iPhone құрылғысындағы «Музыка» қолданбасында Dolby Atmos режимінде кеңістікті аудионы ойнату
Apple Music жазылушылары бар тректерді Dolby Atmos технологиясымен үйлесімді стереоқұлаққаптарда және динамиктерде немесе қабылдағыштарда тартымды, үш өлшемді дыбыс тәжірибесін жасайтын Dolby Atmos режимінде ойната алады.
Dolby Atmos сапасында қолжетімді альбомдарда Dolby Atmos белгішесі 
бар. Трек Dolby Atmos сапасында ойнатылып жатса, белгіше «Қазір ойнатылуда» экранында да болады.
Ескертпе: Apple Music және Dolby Atmos барлық елдерде немесе аймақтарда қолжетімді бола бермейді. Apple медиа сервистерінің қолжетімділігі атты Apple қолдау көрсету қызметінің мақаласын қараңыз.
«Dolby Atmos» параметрін қосу
«Реттеулер»
> «Қолданбалар» > «Музыка» тармағына өтіңіз.«Dolby Atmos» түймесін түртіңіз, одан кейін «Автоматты» немесе «Әрдайым қосулы» параметрін таңдаңыз.
Автоматты: Dolby Atmos дыбысын iPhone құрылғысы AirPods 3, AirPods Pro немесе AirPods Max сияқты үйлесімді құлаққаптарға немесе Dolby Atmos технологиясымен үйлесімді динамиктерге немесе қабылдағыштарға қосылған кезде ойнатады.
«Әрдайым қосулы»: Dolby Atmos дыбысын кез келген құлаққаптарда немесе динамиктерде ойнатады. «Музыка» қолданбасы Dolby Atmos тректерін iPhone құрылғысына қосылған кез келген құлаққаптарда немесе динамиктерде ойнатуға әрекет етеді.
Dolby Atmos кез келген құлаққаптарда ойнайды, бірақ барлық динамиктер Dolby Atmos дыбысын қажетті түрде ойната бермейді.
iPhone құрылғысында «Кеңістіктік дыбыс» функциясын және бас қозғалысын қадағалау мүмкіндігін басқару
Қолдау көрсетілген музыканы iPhone құрылғыңызда AirPods 3, AirPods Pro немесе AirPods Max құлаққаптарымен ойнатқан кезіңізде «Кеңістіктік дыбыс» функциясы мен бас қозғалысын қадағалау мүмкіндігін қоршаған дыбысы бар иммерсивті театрға ұқсас орта жасау үшін пайдалануыңызға болады. Басқару орталығында «Кеңістіктік дыбыс» функциясы мен бас қозғалысын қадағалау мүмкіндігін басқару үшін осы қадамдарды орындаңыз.
AirPods құлаққаптарыңызды киіңіз, одан кейін Басқару орталығын ашыңыз.
Дыбыс деңгейін басқару элементін басып тұрыңыз, одан кейін төменгі оң жақтағы «Кеңістіктік дыбыс» түймесін түртіңіз.
Келесілердің біреуін түртіңіз:
Өшіру: «Кеңістіктік дыбыс» функциясы мен бас қозғалысын қадағалау мүмкіндігінің екеуін де өшіреді.
Тұрақты: «Кеңістіктік дыбыс» функциясын бас қозғалысын қадағалау мүмкіндігінсіз қосады.
Бас қозғалысын қадағалау: «Кеңістіктік дыбыс» функциясы мен бас қозғалысын қадағалау мүмкіндігінің екеуін де қосады. Бұл реттеу дыбысқа басыңыздың қозғалысын бақылауға мүмкіндік береді.
Сіз таңдаған реттеулер сақталады және сол қолданбаны келесіде пайдаланған кезде автоматты түрде қолданылады. Мысалы, «Музыка» қолданбасында әнді тыңдап жатқанда «Тұрақты» түймесін түртсеңіз, «Тұрақты» реттеуі әнді «Музыка» қолданбасында келесіде ойнатқан кезде автоматты түрде пайдаланылады.
Ескертпе: Бас қозғалысын қадағалау мүмкіндігін iPhone құрылғыңыздағы барлық қолданбалар үшін ажырату үшін «Реттеулер» > «Әмбебап қол жеткізу» > AirPods тармағына өтіңіз, AirPods құлаққабыңызды түртіңіз, одан кейін «iPhone-нан қайталау» реттеуін өшіріңіз.
Әндерді Dolby Atmos сапасында жүктеп алу
«Реттеулер»
> «Қолданбалар» > «Музыка» тармағына өтіңіз.«Dolby Atmos форматында жүктеп алу» параметрін қосу.
Қосымша ақпарат алу үшін Apple Music қызметіндегі Dolby Atmos бар Кеңістіктік дыбыс туралы атты Apple қолдау көрсету қызметінің мақаласын қараңыз.