ᱢᱩᱱᱰᱟᱨᱤ ᱵᱟᱱᱤ
| ᱢᱩᱱᱰᱟᱨᱤ ᱵᱟᱱᱤ 𞓧𞓟𞓨𞓜𞓕𞓣𞓚 𞓗𞓕𞓨𞓚 | |
|---|---|
 ᱢᱩᱱᱰᱟᱨᱤ ᱵᱟᱱᱤ ᱛᱮ 'ᱢᱩᱱᱰᱟᱨᱤ' ᱚᱞ | |
| ᱞᱮᱠᱟᱱ | Alphabet
|
| ᱯᱟᱹᱨᱥᱤ ᱠᱚ | ᱢᱩᱱᱰᱟᱨᱤ |
| ᱛᱮᱭᱟᱨᱤᱡ | ᱨᱳᱦᱤᱫᱟᱥ ᱥᱤᱝ ᱱᱟᱜᱽ |
| ᱛᱮᱭᱟᱨᱟᱠᱟᱱᱟ | ᱑᱙᱘᱒ |
ᱚᱠᱛᱚ ᱥᱤᱢᱟᱹ | ᱑᱙᱘᱒ ᱠᱷᱚᱱ ᱱᱤᱛ |
ᱥᱤᱨᱡᱚᱱ ᱦᱚᱨᱟ | ᱢᱩᱬ ᱥᱤᱨᱡᱚᱱᱤᱭᱟᱹ
|
ᱢᱩᱱᱰᱟᱨᱤ ᱵᱟᱱᱤ (ᱢᱩᱱᱰᱟᱨᱤ: 𞓗𞓕𞓨𞓚 ᱵᱟᱱᱤ 'ᱪᱤᱠᱤ', ᱢᱩᱱᱰᱟᱨᱤ ᱵᱟᱱᱤ ᱦᱤᱥᱤᱨ ᱦᱤᱥᱤᱨ 'ᱚᱞ', ᱥᱮ ᱢᱩᱱᱰᱟᱨᱤ ᱪᱤᱠᱤ ᱢᱮᱱᱛᱮ ᱦᱚᱸ ᱵᱟᱲᱟᱭᱚᱜᱼᱟ) ᱫᱚ ᱢᱩᱱᱰᱟᱨᱤ ᱯᱟᱹᱨᱥᱤ ᱨᱮᱭᱟᱜ ᱟᱯᱱᱟᱨ ᱪᱤᱠᱤ ᱠᱟᱱᱟ ᱾ ᱢᱩᱱᱰᱟᱨᱤ ᱫᱚ ᱢᱤᱫ ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤ ᱠᱟᱱᱟ ᱾ ᱢᱩᱱᱰᱟᱨᱤ ᱵᱟᱱᱤ ᱨᱮ ᱒᱗ ᱜᱚᱴᱟᱱ ᱢᱩᱬ ᱪᱤᱠᱤ ᱟᱨ ᱢᱚᱬᱮ ᱜᱚᱴᱟᱱ ᱡᱟᱯᱟᱜ ᱪᱤᱠᱤ ᱢᱮᱱᱟᱜᱼᱟ ᱾ ᱚᱞ ᱪᱤᱠᱤ ᱞᱮᱠᱟ ᱢᱩᱱᱰᱟᱨᱤ ᱵᱟᱱᱤ ᱦᱚᱸ ᱯᱨᱟᱠᱨᱩᱛᱤᱠ ᱱᱤᱨᱚᱲ ᱪᱤᱠᱤ ᱠᱟᱱᱟ ᱾ ᱢᱮᱱᱫᱚ ᱱᱚᱣᱟ ᱪᱤᱠᱤ ᱨᱮᱭᱟᱜ ᱨᱩᱯ ᱫᱚ ᱥᱟᱪᱟᱨᱦᱮ ᱠᱷᱚᱱ ᱧᱟᱢ ᱟᱠᱟᱱᱟ ᱾
ᱱᱚᱣᱟ ᱪᱤᱠᱤ ᱫᱚ ᱞᱮᱸᱜᱟ ᱠᱷᱚᱱ ᱡᱚᱡᱚᱢ ᱥᱮᱫ ᱠᱚ ᱚᱞᱟ ᱾ ᱥᱟᱶᱛᱟ ᱨᱮᱱ ᱟᱹᱜᱩᱣᱟᱹᱱ ᱟᱨ ᱚᱱᱚᱞᱤᱭᱟᱹ ᱨᱳᱦᱤᱫᱟᱥ ᱥᱤᱝ ᱱᱟᱜᱽ ᱑᱙᱘᱐ ᱥᱮᱨᱢᱟ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱢᱩᱱᱰᱟᱨᱤ ᱚᱞ ᱛᱚᱦᱚᱨ ᱢᱩᱱᱰᱟᱨᱤ ᱵᱟᱱᱤ ᱮ ᱛᱮᱭᱟᱨ ᱟᱨ ᱩᱪᱷᱟᱹᱱ ᱞᱮᱫᱟ ᱾ ᱱᱟᱦᱟᱜ ᱫᱤᱱ ᱨᱮ ᱱᱚᱣᱟ ᱨᱮᱭᱟᱜ ᱵᱮᱵᱷᱟᱨ ᱠᱚᱢ ᱜᱮ ᱨᱮᱦᱚᱸ ᱥᱟᱶᱦᱮᱫ, ᱥᱮᱪᱮᱫ ᱟᱨ ᱠᱚᱢᱯᱤᱭᱩᱴᱤᱝ ᱠᱚᱨᱮ ᱱᱚᱣᱟ ᱨᱮᱭᱟᱜ ᱵᱮᱵᱷᱟᱨ ᱰᱷᱮᱨ ᱪᱟᱞᱟᱜ ᱠᱟᱱᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱔᱙ ᱥᱮᱨᱢᱟ ᱜᱨᱮᱰ ᱥᱠᱩᱞ ᱨᱮ ᱯᱟᱲᱦᱟᱣ ᱚᱠᱛᱚ ᱨᱳᱦᱤᱫᱟᱥ ᱥᱤᱝ ᱱᱟᱜᱽ ᱢᱩᱱᱰᱟᱨᱤ ᱵᱟᱱᱤ ᱨᱮᱭᱟᱜ ᱮᱛᱚᱦᱚᱵ ᱪᱤᱛᱟᱹᱨ ᱠᱚᱸᱭ ᱰᱤᱡᱟᱭᱤᱱ ᱞᱮᱫᱟ, ᱡᱟᱦᱟᱸ ᱫᱚ ᱩᱱᱤ ᱚᱱᱟ ᱠᱚ ᱦᱟᱥᱟ ᱛᱮ ᱵᱷᱤᱛ ᱠᱚᱨᱮᱭ ᱚᱞ ᱵᱟᱲᱟᱭᱮᱫ ᱛᱟᱸᱦᱮᱱᱟ ᱾[᱑][᱒] ᱑᱙᱕᱓ ᱦᱟᱹᱵᱤᱫ ᱛᱮ ᱩᱱᱤ ᱓᱕ ᱜᱚᱴᱟᱱ ᱪᱤᱠᱤ ᱨᱮᱭᱟᱜ ᱢᱤᱫ ᱥᱮᱴ ᱮ ᱛᱮᱭᱟᱨ ᱥᱟᱹᱛ ᱞᱮᱫᱟ ᱾ ᱩᱱᱤ ᱑᱙᱘᱐ ᱦᱟᱹᱵᱤᱫ ᱚᱱᱟ ᱫᱚ ᱟᱨᱦᱚᱸ ᱟᱹᱨᱩᱯᱷᱮᱨᱟᱣ ᱟᱨ ᱥᱚᱡᱷᱮ ᱧᱚᱜ ᱠᱟᱛᱮ ᱒᱗ ᱜᱚᱴᱟᱱ ᱪᱤᱠᱤ ᱨᱮᱭ ᱠᱚᱢ ᱟᱹᱜᱩ ᱞᱮᱫᱟ ᱾ ᱒᱐᱐᱘ ᱥᱮᱨᱢᱟ ᱨᱮ, ᱵᱷᱟᱨᱚᱛ ᱢᱩᱱᱰᱟ ᱥᱚᱢᱟᱡᱽ, ᱢᱩᱱᱰᱟ ᱥᱚᱢᱟᱡᱽ ᱥᱟᱱᱣᱟᱨ ᱡᱟᱢᱫᱟ ᱟᱨ ᱱᱟᱜᱽ ᱫᱚ ᱱᱚᱣᱟ ᱪᱤᱠᱤ ᱨᱮᱭᱟᱜ ᱥᱴᱟᱭᱤᱞ ᱟᱹᱨᱩᱯᱷᱮᱨᱟᱣ ᱟᱨ ᱜᱞᱤᱯᱷ ᱥᱮᱞᱮᱫ ᱠᱟᱛᱮ ᱠᱚ ᱩᱛᱷᱱᱟᱹᱣ ᱟᱠᱟᱫᱟ ᱾ ᱩᱱ ᱠᱷᱚᱱ ᱜᱮ, ᱱᱚᱣᱟ ᱢᱟᱱᱚᱠ ᱵᱮᱵᱷᱟᱨ ᱠᱟᱛᱮ ᱯᱷᱚᱱᱴ ᱠᱚ ᱛᱮᱭᱟᱨ ᱦᱩᱭᱟᱠᱟᱱᱟ ᱾
ᱨᱳᱦᱤᱫᱟᱥ ᱥᱤᱝ ᱱᱟᱜᱽ ᱑᱙᱘᱐ ᱥᱮᱨᱢᱟ ᱨᱮ, ᱩᱱ ᱚᱠᱛᱚ ᱳᱰᱤᱥᱟ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱡᱟᱱᱚᱠᱤ ᱵᱚᱞᱞᱚᱵᱷ ᱯᱚᱴᱱᱟᱭᱮᱠ ᱴᱷᱮᱱ ᱱᱚᱣᱟ ᱪᱤᱠᱤ ᱮ ᱥᱚᱫᱚᱨ ᱞᱮᱫᱟ ᱟᱨ ᱥᱚᱝᱵᱤᱫᱷᱟᱱᱤᱭᱟᱹ ᱞᱮᱠᱟᱛᱮ ᱢᱩᱱᱰᱟᱨᱤ ᱯᱟᱹᱨᱥᱤ ᱨᱮᱭᱟᱜ ᱢᱟᱹᱱ ᱮᱢ ᱞᱟᱹᱜᱤᱫ ᱢᱤᱫ ᱱᱮᱦᱚᱨ ᱥᱟᱠᱟᱢ ᱮ ᱫᱟᱞ ᱟᱫᱮ ᱛᱟᱦᱮᱸᱱᱟ ᱾ ᱑᱙᱙᱐ ᱥᱮᱨᱢᱟ ᱨᱮ ᱮᱴᱟᱜ ᱦᱚᱲ ᱠᱚ ᱥᱟᱞᱟᱜ ᱱᱟᱜᱽ ᱟᱨᱦᱚᱸ ᱩᱱ ᱚᱠᱛᱚ ᱨᱮᱱ ᱫᱤᱥᱚᱢ ᱜᱚᱢᱠᱮ ᱴᱷᱮᱱ ᱥᱚᱝᱵᱤᱫᱷᱟᱱᱤᱭᱟᱹ ᱢᱟᱹᱱ ᱮᱢ ᱨᱮᱭᱟᱜ ᱟᱹᱨᱡᱤ ᱥᱟᱠᱟᱢ ᱮ ᱪᱟᱞ ᱞᱮᱫᱟ ᱾ ᱢᱚᱭᱩᱨᱵᱷᱚᱸᱡᱽ ᱨᱮᱭᱟᱜ ᱯᱳᱰᱟ ᱟᱥᱴᱤᱭᱟ ᱨᱮ ᱢᱮᱱᱟᱜ "ᱢᱩᱱᱰᱟᱨᱤ ᱥᱚᱢᱟᱡᱽ ᱥᱟᱱᱣᱟᱨ ᱡᱟᱢᱫᱟ" ᱢᱤᱫ ᱥᱟᱶᱛᱟᱠᱤᱭᱟᱹ ᱜᱟᱶᱛᱟ, ᱢᱩᱱᱰᱟᱨᱤ ᱯᱟᱹᱨᱥᱤ ᱥᱤᱧᱚᱛᱤᱭᱟᱹ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞᱟᱱ ᱛᱷᱚᱠ ᱥᱮᱞᱮᱫ ᱚᱪᱚᱭ, ᱵᱷᱟᱨᱚᱛ ᱡᱟᱠᱟᱛ ᱨᱮᱰᱤᱭᱳ ᱦᱚᱛᱮᱛᱮ ᱢᱩᱱᱰᱟᱨᱤ ᱯᱟᱹᱨᱥᱤ ᱩᱪᱷᱟᱹᱱ ᱟᱨ ᱚᱞ ᱛᱚᱦᱚᱨ ᱟᱨ ᱥᱟᱶᱦᱮᱫ ᱪᱮᱛᱟᱱ ᱞᱟᱯᱷᱟᱝ ᱥᱮᱪᱮᱫ ᱞᱟᱹᱜᱤᱫ ᱢᱟᱦᱟᱨᱟᱡᱟ ᱥᱨᱤᱨᱟᱢ ᱪᱟᱸᱫᱽᱨᱚ ᱵᱷᱚᱧ ᱫᱮᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱤᱫ ᱢᱩᱱᱰᱟᱨᱤ ᱯᱟᱹᱨᱥᱤ ᱵᱤᱵᱷᱟᱜᱽ ᱛᱷᱟᱯᱚᱱ ᱨᱮᱭᱟᱜ ᱮ ᱫᱟᱹᱵᱤ ᱟᱹᱜᱩᱭᱮᱫ ᱠᱟᱱᱟ ᱾[᱓] ᱱᱟᱦᱟᱜ ᱫᱤᱱ ᱨᱮ ᱱᱚᱣᱟ ᱨᱮᱭᱟᱜ ᱵᱮᱵᱷᱟᱨ ᱠᱚᱢ ᱜᱮ ᱨᱮᱦᱚᱸ ᱥᱟᱶᱦᱮᱫ, ᱥᱮᱪᱮᱫ ᱟᱨ ᱠᱚᱢᱯᱤᱭᱩᱴᱤᱝ ᱠᱚᱨᱮ ᱱᱚᱣᱟ ᱨᱮᱭᱟᱜ ᱵᱮᱵᱷᱟᱨ ᱰᱷᱮᱨ ᱪᱟᱞᱟᱜ ᱠᱟᱱᱟ ᱾
ᱪᱤᱠᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱘ ᱨᱮᱭᱟᱜ ᱟᱹᱨᱩ ᱛᱟᱭᱚᱢ, ᱢᱩᱱᱰᱟᱨᱤ ᱵᱟᱱᱤ ᱨᱮ ᱒᱗ ᱜᱚᱴᱟᱱ ᱢᱩᱬ ᱪᱤᱠᱤ, ᱢᱚᱬᱮ ᱜᱚᱴᱟᱱ ᱡᱟᱯᱟᱜ ᱪᱤᱠᱤ ᱟᱨ ᱜᱮᱞ ᱜᱚᱴᱟᱱ (ᱰᱮᱥᱤᱢᱮᱞ) ᱮᱞ ᱢᱮᱱᱟᱜᱼᱟ ᱾ ᱱᱚᱣᱟ ᱠᱚ ᱨᱮᱭᱟᱜ ᱧᱩᱛᱩᱢ ᱫᱚ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱧᱩᱛᱩᱢ ᱟᱠᱟᱱᱟ ᱾ ᱱᱚᱣᱟ ᱨᱮ ᱪᱤᱠᱷᱱᱟᱹ (ᱡᱮᱞᱮᱠᱟ - ᱠᱮᱪᱮᱫ, ᱛᱮᱨᱪᱷᱟ) ᱠᱚ ᱫᱚ ᱞᱟᱛᱤᱱ ᱟᱨ ᱚᱞ ᱪᱤᱠᱤ ᱞᱮᱠᱟ ᱜᱮ ᱵᱮᱵᱷᱟᱨᱚᱜᱼᱟ ᱾[᱒] ᱱᱚᱣᱟ ᱫᱚ version ᱑᱕.᱐ ᱨᱮ ᱭᱩᱱᱤᱠᱳᱰ ᱨᱮ ᱥᱮᱞᱮᱫ ᱦᱩᱭ ᱟᱠᱟᱱᱟ᱾[᱔]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱟᱢᱟᱜ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱵᱟᱵᱚᱛ ᱵᱟᱲᱟᱭ ᱢᱮ. Arihant Experts. 22 August 2019. p. 272. ISBN 9789313198017.
- ↑ ᱒.᱐ ᱒.᱑ Wolf-Sonkin, Lawrence; Mandal, Biswajit (8 January 2021). "Proposal to Encode the Mundari Bani Script in the Universal Character Set" (pdf). Retrieved 10 May 2021.
- ↑ "page no.96, Adivasi, A Journal of Scheduled Castes & Scheduled Tribes Research and Training Institute (SCSTRTI)" (PDF). Archived from the original (PDF) on 8 November 2016.
- ↑ "Unicode® 15.0.0". Unicode Consortium. 2022-09-13. Retrieved 2022-09-13.