University of Utah

Kingsbury Hall

De University of Utah (ok The U, U of U oder UU nöömt) is en staatliche Universität in Salt Lake City in‘n US-Bundsstaat Utah. To Tiet sünd dor um de 29.000 Studenten inschreeven. De Hoochschool is besünners bekannt för hör Forschung un Lehre in den Berieken Informatik, Medizin un Populatschonsbiologie. Dat University of Utah Medical Center kreeg 1983 weltwiet Bekanntheit, as Barney Clark – en Kuusendokter ut Seattle – dat eerste Kunsthart inplant wurr, mit dat he 122 Daag leevt hett.

Geschichte

De Universität wurr an’n 28. Februar 1850 vun Brigham Young, den Propheten vun de Kark Jesu Christi de Hilligen vun de Letzt Daag („Mormonen“) grünnd, dormals ünner de Naam University of Deseret. Twee Johr later weer dat Geld verbruukt un de Hoochschool muss dicht maaken. 1867 wurr se as Hannelshoochschool weer apen maakt un kreeg 1894 den jetzigen Naam. Siet 1900 befinnd sück de Campus twee Mielen östlich vun de Binnenstadt.

De University of Utah nehm 1969 an dat Arpanet deel, en Vörlöper vun dat hüdige Internet. Dormit hörrt se tosommen mit dree anner Forschungsinrichtungen to de eerst veer Deelnehmer, de mit Internet-Technologie mitnanner verbunnen wurrn.

Organisatschoon

Fakultäten un Studiengänge

• Architektur un Planung
• Bargbau un Geowetenschapen
• Ethnische Studien
• Geisteswetenschapen
• Gender Studies
• Ingenieurwesen
• Technische Informatik (Computational Engineering and Science)
• Naturwetenschapen
• Pädagogik
• Rechtswetenschapen (SJ Quinley College of Law)
• Kunst
• Soziale Deenste
• Umweltstudien
• Wertschaftswetenschapen (David Eccles School of Business)
• Honors Programs

Wetenschapliche Inrichtungen

• Center for Excellence in Nuclear Technology
• Energy and Geoscience
• Institute for Combustion and Energy Studies
• Institute of Public and International Affairs
• Scientific Computing and Imaging Institute

Tosatzutbillen

• Programm Data Center Management

Athletikafdeelen

De Sportteams vun de Universität wurrn Utah Utes nöömt. De Hoochschool is Liddmaat vun de Pacific-12 Conference. Dat gifft en Rivalität mit de ebenfalls in Utah to Huus ween Brigham Young University.

Up den Campus weer wiels de Olympisch Winterspelen 2002 dat olympisch Dörp ünnerbrocht, ok de Anfangs- un Slusszeremonie funn dor statt. .

Persönlichkeiten

• Andrew Bogut – austraalsch Basketballspeler in de NBA
• Nolan Bushnell – Grünner vun Atari
• Edwin Catmull – Informatiker, Grünner vun Pixar un Turing-Priesdräger
• Mario Renato Capecchi – Molekulargenetiker, Nobelpriesdräger för Medizin 2007 för dat Opdecken vun de Knockout-Müüs
• Tom Chambers – ehmalger Basketballspeler (NBA-All-Star)
• Brett Clark – Sozioloog
• James Henry Clark – Grünner vun Silicon Graphics
• John Calvin Giddings – amerikaansch Physikochemiker, Entwickler vun verscheeden theoretischer Modelle to de Chromatographie un Utfinner vun de Feld-Fluss-Fraktschoneeren
• Henri Gouraud (Informatiker) – Utfinner vun de as Gouraud-Shading nömmt computergrafisch Dorstellensverfohren
• David Oman McKay – ehmalige Präsident vun de Kark Jesu Christi de Hilligen vun de Letzt Daag („Mormonen“)
• Andre Miller – Basketballspeler
• Hanno Möttölä – finnisch Basketballspeler
• Steve Nichols – ehmalger Rennwagen-Konstrukteur bi de Formel 1
• Bùi Tường Phong – Utfinner vun dat as Phong-Shading nöömt computergrafisch Dorstellensverfohren (Henwies: ofschons 'Bùi' eegentlich de Familiennaam is, hier as begäng insorteert.)
• Jakob Pöltl – öösterrieksch Basketballspeler in de NBA
• George Seifert – American-Football-Trainer
• Derrick Shelby – American-Football-Speler
• Paul Soliai – American-Football-Speler
• Mac Speedie – American-Football-Speler un -Trainer
• Ivan Edward Sutherland – en Pionier vun de Computergrafik, Utfinner vun Sketchpad, en vun de eerst computergrafischen Systeme. Mitgrünner vun dat Ünnernehmen „Evans and Sutherland“ tosommen mit David Cannon Evans (ebenso vun de University of Utah), spezialiseert up Computergrafik-Systeme as ok visuelle Systeme för Floog- un Fohr-Simulatoren
• Keith Van Horn – ehmalger Basketballspeler
• Tom Wallisch – professioneller Freeskier
• Larry Wilson – American-Football-Speler, -Trainer un -Funktschonär

Weblinks

University of Utah. Mehr Biller, Videos oder Audiodateien to’t Thema gifft dat bi Wikimedia Commons.

• Website vun de University of Utah (Engelsch). Afropen an’n 20. Juni 2013.