Sjuderaans

Sjuderaans (ôflaaiden van t Franse jus d'orange) of appelsienensap is sap van n appelsien. t Sap zit ien t vruchtvlais en wordt der deur persen oethoalen. Vrizze sjuderaans smôkt over t aalgemain zoer en n tipke zuiteg. De grootste oetvouerende landen wat sjuderaans aangaait, binnen Brazielje, vôlgd deur de Verainde Stoaten en Spanje. Veur vervouer wordt maisttieds n dail van t woater oet t sap verdaampt zodat n konsìntroat ontstaait, dat op stee woar of t noar tou mout weer aandund wordt. Sjuderaans is populèr bie t mörnseten en staait bekend om zien grote houveulhaid vitamine C.

Leegsaksisch

Achterhooks: sjuderans
Grunnegs: sjuderaans, appelsienensap
Veluws: sjuderans, sin(n)esappelsap