iPhone құрылғысында NameDrop мүмкіндігін контакт ақпаратыңызды бөлісу үшін пайдалану
NameDrop функциясын жаңа контакт туралы ақпаратты жақын жердегі iPhone немесе Apple Watch құрылғысымен (Apple Watch Ultra, Apple Watch Series 7 және одан кейінгі құрылғылар және Apple Watch SE 2-буын) жылдам бөлісу үшін пайдалануыңызға болады.
Ескертпе: NameDrop мүмкіндігі тек жаңа контакт ақпаратын жіберу үшін жұмыс істейді. Бұрыннан бар ақпаратты жаңартуға қолдау көрсетпейді.
iPhone құрылғысында NameDrop мүмкіндігін пайдалану
iPhone құрылғыңыздың дисплейін басқа адамның iPhone немесе Apple Watch құрылғысына бірнеше сантиметр қашықтықта ұстаңыз.
Құрылғыларыңызды екі экранда да NameDrop пайда болғанша бір біріне жақын ұстап тұрыңыз.
Контакті картасын бөлісуді және басқа адамның картасын алуды немесе тек басқа адамның картасын алуды таңдаңыз.
Егер контакт картаңызды бөлісіп жатсаңыз,
түймесін түртіңіз, қосқыңыз келетін өрістерді таңдап, «Сақтау» түймесін түртіңіз. Бірдей өрістер келесіде NameDrop құралын қолданған кезде әдепкі бойынша таңдалады.Бас тарту үшін екі құрылғыны бір-бірінен алыстатыңыз немесе NameDrop тасымалы аяқталмастан бұрын iPhone құрылғыңызды құлыптаңыз.
iPhone құрылғысында NameDrop функциясын өшіру
NameDrop функциясы әдепкіде қосулы болады. NameDrop мүмкіндігін (және басқа Құрылғыларды бірге әкелу мүмкіндіктерін) өшіру үшін «Реттеулер» 
> «Жалпы» > AirDrop тармағына өтіңіз, одан кейін «Құрылғыларды бірге әкелу» параметрін өшіріңіз.