Umar bin Hafidz

Al-Habib Umar bin Muhammad bin Salim bin Hafidz otabâ Habib Umar bin Hafidz sè lahèr arè Senin, 27 Mèi 1963 M (Kalènḍer Hijriyah 4 Muharram 1383), iyâ arèya olama’ sè kotara. Habib Umar satèya dhingghâl è Tarim, Yaman è ḍissa beliau ngawasi perkembangan Dar-al Musthafa bân pan-brâmpan sakolaan laèn sè èpaddhek è masa pangawasanna.

Carèta oḍi

Habib lahèr è Tarim, Hadramaut, sala sèttong kotta toa è Yaman.

Nasab

Habib Umar pottrana Muhammad bin Salim bin Hafiz bin Abdullah bin Abi Bakr bin Aidarous bin al-Hussain bin al-Shaikh Abi Bakr bin Salim bin ‘Abdullah bin ‘Abd al-Rahman bin ‘Abdullah bin al-shaikh ‘abd al-Rahman al-Saqqaf bin Muhammad Maula al-Daweela bin ‘Ali bin ‘Alawi bin al-Faqih al-Muqaddam Muhammad bin‘ Ali pottra ḍâri Muhammad Sahib al-Mirbat bin ‘Ali Khali’ Qasam bin ‘Alawi pottra ḍâri Muhammad bin‘Alawi bin ‘Ubaidillah bin al-Imam al-Muhajir to Allah Ahmad pottra ḍâri ‘Isa pottra ḍâri Muhammad bin Muhammad bin ‘Ali al-‘Uraidi pottra ḍâri Ja’far al-Sadiq bin Muhammad al-Baqir bin‘Ali Zain al-‘Abidin pottra ḍâri Hussain kompoy lakè’, pottra ḍâri pasangan ‘Ali pottra ḍâri Abu Talib bân Fatimah al-Zahra pottrè ḍâri Rasul Muhammad Shallallahu ‘Alaihi Wasallam.

Masa Kènè'

Beliau ella mampu ngafalaghi Al-Qur’an è omor sè sangât ngoḍâ bân ngafalaghi pan-bârâmpan teks pèntèng fikih, haḍis, bahasa Arab bân pan-bârâmpan èlmo aghâma sè mamaso’ ḍâ’ lèngkerna èlmo sè ètegghut sèndeng  sareng bânnya’na olama’ tradisional akanta Muhammad bin ‘Alawi bin Shihab bân al-Shaikh Fadl Baa Fadl sarta para olama’ laèn sè morok è Ribat, Tarim. Beliau jughân ajhâr pan-bârâmpan èlmo tamaso’ èlmo-èlmo Spiritual aghâma ḍâri ramana sè sèdhâh sahid, al-Habib Muhammad bin Salim sè ḍâri dhibi’na ngaollè cinta bân parhatèyan sè ḍâlâm ḍâ’ da’wah bân bimbingan otabâ tuntunan kaaghâmaan kalabân cara Allah SWT. Ramana cè’ ajâgâna sang ‘Umar kènè’ sè manè bâḍâ è songkèr ramana è ḍâlâm lèngkaran èlmo bân dhikkèr.

Tapè sacara tragis, nalèka al-Habib ‘Umar preppa’na asareng ramana asalat Jum’at, ramana èkèco’ sareng klompo’ komunis bân sang Umar kènè’ kadhibi’ molè ka dhâlemma kalabân ngibâ sal ghâdhuna ramana, bân sajjhek rowa ramana ta’ toman ombhul polè. Arèya asebbâbaghi ‘Umar ngoḍâ ngangghep jhâ’ saongghuna tangghung jâwâb anerrosaghi lalakon sè èlakoni ramana è cèmpèr crama maghâ sal ghâdhuna ramana dhâdhdhi manḍirâ sè èbâghi ḍâ’ al-Habib ‘Umar è masa kènè’na sabelluna ramana sèdhâ sahiḍ. Sajjhek rowa, kalabân ghlebbherre manḍirâ sa ghi-tègghina, al-Habib ‘Umar molaè kalabân smangat, parjâlânan ampeng parjhuângan, makompol orèng, adhâpar majlis-majlis bân da’wah. Parjhuângan bân usahana sè kerras ghân alanjutaghi lalakon ramana molaè bâḍâ hasèlla. Kellas-kellas molaè èbukka’ bâgi na’-kana’ ngoḍâ otabâ orèng towa è masjiḍ-masjiḍ tempat ètabârrâ pan-brâmpan kasempatân kaangghuy ngafalaghi Al-Qur’an bân kaangghuy ajhâr èlmo-èlmo tradisional.

Èkèrèm ḍâ' Kotta al-Bayḍâ

Al-Habib ‘Umar ongghu-ongghu ngartè ḍâ’ Al-Qur’an saèngghâ beliau ella èparèngi hal sè hosos ḍâri Allah maskè omurra ghi’ ngoḍâ. Neng sapanèka, hal rèya molaè asâbbâbaghi kakobâtèran ḍâ’ kasalamâtna bân ahèrra èpotosaghi kaangghuy ngirèm al-Habib ‘Umar ḍâ’ kotta al-Bayḍâ’ sè bâḍâ è tempat sè èsebbhut Yaman ḍâjâ sè majhâu al-Habib ‘Umar ḍâri orèng-orèng sè macalaka’ah sang sayyiḍ ngoḍâ.

È ḍissa èmolaè baba’ pèntèng anyar ḍâlâm perkembanganna. Al-Habib ‘Umar asakola è Ribat Kotta al-Bayḍâ’, beliau molaè ajhâr èlmo-èlmo traḍisional sè èbimbing sè moljâ al-Habib Muhammad bin ‘abdullah al-Haddar, smoghâ Allah anyapora bân èbimbing olama’ madhab Syafi’I al-Habib Zain bin Sumait, smogâ Allah ajâgâ. Jânjina èpennuè nalèka ahèrra beliau èpèlè mènangka  sorang ghuru ta’ abit samarèna. Beliau jugân terros alanjutaghi lalakona sè malèsso è bâgiyân dakwah.

Satèya kennenganna iyâ arèya al-Bayḍâ bân kotta-kotta sarta dhisa-dhisa è sakètarra. Taḍâ’ skalè sè talèbhât ḍâlâm usahana kaangghuy angennalaghi polè bâllâssâ Allah bân Rasul (shallahu 'alaihi wasallam) ka atè-sanobâri dhibi’na kabbi. Kellas-kellas bân majlis èpaddhâk, pangajhârân èmolaè bân rèng-orèng èbimbing. Usahana sè cè’ tegghu asâbbâbaghi kakorangan tèḍung bân laoḍ molaè anunjuaghi hasèl sè raja ḍâ’ dhibi’na kabbi sè kaseddhing ajârânna, otama ḍâḍ-ngoḍâḍân sè sabelluna ella tajrungngup ḍâlâm kaoḍi’ân sè kosong bân dhângkas, nèng satèya ella ngalami paobâân sangât ḍâlâm saèngghâ dhibi’na kabbi saḍar jhâ’ oḍi’ anḍi’ tojjuân.