity/philosophy |
| Stack Exchange site URL | https://philosophy.stackexchange.com/ |
| Byia̱ lyulyoot | list of schools of philosophy, list of philosophies |
_2014-04-10.JPG)
Lyenfilosofi (φιλοσοφία, 'cat mumwang', da̱ a̱lyem Helen gbangbang) yet zop zi̱zop lyip ma̱ng a̱di̱dam tazwa pyipyia̱ a̱lyiat nang yet, jat, lyen kyang, a̱fi̱ng, fwuo, ma̱ng a̱lyem. Ku yet ta̱fwat ja ma̱ng a̱tsak nzop a̱ nyian a̱di̱dam tazwa á̱di̱dam ntsa nggu na a̱ni.
Di̱ nkhang gbangbang, a̱yaasayen nyanyin, nang Fizik ma̱ng saikoloji ku yet kap lyenfilosofi. Da̱ a̱kwonu a̱kya, á̱ mun kwok mba ba̱ yet mi̱ kyang nyiung hwa di̱ fa swang a̱lyiat hu mi̱ tat-a̱pyia̱ a̱fwun hu. Mami a̱yaatada kwak-fwuo di̱ nkhang á̱ mbyia̱ lyenfilosofi Jenshyung, A̱la̱ra̱ba–A̱fari̱si, Ndya, ma̱ng Lyenfilosofi A̱caina. Lyenfilosofi Jenshyung hu ku neet ma̱ a̱byin Helat Gbangbang kya a̱wot ku si̱ yai a̱gba̱ndang a̱vwuo ba̱t di̱ á̱banfam lyenfilosofi. A̱pyia̱ a̱lyiat ka̱ shyia̱ a̱ka̱wa̱tyia̱ di̱ lyenfilosofi A̱la̱ra̱ba–A̱fari̱si kikya yet a̱meang tsi̱tsak jat ma̱ng tyai á̱zanson. Lyenfilosofi Ndya hu ni̱ mun a̱bung nkyang tswa si̱sak nang a̱yin na mban tyai-a̱pyia̱ ma̱ng zop a̱kwa swanta ka ma̱ng nvak mban lyen. Lyenfilosofi A̱caina ni̱ jwaat a̱ghyi di̱ nkyang na na̱ naat mbwuot nia a̱ni na̱ byia̱ a̱ka̱ta ma̱ng a̱tan za̱kwa, a̱gwomna̱ti, ma̱ng go-a̱pyia̱.