Bismarck, North Dakota
An syudad han Bismarck (kaluwas ha Iningles: /ˈbɪzmɑːrk/) amo an pamunuan o kapital han estado han North Dakota ngan an lingkoran han kondado han Condado han Burleigh.[1] Amo iní an ikaduha nga gidamo-i hin molupyo nga syudad ha North Dakota sunod han Fargo. Ginbanabana an kamolupyohan han syudad han 2019 nga 73,529, samtang an metropolitano nga kamolupyohan 128,949. Han 2019, ginranggo han Forbes an Bismarck nga amo an ikapitó nga gimalaksihi-nga-natubo nga gutiay nga syudad ha Estados Unidos.[2][3]
Gintukod an Bismarck hin mga Europeo-Amerikano han 1872 ha sinirangan nga pangpang han Salog Missouri. Amo ini an syudad nga pamunuan han North Dakota tikang han 1889, han paghimoa han estado tikang han Dakota nga Teritoryo ngan ginpasakob ngada han Unyon.
An Bismarck tabok han salog tikang ha Mandan, nga ginngaranan tikang hin Tuminongnong nga Amerikano nga tribo nga taga-dida nga dapit han kaagi.[4] Iní nga duha nga syudad amo an naghihimo han sentro han Bismarck–Mandan nga Metropolitano nga Langyab hin Estadistika.
An Kapitolyo han Estado han North Dakota, an gihataasi nga edifisyo han estado, nahamutang ha butnga nga dapit han Bismarck. An kagamhanan o gobyerno han estado nagpapatrabaho hin labaw 4,600 dida han syudad. Komo usá nga hub hin retail ngan pag-ataman han kalawasan, an Bismarck amo an sentro han ekonomiya han salatan-ngan-butnga nga North Dakota ngan amihanan-ngan-butnga nga South Dakota.
Mga ginkuhaan
[igliwat | Igliwat an wikitext]- ↑ "Find a County". National Association of Counties. Ginhipos tikang han orihinal han Mayo 31, 2011. Ginkuhà Hunyo 7, 2011.
- ↑ Kotkin, Joel (Septyembre 3, 2014). "America's Fastest-Growing Small Cities". Forbes. Ginhipos tikang han orihinal han Septyembre 4, 2014. Ginkuhà Septyembre 3, 2014.
- ↑ "Metropolitan and Micropolitan Statistical Areas Population Totals and Components of Change: 2010-2019". Ginkuhà Septyembre 3, 2020.
- ↑ Murphy, Edward C.; Groenewold, Gerald H. "Geology of the Bismarck-Mandan Area" (PDF). Geologic Investigations No. 3. North Dakota Geological Survey. Ginhipos (PDF) tikang han orihinal han 14 Marso 2012. Ginkuhà Pebrero 28, 2012.
 |
An Wikimedia Commons mayda media nga nahahanungod han: Bismarck, North Dakota |
 | Usa ka turók ini nga barasahon. Dako it imo maibubulig ha Wikipedia pinaagi han pagparabong hini. |