El Piree
|
|
Quel articul chì l'è scrivüü in Lumbard, cun l'urtugrafia insübrica ünificada. |
El Piree (Πειραιάς/Peiraiás in grech mudernu; Πιραιεύς/Peiraieús in grech antigh; Piræus in latin; Il Pireo in italian; Le Pirée in frances; El Pireo in spagnö; Pireu in purtughes e catalan; Piräus in tudesch; Пирей/Pirej o Pireus in di lenguv slav; Pire in türch) a l'è una cità de l'Atica, in Grecia. L'è 'l caplögh de la Prefetüra del Piree.
El se tröva a des chilometri a süd-est dal centru de Atene, de la qual fundamentalment l'è 'l port. L'è la segunda cità püssee granda de la regiun e 'l cünta püssee de 465.000 abitant.
L'è 'l port püssee grand de la Grecia e 'l terz al mund.
Storia
[Modifega | modifica 'l sorgent]La storia del Piree l'è legada stregiament a quela de Atene: de fat l'è semper staa el port de la cità, cun la qual in età classiga l'era culegaa cunt una lunga furtificaziun ciamaa i Mür Lungh. Quela furtificaziun chì l'è stada trada giò dai Spartan dopu la fin de la Guera del Pelupunes. Un temp el Piree el gh'eva tri port minur: Canter, Zea e Münichia. El prim a l'era cumercial, i alter dü inveci militar.
