ISBN
ISBN — International Standard Book Number англ. — меджинародный штандартный код книгы, што ю еднозначно идентификуе, циже не може быти инша книга з такым кодом. Далше выданя той самой книгы мусить достати новый код ISBN (окрем додаточного наклада без жадных змѣн). То саме выданя в твердой обкладцѣ и в мягкой обкладцѣ мусять мати окремы коды ISBN. Таксамо полиграфичне и вебове выданя мусять быти з окремыма кодами. Коды ISBN были заведены в року 1970. Код ISBN мать быти умѣщеный на реверзѣ титулового листа в нижном лѣвом кутѣ, але може быти тыж еще дублованый инде.[1]
Бюрократична организация
[едітовати | едітовати жрідло]
Меджинародна агенция ISBN находить ся в Лондону:
- International ISBN Agency
- 48-49 Russell Square
- London
- WC1B 4JP
- UK
Кажда держава-участничка мать свою националну агенцию, котра веде регистрацию книг, выдавать коды ISBN и формуе потребны про то кодификаторы.
Штруктура кода ISBN
[едітовати | едітовати жрідло]До року 2007 коды были 10-циферны, од року 2007 суть 13-циферны. 13-циферный код ISBN е унификованый зоз смугокодом товара.
В 13-значном кодѣ первы три цифры суть 978 (зарезервованы суть еще 979). Тоты цифры не значать нич инше, лем то же товаром е книга. За тыма цифрами, оддѣлены од себе чарков, слѣдують четыры групы цифр, котры идентификують конкретне выданя.[1]
- Держава або языкова область: 0 и 1 — англоязычны краи, 2 — франкоязычны, 3 — нѣмецкоязычны, 4 — японскы, 5 — русскоязычны (дакоторы державы бывшого СССР, Россия), 7 — китайскы, 80 — Чехия и Словакия, 86 – Сербия, 600 — Иран, 953 — Хорватия, 966 — Украина, 985 — Бѣлорусь
- Выдавательство: выдаватель доставать код од националной агенции, а тот код мать тым менше цифер, чим векше е выдавательство
- Порядкове число книгы того выдавателя: про великы выдавательства мать веце цифер
- Контролна цифра: выраховуе ся про 13-цифровы коды а про 10-цифровы подля иншакых алгоритмох
Поужитя вариабилной довжкы кода в штруктурѣ (окрем контролной цифры, котра все лем едноцифрова) застачать добру приспособивость до потреб каждой державы-участничкы. Ту суть илустративны примѣры:[2]
| ISBN | Держава/ареал | Выдаватель |
|---|---|---|
| 99921-58-10-7 | Катар | NCCAH, Doha |
| 9971-5-0210-0 | Сингапур | World Scientific |
| 960-425-059-0 | Греция | Sigma Publications |
| 80-902734-1-6 | Чехия, Словакия | Taita Publishers |
| 1-84356-028-3 | Споене Кральовство | Simon Wallenberg Press |
| 0-684-84328-5 | Англоязычный | Scribner |
| 0-8044-2957-X | Англоязычный | Frederick Ungar |
| 0-85131-041-9 | Англоязычный | J. A. Allen & Co. |
| 0-943396-04-2 | Англоязычный | Willmann–Bell |
| 0-9752298-0-X | Англоязычный | KT Publishing |
Контролна цифра
[едітовати | едітовати жрідло]Про 13-цифровый код
[едітовати | едітовати жрідло]Напримѣр, ISBN-13 контролну цифру про 978-0-306-40615-? вырахуеме так:
s = 9×1 + 7×3 + 8×1 + 0×3 + 3×1 + 0×3 + 6×1 + 4×3 + 0×1 + 6×3 + 1×1 + 5×3 = 9 + 21 + 8 + 0 + 3 + 0 + 6 + 12 + 0 + 18 + 1 + 15 = 93 93 / 10 = 9 остаток 3 10 – 3 = 7 (контролна цифра доповнять суму так, жебы ся дѣлила на 10 без остатка)
Циже контролна цифра буде 7, а цѣлый 13-цифровый код ISBN 978-0-306-40615-7.
Про старый 10-цифровый код
[едітовати | едітовати жрідло]Кажда з цифер 10-циферного кода ISBN, злѣва направо мать вагу, спадаючу од 10 до 1. Множиме цифру на ей вагу, и складеме продукты. Резултат мать ся дѣлити без остатка на 11.
Напримѣр, контролну цифру ISBN-10 про код 0-306-40615-? вырахуеме так:
Додавши 2 ку 130 достанеме число, котре ся дѣлить без остатка на 11 (132 = 12 x 11) − лем тото число в диапазонѣ од 0 до 10 е валушне. Зато контролна цифра мать быти 2, а комплетный код ISBN 0-306-40615-2. Кедь е потребне додавати 10, жебы задоволити варунок дѣлѣня на 11 без остатка, тогды за контролну цифру пишуть 'X'.
Жерела и одказы
[едітовати | едітовати жрідло]- Bradley, Philip (1992). "Book numbering: The importance of the ISBN" (PDF). (245KB). The Indexer. 18 (1): 25–26. англ.
- ISBN. //New World Encyclopedia. англ.
- The International ISBN Agency англ.
Референции
[едітовати | едітовати жрідло]Тоты даны суть часточно або цалком основаны на перекладї статї International Standard Book Number на анґліцькій Вікіпедії.