Indien

Republic of India भारत गणराज्य Bhārat Ganarājya Flaage Woapen Woalspruch: Satyamēva Jayatē (Sanskrit: Juu Weerhaid sieget alleenich) Nationoalhymne: Jana-Gana-Mana Amtssproake Hindi, Ängelsk, un 17 uur Nationoale Toale Haudstääd New Delhi Stoatsfoarm Parlamentariske Buundesrepublik Gebiet Fläche % Woater 3.287.590 km² 9,5­% Ienwoonere (2016) 1.293.057.000 Munte Rupee (INR) Tiedzone UTC +5:30 Fierdai 26. Januoar Loundkode IND TLD .in Telefonfoarwoal 91

Indien is n groot Lound in Suud-Asien an dän Indiske Ozeoan. Ju Haudstääd is New Delhi un die Präsident fon ju Republik is siet 2007 Pratibha Patil.

Geographie

Loage

Indien wäd begränsed fon

• China, Nepal un Bhutan in dät Noude;
• Birma, Bangladesch un die Golf fon Bengalen in dät Aaste;
• Sri Lanka in dät Suudaaste;
• die Indiske Ozeoan un do Maledive in dät Suudwääste;
• ju Arabiske See in dät Wääste;
• Pakistan in dät Noudwääste.

Londskuppe

Die Bierich Kanchenjunga.

Indien is n groot Hoolichailound. Londskuppelk kon dät in träi Paate apdeeld wäide:

Dät Noude fon dät Lound lait in dät Himalayagebierge un sien Uutloopere Pamir un Karakorum un is deertruch gjucht biergich. Die Kanchenjunga mäd 8.598 Meter is die hoochste Punkt.

Fääre ätter dät Suude lääse do groote Flächen. Hier ferloope uk do groote Flusse, die Ganges un die Brahmaputra, do der uutloope in dät noudelke Eende fon dän Golf fon Bengalen. Truch disse Flusse is dät Gebiet gjucht fruchtboar.

In dät Wääste lait ju Tharwöiste un dät Suude n groot Hoochlound, die Dekkan. Dät Hoochlound lait twiske dän Golf fon Bengalen un ju Arabiske See. An bee Kaanten wäd dät Hoochlound begränsed fon Bierichriegen, do Aast- un Wääst-Ghats.

Dät Klimoa is subtropisk bit tropisk.

Geskichte

Indien is die grootste Deel fon ne natüürelke Eenhaid, uumsleeten fon dän Indiske Ozeoan un dän Himalaya. Deertruch is dät muugelk tou strieuwjen ätter n Riek, dät dät ganse Gebiet uumfoatet. Dät is oawers n gewaltich Gebiet un truch do Oustande waas sun Riek bolde nit instandetouhoolden. In ju Geskichte fon Indien sunt deeruum uk ferskeedene Rieke apkeemen, do der n groot Deel fon dät gebiet in Hounde hieden, man do der leeter wier uutnonner fällen.

Dät eerste Riek dät dät daach glukkede, dät ganse Gebiet twiske dät Gebierge un ju See ientouniemen, koom fon buuten: Groot-Britannien waas mäd dän Foutgong in ju Technik as Eerste instande, do groote Oustande tou bemästerjen un noom in dän Loop fon dät 19. Jierhunnert dät ganse Gebiet ien, wieroun nu Indien lait.

Mäd ju Äntstoundenge fon disse stoatkundige Eenhaid koom uk al fluks ne Bewäägenge ap, ju der strieuwde ätter n uunouhongigen Stoat. Dät Indien fon däälich wuud ap n 15. August 1947 uunouhongich fon Groot-Britannien.

Demographie

Befoulkengstichte

Befoukenge

Indien is bääte China dät Lound mäd ju grootste Befoulkenge fon de Waareld. In dit Lound bildje Sproake, Religion un dät Kastensystem ne wichtige Gruunde foar wäls Bestimmenge in de Sälskup. In dät Suude (Suud-Indien) woonje foarallen dunkelfaawige Draviden un in dät Noude stamme do Ljuude ou fon do ljoachter faawede Indo-Arier, do der leeter - sowät 3500 Jiere häär - in Indien ankoomen.

An n Ounfang fon dät 20. Jierhunnert hied Indien 250 Milllione Ienwoonere, wät sik bit nu ferfjouwerfooldiged häd. Ätter ju eepentelke Foulkställenge fon 2011 lieuwden in dät Lound 1.210.193.422 Ljuude.

Religion

Ganesjh in Aurangabad

Sträitenbewoonere fon Bombay

In Indien stuud ju Wääse fon ferskeedene Religione, wierunner Hinduismus, Buddhismus, Jainismus un Sikhismus. Uk die Islam häd n wichtigen Ienfloud häiwed ap ju Kultuur Indiens un deertou heert Indien, touhoope mäd Indonesien un Pakistan tou do Lounde mäd dän grootste Taal Moslems. Offiziell häd Indien neen Stoatsreligion un deeertruch is dät n sekuloar Lound.

Taal Anhongere fon Religione ätter ju Tällenge fon 2001:

Religion	Taal	%	Top 3 Stoate (%)
Hinduismus	827.578.868	80,5%	Himachal Pradesh, Chhattisgarh, Orissa
Islam	138.188.240	13,4%	Laccadiven, Jammu en Kasjmir, Assam
Kristendum	24.080.016	2,3%	Nagaland, Mizoram, Meghalaya
Sikhismus	19.215.730	1,9%	Punjab, Chandigarh, Haryana
Buddhismus	7.955.207	0,8%	Sikkim, Arunachal Pradesh, Mizoram
Jainismus	4.225.053	0,4%	Maharashtra, Delhi, Rajasthan
Uur Religione	6.639.626	0,6%	Arunachal Pradesh, Jharkhand, Meghalaya

Tou do uur Religione wáide reekend do Anhongere fon dän Zoroastrismus, dän Bahaí-Gloowe en it Juudendum. Ätter Skätsenge woonje uum 5.000 Juuden in Indien, do maaste in Bombay un deeruumetou.

Sproake

Do Sproakefamilien Indiens

In Indien wäide an Steeden fuul ferskeedene Sproaken boald. Ju wichtichste is dät Hindi, dät juust as dät oolde Sanskrit schrieuwen wäd in Devanagari-Skrift. Dät Hindi is ju eerste eepentelke Sproake, ju der fon ju federoale Behöörde tou ju Kommunikation ferwoand wäd. Un ju der beljoowed is in dät Geskäftslieuwend un in Glidstoaten, wier do nit Hindi baale. Buute Hindi häd Indien noch 21 uur eepentelke Sproaken un aal mädnunner rakt et deer 392 lieuwjende Sproaken.