Erwin Neher

Erwin Neher, (20 de marzo 1944-) ia es un biofisiciste deutx. El ia nase en Landberg, Bavaria. Con sua colaboror Bert Sakman, un fisiolojiste deutx, el ia gania la premio Nobel de fisiolojia o medica en 1991 per sua labora en fisica de membranas selulal.

Siensistes sabe ja ce siniales envia se a en selulas e entre los par la pasa de corentes eletrical tra canales de iones en membranes selulal. Ma rexercores no ia pote mesura la sinial de un canal individual de ion.

Neher e Sakmann ia developa un tecnica usante un tubo vitral estrema peti, con cual los ia pote isoli canales ional individua. La rexerca de Neher e Sakmann ia es un mervelia siensal e sua tecnica mesural ia permete siensistes a studia maladias causada par defetos en canales ional, como fibrose sistal. Donce on pote desinia drogas cual influe sola canales ional spesifada.