Piron
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
'ne Piron is 'n versering op 't oeteindj van 'n daaknok bie 'n sjilddaak of 'n wolfdaak in de vörm van 'n op 'ne voot sjtaond ornament. Meistal wirt de piron toegepas wo drie of meë daakvlakke biejein kómme.
Meistal woort gekaoze veur 'n bolvörmig of puntvörmig ornament, mèr ouch 'n combenatie van dees tweë oetveuringe woort dèks toegepas. 't Toegepasde materiaal is vriewaal altied keramisch materiaal, gebakke klei, load of zink.
De piron haet ouch 'n praktisch nut: went de makelaer (de sjteunende sjtiel ónger de nok) door de daakbedèkking sjtuk, kent dae zoa besjermp waere. De piron sjlut good aan op de machinaal vervaardigde vróspanne went dees bie 't nokeindj samekómme in 'n T-sjtök. 'ne Biepassende gebakke piron kent dao dan gewoon opgesjroef waere.
'n Sjoan veurbeeld van 'ne piron in de kesjteëleboew is te vènje op de taoresjpits van Kesjteël Awstrao in Awstrao.