Каркасон
Каркасон, Каркассонн – Франциядагы шаар. Лангедок-Руссильон регионунда, Од департаментинин административдик борбору. Түштүк каналынын жана Од дарыясынын боюнда жайгашкан. Калкы 50 миң (2008). Болжол менен Биздин заманга чейинки 1-кылымда римдиктер тарабынан негизделген. Биздин замандын 300-жылы ченде шаар айланта дубал менен (эски бөлүгү 2 сыйра; 52 мунарасы бар) курчалган. Бул дубалдардын алгачкы көрүнүшү ушул күнгө чейин сакталгандыктан Бүткүл дүйнөлүк мурастын тизмесине киргизилген. Роман-готика стилиндеги соборлор, чиркөөлөр, капелла, орто кылымга таандык оорукана сакталган. Музейлер (анын ичинде асем искусство, сүрөт) бар. Шарап ачытылат. Текстиль, бут кийим өндүрүшү иштейт.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9