Alba

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Alba     Stat: Italia Provincia: Provincia ëd Coni Nòm 'n italian: Alba Coordinà: Latitudin: 44° 42′ 3′′ N Longitudin: 8° 2′ 9′′ E Autëssa: 172 m s.l.m. Surfassa: 53,59 km² Abitant: 31.506 (31-12-2018) Frassion comunaj: Altavila, An Com, Bijin, Gal d'Alba, Misòt, Scaparon, San Cassan, San Ròch Sinadèira, San Ròch 'd ra Cherasca, Santa Rosalìa  Comun dj'anviron: Barbarèsch, Benevel, Bërgomà, Castion Falèt, Cornian, Dian, Grinzane, Guaren-e, La Mora, Montisel, Nèive, Piobs, Ròd, Seralonga d'Alba, Trèis, Trés CAP: 12051 Prefiss tel.: 0173 Còdes ÌSTAT: 004003 Còdes fiscal: A124  Nòm dj'abitant: Albèis  Festa dël borgh: 10 d'ost  Sit istitussional Alba (an dialèt langareul Arba) a l’é un comun ëd 31.506 abitant dla provincia ëd Coni. Stòria Le rèis d'Alba a fongo ant ël Neolìtich, 'me ch'a mostro vàire atrovament archeològich ch'a testimònio la presensa ant tuta la zòna 'd na popolassion ch'a vivìa dla coltivassion dla tèra e ëd cassa. An época roman-a, Alba a l'era un dij munissipi roman pì amportant, ciamà a parte da l'89 aGC Alba Pompeia, an onor dël cónsol Pompeo Strabon. Columela a scriv che ij formagg dla val Tani a vnisìo esportà a Roma e Polibio, Enòbio, Plinio e Strabon a parlo dij vin, dzortut pròpe da 'nt la region d'Alba. Dël 1628 a l'é dventà possidiment dij Savòja. Produssion tìpiche Antra le produssion tìpiche d'Alba a-i son le ninsòle e la trìfola bianca. Edifissi amportant Catedral ëd san Lorens Cesa ëd santa Marìa Madlen-a Cesa ëd san Dumin-i Cesa dij sant Còsma e Damian Albèis famos Publio Elvio Pertinas (126-193), imperator roman Beppe Fenoglio (1922-1963), scritor Associassion Famija Albeisa, fondà dël 1955 Curiosità etimològiche Ël Dòm d'Alba Ëdcò la Scòssia, tant an Gaélich scossèis antich che modern, as ciama Alba (IPA: [ˈaɫəpə]). Con l'istess sust as dòvro ëdcò Alba an irlandèis, e Albu an vej gaèlich. Ës nòm-sì a ven da na veja paròla séltica che as dovrava për ciamé la Gran Brëtagna antrega, e che a l'é restà fin-a al dì d'ancheuj ant la costuma dë ciamela Albion. Ël nòm a l'é dovrasse antra le gent gaéliche për dì Ìsola Britànica fin-a anviron aj sécoj che a fan IX-X, quand a l'é passà a vorèj dì Règn dij Pictii e djë Scotii (nòm nativ Pictavia e Dál Riata). Ij doj règn a restavo a setentrion dël fium Forth e dla boca dël Clyde, e a-i ero stàit unificà da Cináed mac Ailpín. Na vira che ant l'Àuta età ëd mes a l'han latinisalo an Àlbania, sò nòm a l'ha peui daje adoss a vàire topònim anglèis e american ant la forma Albany. Aministrassion Ël sìndich a l'é Carlo Bo (dal 27/05/2019). Sità gemelà Alba a l'é gemelà con: Banská Bystrica, Slovachia Beausoleil, Fransa Böblingen, Gërmania Medford, Stat Unì d'América Vardé ëdcò Scaparon Anliure esterne Sit istitussional

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi