Иргэний болон улс төрийн эрхийн тухай олон улсын пакт
Энэхүү пакт нь хүний амьд явах, эрх чөлөөтэй байх, халдашгүй дархан байх, чөлөөтэй бодож сэтгэх, шашин шүтэх, эс шүтэх, үзэл бодлоо чөлөөтэй илэрхийлэх, үг хэлэх, эвлэлдэн нэгдэх, улсаа удирдахад шууд буюу чөлөөтэй сонгосон төлөөлөгчөөрөө уламжлан оролцох, сайн дурын үндсэн дээр гэрлэх, өрх тусгаарлах, өмчтэй байх, хүн бүр хуулийн өмнө адил тэгш хамгаалуулах, улсынхаа дотор чөлөөтэй зорчих, амьдран суух газраа чөлөөтэй сонгох зэрэг иргэний болон улс төрийн суурь эрхүүдийг багтаасан хүний эрхийн баримт бичиг юм[1].
Иргэний болон улс төрийн эрхийн тухай олон улсын гэрээ буюу пакт нь 6 хэсэг 53 зүйлтэй бөгөөд 1966 оны 12 сарын 16-ны өдөр батлагдан 1976 оны 3 сарын 23-ны өдрөөс хүчин төгөлдөр болсон. Энэхүү гэрээ нь Хүний эрхийн түгээмэл тунхаглалд жагсаасан эрхүүдээс иргэний болон улс төрийн эрхүүдийг баталгаажуулснаараа онцлог юм. НҮБ-аас энэхүү гэрээг хэрэгжүүлэхийн тулд иргэний болон улс төрийн эрхийн хороог байгуулсан.[2]
Үндсэн агуулга:
Бүх ард түмэн өөрөө засан тохинох эрхтэй
Улс төрийн статусаа чөлөөтэй тогтоож, эдийн засаг, нийгэм соёлоо чөлөөтэй хөгжүүлэх эрхтэй
Хүн бүр амьд явах салшгүй эрхтэй
Хүн бүр эрх чөлөөтэй, халдашгүй дархан байх эрхтэй
Хүн бүр санаа бодлоо чөлөөтэй илэрхийлэх эрхтэй
Хүн бүр бусадтай эвлэлдэн нэгдэх, өөрийн эрх ашгийг хамгаалах, эвлэл байгуулах буюу түүнд элсэх эрхтэй
Бүх хүн хуулийн өмнө тэгш байх бөгөөд аливаа алагчлалгүйгээр хуулиар тэгш хамгаалуулах эрхтэй
Хэнийг ч эрүүдэн шүүх, хүнлэг бус харьцахгүй байх
Боолчлол, албадан хөдөлмөрөөс ангид байх зэрэг эрхүүдийг тусгаж өгсөн[3].
- ↑ https://nli.gov.mn/%D0%B8%D1%80%D0%B3%D1%8D%D0%BD%D0%B8%D0%B9-%D0%B1%D0%BE%D0%BB%D0%BE%D0%BD-%D1%83%D0%BB%D1%81-%D1%82%D3%A9%D1%80%D0%B8%D0%B9%D0%BD-%D1%8D%D1%80%D1%85%D0%B8%D0%B9%D0%BD-%D1%82%D1%83%D1%85%D0%B0%D0%B9/.
{{cite web}}: Missing or empty|title=(help) - ↑ https://nli.gov.mn/%D0%B8%D1%80%D0%B3%D1%8D%D0%BD%D0%B8%D0%B9-%D0%B1%D0%BE%D0%BB%D0%BE%D0%BD-%D1%83%D0%BB%D1%81-%D1%82%D3%A9%D1%80%D0%B8%D0%B9%D0%BD-%D1%8D%D1%80%D1%85%D0%B8%D0%B9%D0%BD-%D1%82%D1%83%D1%85%D0%B0%D0%B9/.
{{cite web}}: Missing or empty|title=(help) - ↑ https://nli.gov.mn/%D0%B8%D1%80%D0%B3%D1%8D%D0%BD%D0%B8%D0%B9-%D0%B1%D0%BE%D0%BB%D0%BE%D0%BD-%D1%83%D0%BB%D1%81-%D1%82%D3%A9%D1%80%D0%B8%D0%B9%D0%BD-%D1%8D%D1%80%D1%85%D0%B8%D0%B9%D0%BD-%D1%82%D1%83%D1%85%D0%B0%D0%B9/.
{{cite web}}: Missing or empty|title=(help)