ნოღა
| შილა
|
გერბი
|
|
|
|
ჟენევა (ფრანგ. Genève, გერმ. Genf, ლათ. Genava) — შვეიცარიაშ სიდიდათ მაჟირა დო რომანდიაშ უდიდაში ნოღა, ჟენევაშ კანტონიშ ადმინისტრაციული ცენტრი, იდვალუაფუ ჟენევაშ ტობაშ ობჟათე-ბჟადალ წყარპიჯის. წყარმალუ რონაშ ჟირხოლო წყარპიჯის.
ჟენევას მაართა იულიუს კეისარი მიშინუანს ჯვ. წ. I ოშწანურას. შქა ოშწანურეეფს დუდიშმართუალაშ დო შხვა პრივილეგიეფს მიოჭირინუ. XIV-ოშწანურეფს ჯოხოგოლაფირი რდჷ მუში ბაზარუეფით, მოგვიანაფათ საბანკე-საკრედიტე ოპერაციეფიშ ცენტრო გჷნირთჷ. XVI ოშწანურას რდჷ შვეიცარიაშ კონფედერაციაშ "მორსხუე აკანი". 1536 წანას იმანჯჷ ცვინგლიშ, უკული - კალვინისტური რეფორმაციაქ, ნამუშ ბორჯის კალვინიზმიშ ევროპულ ცენტრო გჷნირთჷ. 1584 წანას გაჭყჷ "ოშწანურაშ რსხუ" ბერნწკჷმა დო ციურიხწკჷმა. 1798-1814 წწ. საფრანგეთის ორხველუდჷ. 1815 წანას წჷმარინუანდჷ შვეიცარიაშ 22-ა კანტონს.
ჟენევა ოერეფოშქაშე კონფერენციეფიშ მოჭანუეფიშ ტრადიციული აბანი დო საირქიანო ორგანიზაციეფიშ დო დჷნაწესებუეფიშ ორენი რე (გოერო, ჭითა ჯვარი...). ნოღა ტურიზმიშ შანულამი ცენტრი რე.
- სენ-პიერიშ ოხიდა (XII ო.)
- სენტ-მარი-მადლენიშ ოხიდა (XIV-XV ოო.)
- დოხორე ენარი (1817-1821 წწ.)
