როზალინ სასმენ იალოუ

როზალინ სასმენ იალოუ
	როზალინ სასმენ იალოუ
	ინგლ. Rosalyn Sussman Yalow
	; როზალინ იალოუ 1977 წანას
დაბადებაშ თარიღი:	19 კვირკვე, 1921
დაბადებაშ აბანი:	ნიუ-იორკი, ააშ
ღურაშ თარიღი:	მესი 30, 2011 (89 წანერი)
ღურაშ აბანი:	ბრონქსი, ნიუ-იორკი, ააშ
მენოღალობა:	ააშ
ომენცარე სფერო:	ბიოფიზიკა
სამუშაშ აბანი :	ჰანტერიშ კოლეჯი; ბრონქსიშ ვეტერანეფიშ ადმინისტრაციაშ ჰოსპიტალი
ალმა-მატერი:	ჰანტერიშ კოლეჯი; ილინოისიშ უნივერსიტეტი (ურბანა-შამპეინი)
ჯილდოეფი დო პრემიეფი:	გაირდნერიშ პრემია (1971); დიკსონიშ პრემია (1972); ამერიკაშ მედიცინაშ ასოციაციაშ პრემია (1975); ალბერტ ლასკერიშ პრემია (1976); ნობელიშ პრემია ფიზიოლოგიას დო მედიცინას (1977); მენცარობაშ ერუანული მენდალი (1988)

როზალინ სასმენ იალოუ (ინგლ. Rosalyn Sussman Yalow; ღ. 19 კვირკვე, 1921, ნიუ-იორკი, ააშ — ღ. 30 მესი, 2011, ბრონქსი, ნიუ-იორკი, ააშ) — ამერიკალი მედიკოსი, ნობელიშ პრემიაშ ლაურეატი.

ბიოგრაფია

როზალინ სასმენ იალოუქ დებადჷ ამერიკალი ურიეფიშ ფანიას. გურაფულენდჷ ფიზიკას ჰანტერიშ კოლეჯის. ჰანტერიშ კოლეჯიშ უკულ გურაფა გაგინძორჷ ილინოისიშ უნივერსიტეტის (ურბანა-შამპეინი), სოდეთ მიპალუ დოქტორიშ ხარისხი 1945 წანას. გურაფაშ თებაშ უკულ მუშენდჷ დიო ილინოისიშ უნივერსიტეტის დო უკულ ჰანტერიშ კოლეჯის, სოდეთ ფიზიკას ოგურუანდჷ 1946-1950 წანეფს. 1947 წანაშე რდჷ ბრონქსიშ ვეტერანეფიშ ადმინისტრაციაშ ჰოსპიტალიშ კონსულტანტი. როზალინ იალოუს რადიოიმუნური ანალიზიშ ტექნიკაშ გოვითარაფაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1977 წანას (როჟე გიიმენი დო ენდრიუ შალიწკჷმა ართო). როზალინ იალოუ რდჷ მაჟირა ამერიკალი ოსური, ნამუქჷთ მიპალუ ნობელიშ პრემია ფიზიოლოგიაშ დო მედიცინაშ დარგის (მაართა რდჷ გერტი კორი).

პერსონალური რინა

როზალინ სასმენ იალოუშ ქომონჯი რდჷ აარონ იალოუ. ჸუნდეს ჟირი სკუა. როზალინ იალოუქ ღურუ 2011 წანაშ 30 მესის, ბრონქსის, ნიუ-იორკის.

ლიტერატურა

Opfell, Olga S (1978). The Lady Laureates : Women Who Have Won the Nobel Prize. Metuchen, N.J & London: Scarecrow Press, Inc, 224–233 ხს.. ISBN 978-0810811614.

რესურსეფი ინტერნეტის

Wikiquote

ვიკიციტატეფს რე სტატია:

როზალინ სასმენ იალოუ

Rosalyn Yalow: Assaying the unknown
Episode 9: Rosalyn Sussman Yalow Archived 2019-03-29 ვებ-ხასჷლას Wayback Machine. from Babes of Science Archived 2019-03-29 ვებ-ხასჷლას Wayback Machine. podcasts