Nepal

Republica Federal Democrata de Nepal सङ्घीय लोकतान्त्रिक गणतन्त्र नेपाल Sanghiya Loktāntrik Ganatantra Nepāl
	[[File:|90px]]
Informa jeneral
Capital:	Catmandu
Lingua ofisial:	Nepali
Dirije
Governa:	Republica parlamental federal
- Xef de stato:	Presidente Bidhya Devi Bhandari
- Xef de governa:	Vispresidente Nanda Kishor Pun
Otras
Area:	147,181 km²
Popla:	26,494,504
Densia:	180
PIB:
Mone:	Rupi nepali
Zona de ora:	UTC+05:45
Numero de telefon:	+977
Interede:	.np, .नेपाल

Nepal (ofisial la Republica Democrata de Nepal) es un pais sin costa en Himalaia sentral, en Asia. Lo es divideda en 7 statos, 75 distritos e 744 unias local. Lo ave 26,4 milion abitores e es la pais 93 de la plu grandes par area (147 181 cilometres cuadrida). Bordante Jonguo en la norde e Barat en la sude, este e ueste, lo es la pais himalaian la plu grande. Lo no borda Bangladex, cual es locada a sola 27 cilometres de sua punto sude-este. Lo ance no borda Druciul, car la stato barati Sikkim es locada a entre.

Nepal ave un jeografia diversa, incluinte planos fertil, colinas forestosa sualpan, e oto de la des montes la plu alta de mundo, incluinte Everest, la punto la plu alta sur la Tera. Catmandu es la capital e site la plu grande. Nepal es un nasion multietnical de cual nepali es sua lingua ofisial.

La teritorio de Nepal ave un istoria rejistrada de pos la eda neolitica. La nom "Nepal" es prima rejistrada en testos de la Eda Vedal, la era cual ia fundi induisime, la relijio xef de la pais. A media de la milenio prima aec, Gautama Buddha, la fundor de budisme, ia nase en Nepal sude. Partes de Nepal norde ia es entretexeda conla cultur de Bod. La Vale Catmandu en Nepal sentral ia deveni conoseda como "Nepal" par causa de sua sivilia urban complicada. Lo ia es la seja de la federa rica conoseda como Nepal Mandala.

La ramo himalaian de la Via de Seda antica ia es dominada par la comersiores de la vale. La rejion ia developa arte e arciteta tradisional distinguida. En la sentenio 18, la Rena Gorkha ia ateni la uni de Nepal. La dinastia Shah ia institui la Rena de Nepal e ia formi plu tarda un alia con la Impero Brites, su sua dinastia Rana de xefes. La pais ia es nunca colonida, ma ia funsiona como un stato cuxininte entre Jonguo Imperal e Barat Colonial.

En la sentenio 20, Nepal ia fini sua isoli e ia crea lias forte con potias rejional. Democratia parlamental ia es introduida en 1951, ma ia es suspendeda a du veses par monarcas nepali en 1960 e 2005. La Gera Interna Nepali ia resulta la proclama de un republica en 2008, fininte la rena de la monarcia indu final de mundo.

Nepal moderna es un republica parlamental secular federal. Lo ave sete statos. Lo es un nasion developante, lutante de la cambia de un monarcia a un republica, e ance sufrinte de niveles alta de famia e povria. An con esta defias, Nepal fa un progresa constante, e la governa ia declara sua intende de leva la nasion de la grado de pais la min developada ante 2022. Nepal ave ance la capasia vasta de jenera enerjia idraulical per esporta.

• Nepal
• 
  Kathmandu
• 
  Pashupatinath
• 
  Bhaktapur
• 
  Changu Narayan
• 
  Patan
• 
  Himalaya
• 
  Himalaya
• 
  Mustang
• 
  Mustang