Colo
La colo es la parte de la corpo de multe vertebratos cual lia la testa con la tronco. La colo suporta la pesa de la testa e proteje la nervos cual porta informa sensal e motor de la serebro a su a la resta de la corpo. En ajunta, la colo es multe flexable e permete ce la testa turna e flexe en tota dirijes.
La strutures de la colo umana es anatomial grupida en cuatro compartes: vertebral, viseral e du compartes vascular. En esta compartes, la colo conteni la vertebras colal e la parte colal de la medula spinal, la partes alta de la tubos de respira e dijesta, glandes endocrin, nervos, arterias e venas. Musculos de la colo es separada descriveda de la compartes. Los borda la triangulos de la colo.