Oslo
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Oslo is de houfstad van 't Scandinavisch landj Noorwaeg, mit zoeaget 520.000 inwoeaners (2004); daomit is 't de grótste stad van 't landj. Oslo is ouch de naam van 'n pervinsje van Noorwaeg; de gemèndje (stad) en pervinsje Oslo bestrieken 'tzelvendje gebied. Oslo is gelaengen in 't zuudoeaste van 't landj, ane begin vanne Oslofjord. De stad is gestif gewaore róndj 1048 door keuning Harald III van Noorwaeg. In 1624 woort de stad door 'ne brandj gooddeils verinneweerdj. d'n Deens-Noorse keuning Christiaan IV leet de stad herboewe. De keuning verangerdje de naam vanne stad in Christiania, nao zichzelf. De naam woort in 1877 verangerdj in Kristiania, inne officieel spèlling. In 1925 woort de naam weer trögk verangerdj nao Oslo, det "vlakdje vanne gaode" mèntj.
Inne stad guuef 't 'n universiteit, de Universiteit van Oslo.
Oslo is ouch de houfstad vanne pervinsje (fylke) Akershus.
Gegaeves
[bewirk | brón bewèrke]De gemeinte had 590.041 inweuners in 2010 en 'n oppervlakde van 453,0 km². 't Aantal inweuners de km² bedreug 1.302,5. De gemeinte is officieel neutraol waat betröf de keus van sjriefvörm.
De gemeintecode is 0301.
Demografische óntwikkeling
[bewirk | brón bewèrke]| Jaor | 1769 | 1801 | 1815 | 1825 | 1835 | 1845 | 1855 | 1865 | 1875 | 1890 | 1900 |
|---|---|---|---|---|---|---|---|---|---|---|---|
| Inweuners | 13.874 | 16.806 | 17.851 | 25.738 | 30.645 | 40.349 | 49.768 | 76.367 | 107.834 | 166.535 | 250.692 |
| Jaor | 1910 | 1920 | 1930 | 1946 | 1950 | 1960 | 1970 | 1980 | 1990 | 2001 | 2006 |
| Inweuners | 271.027 | 312.063 | 340.094 | 417.225 | 434.076 | 475.599 | 477.948 | 452.299 | 461.190 | 512.093 | 538.411 |
In 2004 waas 26% van de inweuners gebaore boete Nórwaeg.