25 пургыж

25 пургыж (25 февраль) — григориан кечышот почеш идалыкын 56-шо кечыже. Идалык пытыме марте 309 (кужемдыме ийлаште — 310) кече кодеш.

Пайрем да памятный дате-влак

• 1918 ий — Озаҥ олаште марий калыкын погынжо эртен.

Лӱмгече

• Католик лӱм-влак: Адеодата, Вальпурга, Мария, Тарасий
• Православный лӱм-влак: Алексей, Антоний, Вассиан, Евгений, Мария, Мелетий, Плутин, Саторнил, Урван, Христ

Событий-влак

Тугак ончо: Категорий:Пургыж тылзын 25 кечысе событий-влак

• 1721 ий — Пётр Первый кугыжа Синодым пеҥгыдемден: тиде черке пашам эскерыше ушем.
• 1836 ий — Сэмюэль Кольт икымше револьверлан патентым налын.
• 1956 ий — КПСС-ын ХХ-шо погыныштыжо Никита Хрущёв Сталиным титаклен ойлен.

Шочыныт

Тугак ончо: Категорий:Пургыж тылзын 25 кечынже шочшо-влак

• 1920 ий — Иван Семёнович Иванов, шанче пашаеҥ да лингвист, Марий Эл Республикын сулло шанче пашаеҥже. Шкеже У Роҥго кундем Куберсола гыч. Марий кугыжаныш университетын шанчыеҥже. 120 наре шанче пашан, 10 тунемме пособийын, «Марий калык лирика» книган авторжо. Суапле пашажлан кугыжаныш чап танык денат палемдалтын. Филологий шанче кандидат.
• 1934 ий — Иван Семёнович Иванов, марий йылмызе, шанчызе, филологий шанче кандидат, Марий АССР-ысе шанчын сулло пашаеҥже (1981), Россий Федерацийын кӱшыл профессионал туныктышын почётан пашаеҥже (2003), Н.К. Кркупская лӱмеш Марий кугыжаныш педагогике институтын почётан профессоржо (2004), Российысе кӱшыл школын сулло пашаеҥже (2015).
• 1941 ий — Сергей Георгиевич Макаров, почеламутчо да кусарыше. Тудо гын Санкт-Петербургышто шочын-кушкын. Кумдан палыме марий классик-влакын: Миклай Казаковын, Геннадий Матюковскийын, Анатолий Бикын, Анатолий Тимиркаевын, Валентин Осиповын почеламутшо-влакым руш йылмыш кусарымыж дене чапланен.
• 1960 ий — Анатолий Михайлович Муравьёв, муниципал вуйлатыше. Шкеже Киров вел гыч. 1990-ше ий гыч Морко кундемысе корным ачалыме да чоҥышо ушемым вуйлатыш тӱҥалын, 4 ий администраций вуйлатышат лийын. Тыгодымак Марий Эл Республик Кугыжаныш Погынын депутатше сомылым шуктен.
• 1937 ий — Вячеслав Миайлович Сиваев, туныктыш пашаеҥ, Россий Федерацийын сулло туныктышыжо шочын. Шочмо Курыкмарий кундем Пертнур школышто туныктышылан, Пайгусово кыдалаш школын вуйлатышыжлан ятыр ий тыршен.
• 1980 ий — Николай Вениаминович Ямолкин, спортсмен. Тудо гын Саратов кундемысе Балаково олаште шочын-кушкын. 14 ияш годымжак кикбоксинг дене кылым кучаш тӱҥалын. Российын, Европын да Тӱнямбал чемпион улеш. Тидын деч посна спорт мастер лӱм дене кумдан палыме.
• 1946 ий — Зоя Кузьминична Соколова, Марий Элы Республикыcе тÿвыран сулло пашаеҥже. Шернур кундем Кукнур селаште шочын. Паша корныжо Марий самырык театр дене кылдалтын: ятыр ий администраторлан тырша.

Коленыт

Тугак ончо: Категорий:Пургыж тылзын 25 кечынже колышо-влак

• 1963 — Эрик Сапаев, марий семлызе, Совет Ушем семлызе-влак ушемын еҥже (1959 ий гыч), Марий комсомолын Олык Ипай лӱмеш премийын лауреатше (1968). "Акпатыр" лӱман икымше марий оперым возен.

Калык пале

Шнуй Алексейын кечыже. Тиде кечын кол кочкышым ямдыленыт. Шошым ÿдышаш нöшмым икмыняр жаплан кудывечыш луктыныт: тыге тудо вийым пога, манын ÿшаненыт.

	25 пургыж Викиклатыште?