Озял

Озял (лат.: Cygnus «локсти») — пялевень тяштеналсь. Птолемейть 48 тяштеналхнень эди 88 тяни содаф тяштеналхнень эзда фкясь. Илякс содаф кода пялевень Синесь.

Башка тяшкстапт

Озялса мъзярошка валда тяштть. Денеб тя фкя Озялста тяштсь. Сон пяк валда иднотонга сон ащи 3230 валдонь кизот Модать эзда. Сенем вельф оцюп ащи Озялть песа, вярдень Пялевень Синеть ужеса.

Эрямопингсь ди айнематне

Явропса тя тяштеналонди мяргсть «Локсти» сяс мес тяштьтне шарсть лии локстити кели паця мархта. Грекань айнематнень коряс Зеус арась Локстикс Ледать содаманзон инголе. Меле Ледась шачфтозень Кастор эди Полукс (Кафтасть), Тройстонь Елена ди Клитемнестра.

Орфей шарфтсь Локстикс сонь шавомдонза меле ди корнесть сон повсь менельть лангс Лирать малас.

Тага фкя айнема фкя оцязор Кикнус колга, кона пяк кельгозь сюдоф Фаетонть. Шить шкаень Гелиость цёрац Фаетон йёжуста аназь алянц кядьста сонь Шить каламашкать аньцек вядьмонза изь кирдев шавфоль Зеусть ёндолса. Сонь куломдонза меле Кикнус чёпафнесь ламоксть Еридан ляйс Фаетонть пакарьсонзон мушендоманкса ди арась Локстикс, конась тячемс няеви менель лангса.

Озял иля Зодиакть Ляценди тяшксста тяштеналхнень мархта (васенцеда Лира ди Куцькан сонць Ляценди мархта), улема, сотф Стимфалиень нармоттнень айнемаснон мархта ди фкя Гераклань оцютевонц мархта (сонь кемгафтува оцютевонзон эзда фкясь).

Китаень айнемаса Озял ащи кизонда весть арай вастокс сязьганонь седьти (Це Цяо), конась сотни кельги ялгат Ниу Лань эди Жи Ну.

Овидить «Метаморфозатнень» эса ащихть колма ломатть Локсти лемса кит арасть Локстикс.

Кяльвалсь

Ян Ридпат эди Вил Тирион (2007). Тяштень эди шары тяштень вятемась, Колинз, Лондон. ISBN 978-0007251209. Princeton University Press, Princeton. ISBN 978-0691135564.