Аккад тілі

Аккад тілі (Солтүстік Вавилондағы Аккад қаласының атымен аталған) — семит тілдерінің ең көнесі.

Кезінде халықаралық қатынас тілі болған. Кейінірек екі диалектіге (ассирия және вавилон) бөлінді. Сондықтан оны кейде ассирия-вавилон немесе вавилон-ассирия тілі деп те атайды. Аккад тілінің басты ерекшелігі: сөздің түбірі тек қана дауыссыздардан құралады, жіктік жалғаулары болмайды, есімшенің баяндауыш жасайтын ерекше түрі (пермансив) бар. Аккад тілінің графикасы шумер сына жазуына негізделген.