Taxi
| Supkategoria di | commercial vehicle, vehicle, land transport  |
|---|---|
| Has use | taxi service |
| Faseta di | urban and regional transportation, non-scheduled transport |
| Nòmber duná di | taximeter |
| Used by | taxi driver |
| Model item | autorickshaw, share taxi |
| Simbolo Unicode | 🚕, 🚖 |
Un taxi ta un medio di transporte cu chauffeur cu ta transporta un of mas pasahero riba demanda na un ora y ruta desea pa e pasahero. E ta un forma di transporte publico cu hopi ciudad tin. Contrario na mayoria di e otro tipo di transporte publico, manera un bus, tram of trein, hende ta uza taxi pa subi y baha unda nan kier y sin tin parada na caminda. E servicio di transporte aki ta basa riba un tarifa fiho pa unidad di distancia of un tarifa pre-acorda.
Historia y etimologia
[editá | editá fuente]E prome sistema di tipo di taxi a cuminsa na Paris y London na cuminsamento di siglo 17. Esakinan tabata garoshinan cu tabata wordo hala pa careta y cu por a wordo di huur. E monarkianan cu tabata goberna e ciudadnan aki tabata controla e reglanan. Den siglo 19, e taxi di Hansom tabata wordo uza principalmente pa motibo di nan nivel di seguridad mas halto.
E invenshon di e taximeter na 1891 door di e aleman Wilhelm Bruhn a yuda establece e taxi moderno. E prome taxi moderno ekipa cu meter tabata e Daimler Victoria, construi pa Gottlieb Daimler na 1897. E mesun aña e prome compania di taxi motorisa a cuminsa opera na Stuttgart.
E término taxi ta un version corto di e palabra Frances taximètre, cu ta nifica midi un belasting òf tarifa.[1][2][3]
Descripcion
[editá | editá fuente]Tur medio di transporte cu por wordo considera rond mundo ta wordo uza como un taxi na un grado mas of menos hopi. Algun tipo di taxi segun medio di transporte ta taxi di helicopter, taxi di awa, taxi di vehiculo motorisa, taxi di motorcycle y scooter, taxi di bicicleta, cabai y garoshi. Na Europa, Merca y Karibe Hulandes, por ehempel, e palabra taxi por lo general ta referi na e transporte di hende cu auto of vehiculo di pasahero, pero un limousine, van of bus di pasahero tambe por wordo uza pa transporte regular di taxi.
E ‘taxi’ regular ta referi na un taxi cu a wordo bestel pa un hende (por ehempel via telefon). Un taxi riba caya por lo general ta referi specificamente na un vehíkulo di taxi cu por wordo para riba caya of cu ta disponibel na un taxistandplaats, p.e. na terminal di aeropuerto of waf crucero, station di trein y hotel. Ademas, taxi por wordo uza a base di ‘contracto’ door di, por ehempel, institucionnan (di cuido di salud), gobierno, shuttle di aeropuerto, VIP of otro clientenan di negoshi.
Tin pais cu conoce dos categoria di taxi: un categoria cu ta transporta un of varios persona cu conoce otro y e otro categoria ta transporta varios persona aunke nan no conoce otro (esaki ta yama deeltaxi na Hulandes y ridesharing na Ingles). E prome categoria ta pa personanan cu no kier core den auto cu un hende cu nan no conoce y pa e di dos categoria esey no ta haci diferencia.
Regulacion
[editá | editá fuente]
Den mayoria ciudad grandi y otro luga rond mundo, e profesion di chauffeur di taxi ta estrictamente regula. Pa praktica esaki, mester a pasa un examen profesional ku exito, cu ta masomenos dificil dependiendo di e pais of ciudad. Tambe mester tin un vehíkulo autorisa. E permit aki ta wordo otorga solamente na vehiculonan cu tin cierto caracteristica (manera tamaño, habilidad of color) y cu tin cierto ekipo obligatorio (manera un taximeter, un señal di lus, etc.). Den cierto pais e licencia ta wordo otorgá unabes cu a cumpli cu e condicionnan stipula, sinembargo na otro luganan manera New York, Fransia of Italia e cantidad di licencia ta limita. Na Aruba e cantidad ta fiha na maximo 465 licencia.[4] E regulacion di taxi na Aruba, Corsou y Sint Maarten ta stipula den e Ordenansa pa transporte di persona (Landsverordening personenvervoer) di e respectivo hurisdiccion.
_(3).jpg)
Na varios pais ta rekeri cu e taxi mester ta facilmente reconocibel pa e cliente, hasta riba distancianan largo. Pa esaki e autonan ta wordo ekipa cu un color specifico y/of un indicador riba e dak. Ehempelnan ta London unda e vehiculonan ta generalmente pretu y na New York geel. Un situacion special ta na Hong Kong, caminda autonan di transporte publico tin tres diferente color: cora, berde y blauw, dependiendo di e área di e teritorio cu nan ta sirbi. Riba e islanan den Caribe Hulandes un taxi por wordo reconoce door di e letternan TX of TAXI den e plachi di number. Tin biaha esaki ta wordo suplementa cu un lus di taxi riba e dak di e vehiculo.
Fuente, nota i/òf referensia
|