iPhone құрылғысында Apple Intelligence функциясымен Жазу құралдарын пайдалану
Apple Intelligence* функциясының көмегі арқылы «Жазу құралдары» қолданбасын жұмысыңызды тексеру, керек сөздер мен сарынды табуға көмектесу мақсатында бір мәтіннің бірнеше нұсқасын жасау, бөлектелген мәтінді жинақтау және жаңадан контент жасау үшін пайдалануыңызға болады. «Жазу құралдары» функциясын сіз жазатын көптеген жерде дерлік, соның ішінде үшінші тарап қолданбалары мен веб-сайттарында қолдануға болады.
Ескертпе: Apple Intelligence функциясын барлық iPhone 16 үлгісіндегі, iPhone 15 Pro және iPhone 15 Pro Max үлгілеріндегі iOS 18.1 немесе одан кейінгі жүйесінде пайдалануға болады. Егер сіз ЕО-да болсаңыз және Apple аккаунтыңыздың елі немесе аймағы да ЕО-да болса, Apple Intelligence функциясын iPhone және iPad құрылғыларында қолдану мүмкін болмайды. Apple Intelligence функциясының құрылғыңыз бен тіліңіз үшін қол жетімді екенін тексеру үшін Apple Intelligence талаптары атты Apple қолдау көрсету қызметінің мақаласын қараңыз.
Мәтінді оқып тексеру
Жазып жатқан кезде, өңдегіңіз келген мәтінді таңдап,
түймесін, одан кейін «Жазу құралдары» түймесін түртіңіз.Кеңес: Сондай-ақ пернетақтаның жоғарғы оң жақ бұрышындағы
түймесін түртуіңізге болады.«Түзету» түймесін түртіңіз.
Apple Intelligence мәтініңізде грамматикалық және емле қателері бар-жоғын тексереді. Өзгерістердің барлығының асты жылтырақ сызықпен сызылады.
Мына әрекеттердің кез келгенін орындаңыз:
Өзгерістерді және әр өзгерістің түсіндірмесін көру: Төменгі жақтағы
түймесін және 
түймесін түртіңіз.Өзгерісті жою: «Түпнұсқаны пайдалану» түймесін түртіңіз.
Мәтініңіздің жаңартылған нұсқасы мен түпнұсқасы арасында ауысу: «Түпнұсқа» түймесін түртіңіз.
Мәтініңіздің өзгертілмеген нұсқасына қайтару: «Қайтару» түймесін түртіңіз.
Аяқтаған кезде «Дайын» түймесін түртіңіз.
Мәтінді қайта жазу
«Жазу құралдары» функциясының көмегі арқылы оқу ыңғайлылығын қамтамасыз ету үшін жаңа ғана жазған мәтініңізді, мысалы, конспектіні немесе блог жазбасын қайта жазып шығуыңызға болады. Сондай-ақ жазған мәтініңіздің сарынын оқырмандарға және берілген тапсырмаға лайықтап реттеуіңізге болады.
Жазып жатқан кезде, өңдегіңіз келген мәтінді таңдап,
түймесін, одан кейін «Жазу құралдары» түймесін түртіңіз.Кеңес: Сондай-ақ пернетақтаның жоғарғы оң жақ бұрышындағы
түймесін түртуіңізге болады.Мына әрекеттердің кез келгенін орындаңыз:
Мәтінді қайта жазу: «Қайта жазу» түймесін түртіңіз.
Мәтінді белгілі бір сарында қайта жазу: «Қарапайым», «Кәсіби» немесе «Қысқа» опциясын түртіңіз.
Мәтінді сипаттама негізінде қайта жазу: «Өзгерісті сипаттау» түймесін түртіңіз, одан кейін сипаттаманы енгізіңіз, мысалы, «Make this more enthusiastic».
Мәтініңіздің қайта жазылған нұсқасы пайда болады.
Мына әрекеттердің кез келгенін орындаңыз:
Қайта жазу функциясын қайта қолданып көру: «Қайта жазу» түймесін түртіңіз. Болдырмау үшін
түймесін түртіңіз.Мәтініңіздің жаңартылған нұсқасы мен түпнұсқасы арасында ауысу: «Түпнұсқа» түймесін түртіңіз.
Мәтініңіздің өзгертілмеген нұсқасына қайтару: «Қайтару» түймесін түртіңіз.
Аяқтаған кезде «Дайын» түймесін түртіңіз.
Мәтінді жинақтау және ұйымдастыру
Мәтінді жазғаннан немесе оқығаннан кейін, Apple Intelligence арқылы қысқаша мазмұнын шығарып алуыңызға болады. Сондай-ақ жинақтаманы негізгі тұстары таңбаланған түрде көрсеткізуіңізге немесе түпнұсқа мәтінді тізімге немесе кестеге реттетіп алуыңызға болады.
Өңдегіңіз келген мәтінді таңдап,
түймесін, одан кейін «Жазу құралдары» түймесін түртіңіз.Кеңес: Сондай-ақ пернетақтаның жоғарғы оң жақ бұрышындағы
түймесін түртуіңізге болады.Мына әрекеттердің кез келгенін орындаңыз:
Мәтіннің қысқаша мазмұнын шығару: «Жинақтау» түймесін түртіңіз.
Мәтіннің негізгі тұстарының қысқаша мазмұнын шығару: «Негізгі тұстары» түймесін түртіңіз.
Түпнұсқа мәтінді тізімге реттеу: «Тізім» түймесін түртіңіз.
Түпнұсқа мәтінді кестеге реттеу: «Кесте» түймесін түртіңіз.
Мәтініңіздің қайта жазылған нұсқасы пайда болады.
Қысқаша мазмұнды қарағаннан кейін, мына әрекеттердің кез келгенін орындаңыз:
Қысқаша мазмұнды көшіріп алу: «Көшіру» түймесін түртіңіз.
Түпнұсқа мәтінді қысқаша мазмұнмен алмастыру: «Ауыстыру» түймесін түртіңіз.
Ескертпе: Бастапқы мәтін өңделмейтін болса, «Ауыстыру» опциясын қолдануға болмайды.
Қысқаша мазмұнды бөлісу: «Бөлісу» түймесін түртіңіз, одан кейін бір бөлісу опциясын таңдаңыз.
Мәтін жазу
iOS 18.2 немесе одан кейінгі жүйеде ChatGPT** кеңейтімін қоссаңыз, мәтінді «Жазу құралдары» қолданбасында құрастыра аласыз. ChatGPT чат-ботымен жұмысты бастау үшін Apple Intelligence функциясымен ChatGPT чат-ботын пайдалану бөлімін қараңыз.
Ескертпе: ChatGPT чат-ботын пайдалануға келісу үшін кемінде 13 жаста немесе еліңізде талап етілген ең аз жаста болуыңыз керек. Қосымша ақпарат алу үшін OpenAI жүйесін пайдалану шарттары бөлімін қараңыз.
Теру кезінде мәтін өрісін түртіңіз,
түймесін, одан кейін «Жазу құралдары» түймесін түртіңіз.Жоғары сырғытыңыз, одан кейін «Құрастыру» түймесін түртіңіз.
ChatGPT чат-ботының не жазғанын қалайтыныңызды сипаттаңыз—мысалы, «Сиқырлы әлемге барған қыздың көбелек болу жолында құртпен достасуы туралы ұйықтар алдындағы әңгіме».
түймесін түртіңіз.ChatGPT мәтінді сұрауыңыздың негізінде құрастырады.
Ескертпе: Сізден қосымша мәліметтерді қосу сұралуы мүмкін. Өрісті түртіп, жауабыңызды енгізіңіз, одан кейін «Жаңарту» түймесін түртіңіз. Сондай-ақ, «Елемеу» түймесін түртіңіз.
Мәтінді қарағаннан кейін, мына әрекеттердің кез келгенін орындаңыз:
Мәтінді қайта жазу: «Қайта жазу» түймесін түртіңіз.
ChatGPT ұсыныстарын қосу Опцияны түртіңіз, одан кейін
түймесін түртіңіз.Мәтініңіздің өзгертілмеген нұсқасына қайтару: «Қайтару» түймесін түртіңіз.
Аяқтаған кезде «Дайын» түймесін түртіңіз.
ChatGPT чат-ботына қол жеткізуді блоктау үшін «ChatGPT» функциясына қол жеткізуді блоктау бөлімін қараңыз.