Jump to content

అల్లు అర్జున్

వికీపీడియా నుండి
అల్లు అర్జున్
2015 జూన్ నాటి చిత్రం
జననం (1982-04-08) 1982 ఏప్రిల్ 8 (వయసు 42)[a]
మద్రాసు (ప్రస్తుతం చెన్నై), తమిళనాడు
ఇతర పేర్లుబన్నీ,[1] Mallu Arjun,[2] డ్యాన్సింగ్ డైనమైట్, స్టైలిష్ స్టార్, ఐకాన్ స్టార్
వృత్తి
  • నటుడు
  • డ్యాన్సర్
క్రియాశీల సంవత్సరాలు2001–ప్రస్తుతం
Works
అల్లు అర్జున్ చిత్రాలు
జీవిత భాగస్వామి
స్నేహ రెడ్డి
​
(m. 2011)​
పిల్లలు2
తల్లిదండ్రులు
కుటుంబంఅల్లు కుటుంబం
పురస్కారాలు[[National award

Filmfare awards

Nadhi awards]]

అల్లు అర్జున్ తెలుగు సినిమా అగ్ర నటుడు. ఇతడు ప్రముఖ నిర్మాత అల్లు అరవింద్ కుమారుడు, హాస్య నటుడు పద్మశ్రీ అల్లు రామలింగయ్య మనవడు, చిరంజీవి, పవన్ కళ్యాణ్ లకు మేనల్లుడు. తెలుగు రాష్ట్రాలతో పాటు బెంగళూరు, కేరళలో అల్లు అర్జున్ కు అభిమానులున్నారు. ఫేస్ బుక్ లో సుమారు రెండు కోట్ల మంది అభిమానులున్నారు. కేరళలో ఉన్న అల్లు అర్జున్ అభిమానులు బన్నీని మల్లు అర్జున్ అని పిలుస్తారు.

2021లో అత్యధిక వసూళ్లు చేసిన భారతీయ చలనచిత్రంగా ఉద్భవించిన పుష్ప: ది రైజ్‌లో తన నటనకు అతను అధిక ప్రశంసలు అందుకున్నాడు, అన్ని కాలాలలో అత్యధిక వసూళ్లు చేసిన తెలుగు చిత్రాలలో ఒకటిగా నిలిచింది. ఈ చిత్రంలోని నటనకు 69వ జాతీయ చలనచిత్ర అవార్డ్స్‌లో ఉత్తమ నటుడిగా మొదటి జాతీయ చలనచిత్ర అవార్డును గెలుచుకున్న ఇతడు, తెలుగు సినిమారంగం నుండి జాతీయ ఉత్తమ నటుడి అవార్డును గెలిచిన తొలి తెలుగు హీరోగా నిలిచాడు.[3] ఆయన ఈ అవార్డును 2023 అక్టోబర్ 16న రాష్ట్రపతి ద్రౌపతి ముర్ము చేతులమీదుగా అందుకున్నాడు.[4] అల్లు అర్జున్ ప్రముఖ నటుడు.

బాల్యం

[మార్చు]

అల్లు అర్జున్ చెన్నైలో 1982 ఏప్రిల్ 8న అల్లు అరవింద్, నిర్మల దంపతులకు రెండవ కుమారునిగా జన్మించాడు. అతని పెద్దన్నయ్య వెంకటేష్ (బాబీ), తమ్ముడు అల్లు శిరీష్. చెన్నైలోని పద్మ శేషాద్రి పాఠశాలలో చదువుకున్నాడు. చిన్నప్పుడే విజేత సినిమా చిత్రీకరణ చూడ్డానికి వెళ్ళినపుడు అందులో బాలనటుడి పాత్రలో మొదటి సారిగా నటించాడు. పాఠశాలలో ఉన్నప్పుడే జిమ్నాస్టిక్స్ నేర్చుకున్నాడు. ఎనిమిదో తరగతిలో ఉండగా కొన్నాళ్ళు పియానో కూడా నేర్చుకున్నాడు.[5]

వ్యక్తిగత జీవితం

[మార్చు]

చిన్నప్పటి నుంచే అర్జున్ డ్యాన్స్ అంటే అమితాసక్తిని కనబరిచేవాడు. ఇంట్లో ఏదైనా శుభసందర్భాల సమయంలో చిరంజీవి కుమారుడైన రామ్‌చరణ్ తేజ్, అర్జున్ ఇద్దరు ఆసక్తిగా పాల్గొనే వారు. మొదట్లో అర్జున్ నటుడు కావడానికి తల్లి కొద్దిగా సందేహించినా, తరువాత కుమారుని కోరికను కాదనలేకపోయింది. ఇతని వివాహము హైదరాబాదుకు చెందిన స్నేహారెడ్డితో జరిగింది.[6][7] వీరికి అయాన్ అనే కుమారుడు, అర్హ అనే కుమార్తె ఉన్నారు. ‘శాకుంతలం’ సినిమాతో వెండి తెరపై చిన్నారి అల్లు అర్హ ఎంట్రీ ఇవ్వడమేకాక ఐదేళ్లకే రెండు నెలల కాలవ్యవధిలో 50 మందికిపైగా చదరంగం ఆటలో శిక్షణ ఇచ్చింది. అత్యంత పిన్నవయసులోనే ఆమెలో ఉన్న అసమాన ప్రతిభను గుర్తించిన ప్రఖ్యాత నోబుల్‌ బుక్‌ ఆఫ్‌ వరల్డ్‌ రికార్డ్‌ సంస్థ అల్లు అర్హ కు వరల్డ్‌ యంగెస్ట్‌ చెస్‌ ట్రైనర్‌గా అవార్డు అందించారు.[8] అల్లు అర్జున్ ని అభిమానులు స్టయిలిష్ స్టార్ అని పిలుస్తారు. అల్లు అర్జున్‌ ఎంటర్‌టైన్‌ కేటగిరిలో ఇండియన్‌ ఆఫ్‌ ది ఇయర్‌ అవార్డును గెలుచుకున్నాడు. కేంద్ర మహిళా, శిశు సంక్షేమ శాఖ మంత్రి స్మృతి ఇరానీ చేతులమీదుగా అల్లు అర్జున్ ఈ అవార్డును అందుకున్నాడు.[9]

నట జీవితం

[మార్చు]

అల్లు అర్జున్ మొదటి చిత్రం కె. రాఘవేంద్రరావు దర్శకత్వంలో వచ్చిన గంగోత్రి. చిరంజీవి డాడీ సినిమాలో ప్రత్యేక పాత్రలో నటించి ఆకర్షించాడు. హాస్యనటుడు పద్మశ్రీ అల్లు రామలింగయ్య మనవడిగా తెలుగు సినిమా పరిశ్రమలో ఓ పెద్ద నిర్మాణ సంస్థ గీత ఆర్ట్స్ అధినేత అల్లు అరవింద్ కుమారుడిగా మెగాస్టార్ చిరంజీవి అల్లుడుగా అల్లు అర్జున్ సినిమా పరిశ్రమ లోకి రావడం తేలికగానే జరిగింది కానీ దానిని సద్వినియోగం చేసుకొని తనకంటూ ఒక ప్రత్యేక శైలిని ఏర్పరచుకున్నాడు. గంగోత్రి తరువాత ఓ వైవిధ్యమైన పాత్రలో ఆర్యగా యువత మనసులో స్థానం సంపాదించాడు. ఆర్యతో తెలుగులోనే కాకుండా మలయాళ కన్నడ అభిమానుల ప్రశంసలు పొందాడు. ఇప్పటికి మలయాళంలో అల్లు అర్జున్ సినిమాలన్నీ డబ్ అయ్యి విడుదల అవుతుండటం విశేషం. ఆ తర్వాత రిలీజ్ అయిన బన్నీ విజయంతో హ్యాట్రిక్ పూర్తి చేసి కమర్షియల్ హీరోగా స్థిరపడ్డాడు. అక్కడ నుంచి చేసిన ప్రతి సినిమాలో ఏదో ఒక ప్రత్యేకత చూపిస్తూ నటనలో ఇమేజ్తో డ్యాన్స్ లో స్టైల్ తో ప్రేక్షకుల అభిమానం కొల్లగొట్టాడు. పరుగులో కృష్ణగా చక్కని నటనతో ఆకట్టుకొని వేదంతో నవతరం నాయకులలో మల్టీస్టారర్ చిత్రాల సంస్కృతికి తెరతీసి ప్రయోగాలను ప్రారంభించాడు/ అంతేకాకుండా ఎవరో బాలీవుడ్ జనాలు చేసిన కామెంట్ ను సీరియస్ గా తీసుకొని ప్యాక్ బాడీ కల్చర్ ను తెలుగు సినిమాకు పరిచయం చేసిన ఘనత అల్లు అర్జున్ ది. ఆర్య, పరుగు సినిమాలకు నంది అవార్డు అందుకున్నాడు.

ఇతర భాషల్లో అర్జున్

[మార్చు]

అల్లు అర్జున్ చిత్రాలన్నీ మలయాళం లోకి అనువదించ బడ్డాయి. కేరళలో మమ్ముట్టి, మోహన్ లాల్ తర్వాత అర్జున్ కే ఎక్కువ అభిమానులు ఉన్నారు, అక్కడి అభిమానులు ఆయన్ని మల్లు అర్జున్ అని పిలుస్తారు.[10]

నటించిన చిత్రాలు

[మార్చు]
సంవత్సరం చిత్రం పాత్ర కథానాయిక ఇతర విశేషాలు
1985 విజేత బాల నటుడిగా
1986 స్వాతిముత్యం బాల నటుడిగా
2001 డాడీ గోపి అతిథి పాత్రలో
2003 గంగోత్రి సింహాద్రి అదితి అగర్వాల్ విజేత, సిని"మా" అవార్డ్ - ఉత్తమ నూతన నటుడు (2004)
2004 ఆర్య ఆర్య అనురాధా మెహతా విజేత, నంది స్పెషల్ జ్యూరీ పురస్కారం (2004)
2005 బన్ని రాజా/బన్ని గౌరీ ముంజల్
2006 హ్యాపీ బన్ని జెనీలియా
2007 దేశముదురు బాల గోవిందం హన్సిక మోత్వానీ, రంభ పేర్కొనబడ్డాడు, దక్షిణ భారత ఫిలింఫేర్ అవార్డ్ - ఉత్తమ నటుడు (2007)
శంకర్‌దాదా జిందాబాద్ అతిథి పాత్రలో
2008 పరుగు కృష్ణ షీలా విజేత, దక్షిణ భారత ఫిలింఫేర్ అవార్డ్ - ఉత్తమ నటుడు (2008)
విజేత, నంది స్పెషల్ జ్యూరీ పురస్కారం (2008)
2009 ఆర్య 2 ఆర్య కాజల్ అగర్వాల్ పేర్కొనబడ్డాడు, దక్షిణ భారత ఫిలింఫేర్ అవార్డ్ - ఉత్తమ నటుడు (2009)
2010 వరుడు సందీప్ భానుశ్రీ మెహ్రా
వేదం కేబుల్ రాజు అనుష్క శెట్టి, దీక్షా సేథ్ విజేత, దక్షిణ భారత ఫిలింఫేర్ అవార్డ్ - ఉత్తమ నటుడు (2010)
2011 బద్రీనాధ్ బద్రీనాధ్ తమన్నా
2012 జులాయి రవీంద్ర నారాయణ్ ఇలియానా
2013 ఇద్దరమ్మాయిలతో సంజు రెడ్డి అమలా పాల్, కేథరీన్ థెరీసా
2014 ఐ యమ్ ధట్ చేంజ్ లఘు చిత్రం, నిర్మాత కూడా
రేసుగుర్రం లక్ష్మణ్/ లక్కి శృతి హాసన్ విజేత, దక్షిణ భారత ఫిలింఫేర్ అవార్డ్ - ఉత్తమ నటుడు (2014)
ఎవడు సత్య కాజల్ అగర్వాల్ కాజల్ అగర్వాల్ తో పాటు అతిథి పాత్రలో నటించాడు.
2015 సన్నాఫ్ సత్యమూర్తి విరాజ్ ఆనంద్ సమంత, నిత్య మీనన్, అదా శర్మ
రుద్రమదేవి గోన గన్నా రెడ్డి అనుష్క శెట్టి, కేథరీన్ థెరీసా
2016 సరైనోడు గణ రకుల్ ప్రీత్ సింగ్, కేథరీన్ థెరీసా
2017 దువ్వాడ జగన్నాధం దువ్వాడ జగన్నాధం / డి.జె. పూజా హెగ్డే
2018 నా పేరు సూర్య నా ఇల్లు ఇండియా సూర్యా అను ఇమ్మాన్యుయేల్‌
2020 అల వైకుంఠపురములో దేవరాజ్/బంటు పూజా హెగ్డే
2021 పుష్ప[11] రష్మిక మందన

అవార్డులు

[మార్చు]

జాతీయ చలనచిత్ర పురస్కారాలు (2021)

ఫిల్మ్ ఫేర్ అవార్డులు

సైమా అవార్డులు

వివాదాలు

[మార్చు]

2024 డిసెంబరు 4న పుష్ప 2 సినిమా ప్రీమియర్‌ షో ప్రదర్శించిన హైదరాబాదులోని సంధ్య థియేటర్‌ వద్ద తొక్కిసలాట జరిగింది. దీనికి అధిక సంఖ్యలో అభిమానులతో పాటు సినిమాలో నటించిన కీలక నటులు హాజరవ్వడంతో ఒక్కసారిగా తోపులాట జరిగింది. నగరానికి చెందిన ఒక కుటుంబం ఈ తొక్కిసలాటలో కిందపడిపోయారు. ఈ దుర్ఘటనలో రేవతి మరణించగా, ఆమె కుమారుడు 13 ఏళ్ల శ్రీతేజ తీవ్ర గాయాలై ఆసుపత్రికి చికిత్స పొందుతున్నాడు. ఈ ఘటనపై బాధితురాలి కుటుంబ సభ్యుల ఫిర్యాదు మేరకు థియేటర్ యాజమాన్యంపై కేసు నమోదు చేసి చిక్కడపల్లి పోలీసులు దర్యాప్తు చేస్తున్నారు. ఈ తొక్కిసలాట ఘటనలో అల్లు అర్జున్‌ ని కూడా నిందితుల లిస్ట్ లో చేర్చారు.[13][14] ఈ కేసు విషయం లో అల్లు అర్జున్ ను 2024 డిసెంబరు 13న చిక్కడపల్లి పోలీసులు అరెస్ట్ చేశారు.[15] రిమాండ్ రిపోర్టులో అల్లు అర్జున్ ని ఏ-11గా పేర్కొన్న పోలీసులు నాంపల్లి కోర్టులో అదే రోజు హాజరు పరిచారు. కోర్టు ఆయనకు 14 రోజుల రిమాండ్ విధించింది.[16] దీంతో కేసును కొట్టేయాలంటూ అల్లు అర్జున్ తరపు న్యాయవాదులు హైకోర్టులో క్వాష్ పిటిషన్ దాఖలు చేశారు. ఈ పిటిషన్‌పై విచారణ జరిపిన న్యాయస్థానం అల్లు అర్జున్‌కు షరతులతో కూడిన బెయిల్ మంజూరు చేసింది.[17]

అల్లు అర్జున్‌కు హైకోర్టు మధ్యంతర బెయిల్‌ ఇచ్చినా ఆర్డర్‌ కాపీ ఆలస్యం కావడంతో డిసెంబరు 13 రాత్రంతా జైలులోనే ఉన్న అనంతరం 2024 డిసెంబరు 14న ఉదయం 6.45 గంటలకు అల్లు అర్జున్‌తో పాటు సంధ్యా థియేటర్‌ యాజమాన్యాన్ని చంచల్‌గూడ జైలు నుండి విడుదల చేశారు.[18]  

బయటి లింకులు

[మార్చు]

మూలాలు

[మార్చు]
  1. ↑ "Bunny puts on an accent". Deccan Chronicle. 31 October 2019. Archived from the original on 15 November 2019. Retrieved 3 September 2020.
  2. ↑ "They call me 'Mallu' Arjun: Allu Arjun | Telugu News - Times of India". Archived from the original on 14 February 2017. Retrieved 12 January 2020.
  3. ↑ ABN (2023-08-24). "Allu Arjun: జాతీయ అవార్డు గెలుచుకున్న మొట్టమొదటి తెలుగు నటుడు | Allu Arjun First National Award Winner From Telugu KBK". Chitrajyothy Telugu News. Archived from the original on 2023-08-24. Retrieved 2023-08-24.
  4. ↑ Andhrajyothy (17 October 2023). "నేషనల్‌ అవార్డు గ్రహీత అల్లు అర్జున్ ఏమన్నారంటే..! | Allu Arjun Happy with national award avm". Archived from the original on 17 October 2023. Retrieved 17 October 2023.
  5. ↑ ఈనాడు ఆదివారం, ఏప్రిల్ 17, 2016, శరత్ కుమార్ బెహరా వ్యాసం
  6. ↑ "ఆర్కైవ్ నకలు". Archived from the original on 2010-10-31. Retrieved 2010-10-30.
  7. ↑ http://www.eenadu.net/panelhtml.asp?qrystr=htm/panel6.htm Archived 2011-09-01 at the Wayback Machine అక్టోబరు 30, 2010 ఈనాడు పత్రిక
  8. ↑ ChennaiNovember 21, Janani K.; November 21, 2021UPDATED:; Ist, 2021 11:57. "Allu Arjun and Sneha Reddy wish daughter Allu Arha on her birthday. See posts". India Today (in ఇంగ్లీష్). Retrieved 2021-11-21. {{cite web}}: |first3= has numeric name (help)CS1 maint: extra punctuation (link) CS1 maint: numeric names: authors list (link)
  9. ↑ telugu, NT News (2022-10-13). "అరుదైన అవార్డును గెలుచుకున్న అల్లు అర్జున్‌.. తొలి సౌత్‌ ఇండియన్‌ హీరోగా రికార్డు". Namasthe Telangana. Archived from the original on 2022-10-13. Retrieved 2022-10-13.
  10. ↑ http://www.saakshi.com/main/weeklydetails.aspx?newsId=46295&subcatid=26&Categoryid=2[permanent dead link] కేరళ లో అల్లు అర్జున్ చిత్రాల గురించి సాక్షి దినపత్రిక వ్యాసం
  11. ↑ Boy, Zupp (2020-11-09). "Pushpa movie update: the shooting will commence on November 10, check out the video here!". Moviezupp (in అమెరికన్ ఇంగ్లీష్). Archived from the original on 2021-02-12. Retrieved 2021-01-11.
  12. ↑ Sakshi (17 October 2023). "జాతీయ అవార్డు అందుకున్న అల్లు అర్జున్.. సరికొత్త చరిత్ర". Archived from the original on 17 October 2023. Retrieved 17 October 2023.
  13. ↑ "Allu Arjun: పోలీసుల అదుపులో అల్లు అర్జున్‌.. | allu-arjun-detained-by-hyderabad-police". web.archive.org. 2024-12-13. Archived from the original on 2024-12-13. Retrieved 2024-12-13.{{cite web}}: CS1 maint: bot: original URL status unknown (link)
  14. ↑ "Allu Arjun Non Bailable Case: అల్లు అర్జున్‌పై నాన్ బెయిలబుల్ కేస్.. సంధ్యా థియేటర్ దగ్గర ఏం జరిగింది? – News18 తెలుగు". web.archive.org. 2024-12-13. Archived from the original on 2024-12-13. Retrieved 2024-12-13.{{cite web}}: CS1 maint: bot: original URL status unknown (link)
  15. ↑ Murali (2024-12-13). "బిగ్ బ్రేకింగ్..అల్లు అర్జున్ అరెస్ట్". TeluguBulletin.com. Retrieved 2024-12-13.
  16. ↑ "Allu Arjun Remand : అల్లు అర్జున్‌కు 14 రోజుల రిమాండ్.. చంచల్‌గూడ జైలుకు తరలింపు-nampally court sent allu arjun to 14 days remand ,తెలంగాణ న్యూస్". web.archive.org. 2024-12-13. Archived from the original on 2024-12-13. Retrieved 2024-12-13.{{cite web}}: CS1 maint: bot: original URL status unknown (link)
  17. ↑ "Allu Arjun: అల్లు అర్జున్‌ రిలీజ్.. హైకోర్టు సంచలన తీర్పు.. | High Court Give Bail to Allu Arjun Amar". web.archive.org. 2024-12-13. Archived from the original on 2024-12-13. Retrieved 2024-12-13.{{cite web}}: CS1 maint: bot: original URL status unknown (link)
  18. ↑ Eenadu (14 December 2024). "చంచల్‌గూడ జైలు నుంచి అల్లు అర్జున్‌ విడుదల". Archived from the original on 14 December 2024. Retrieved 14 December 2024.

ఇతర లింకులు

[మార్చు]


ఉల్లేఖన లోపం: "lower-alpha" అనే గ్రూపులో <ref> ట్యాగులు ఉన్నాయి గానీ, దానికి సంబంధించిన <references group="lower-alpha"/> ట్యాగు కనబడలేదు

"https://te.wikipedia.org/w/index.php?title=అల్లు_అర్జున్&oldid=4374832" నుండి వెలికితీశారు