Logicial liure
Lo logicial liure (var. logiciau liure) se referís al logicial que se pòt distribuir, utilizar e modificar liurament.
En general, se pòt dire qu'un programa es liure se permet çò que sèc :
- La libertat d'executar lo programa per quina intencion que siá (libertat 0).
- La libertat de veire cossí fonciona lo programa e de l'adaptar a las necessitats pròprias (libertat 1). L'accès al còde es una condicion essenciala.
- La libertat de redistribuir de còpias (libertat 2)
- La libertat de melhorar lo programa e de lo tornar distribuir amb los melhoraments realizats, per que tota la comunautat ne pòsca beneficiar (libertat 3). Coma la libertat 1, l'accès al còde es una condicion essenciala.
