Yandeks xizmatlari foydalanuvchi kelishuvi

Bu hujjat quyidagi manzilda joylashtirilgan hujjatning rus tiliga (o'zbek tiliga) tarjimasi bo‘lib hisoblanadi: https://yandex.ru/legal/rules, Mazkur hujjatning rus tilidagi versiyasi bilan ushbu tarjima orasida qarama-qarshiliklar bo‘lsa, faqat rus tilidagi versiyasi ustun yuridik kuchga ega bo'ladi. Ushbu hujjatning faqat https://yandex.ru/legal/rules manzili bo'yicha joylashgan versiyasi yuridik jihatdan majburiy bo‘lib hisoblanadi.

1. Umumiy qoidalar

1.1. “YANDEKS” MChJ (keyingi o‘rinlarda “Yandeks” deb yuritiladi) internet tarmog’i foydalanuvchisiga (keyingi o‘rinlarda Foydalanuvchi deb yuritiladi) o‘z xizmatlaridan ushbu Foydalanuvchi kelishuvida (keyingi o‘rinlarda “Kelishuv”, “FK” deb yuritiladi) belgilangan shartlar asosida foydalanishni taklif qiladi. Shartnoma Foydalanuvchi Kelishuvning 1.4-bandida nazarda tutilgan tartibda uning shartlariga roziligini bildirgan paytdan boshlab kuchga kiradi.

1.2. Yandeks Foydalanuvchilarga navigatsiya, aloqa vositalari, turli xil ma’lumotlar va materiallarni (kontentni) qidirish, joylashtirish va saqlash, kontentni personalizatsiyalash, xarid qilish va boshqalardan iborat keng ko’lamli xizmatlardan foydalanishni taklif qiladi. Foydalanish shartlari ushbu Kelishuvga tegishli boʻlgan “YANDEKS” MChJ va boshqa kompaniyalarning hozirda mavjud boʻlgan barcha xizmatlari (keyingi oʻrinlarda “Yandeks xizmatlari” deb yuritiladi), shuningdek ularni har qanday ishlab chiqish va/yoki yangilarini qoʻshish ushbu Kelishuv mavzusi hisoblanadi.

1.3. Yandeks xizmatlaridan foydalanish ushbu Kelishuv, hamda ushbu Kelishuvning ajralmas qismi bo’lgan quyidagi hujjatlar bilan tartibga solinadi: Yandeks qidiruv tizimidan foydalanish uchun litsenziya (https://yandex.uz/legal/termsofuse), Maxfiylik siyosati (https://yandex.uz/legal/confidential), Yandeks ID dan Foydalanish shartlari (https://yandex.ru/legal/id_termsofuse), Yandeks xizmatlarida bog’langan kartalardan foydalanish Shartlari (https://yandex.ru/legal/bank_card), hamda alohida Yandeks xizmatlaridan foydalanish shartlari. Kelishuv Yandeks tomonidan hech qanday maxsus ogohlantirishsiz o’zgartirilishi mumkin, Kelishuvning yangi tahriri Internetda ushbu bandda ko’rsatilgan manzilda joylashtirilgan paytdan boshlab kuchga kiradi, agar Kelishuvning yangi tahririda boshqa narsa nazarda tutilgan bo’lmasa. FK ning amaldgi tahriri har doim quyidagi manzildagi sahifada joylashtiriladi https://yandex.uz/legal/rules.

1.4. Har qanday xizmatdan/uning alohida funksiyalaridan foydalanishni boshlagan holda, yoki ro’yxatdan o’tish tartibidan o’tgandan so’ng, Foydalanuvchi Kelishuv shartlarini hech qanday izoh va istisnolarsiz to’liq qabul qilgan deb hisoblanadi. Agar Foydalanuvchi Kelishuvning birorta bandiga rozi bo’lmasa, Foydalanuvchi Yandeks xizmatlaridan foydalanishga haqli emas. Agar Yandeks Kelishuvning 1.3-bandda nazarda tutilgan tartibda Kelishuvga o’zgartirishlar kiritgan bo’lsa va Foydalanuvchi bu o’zgartirishlarga rozi bo’lmasa, u Yandeks xizmatlaridan foydalanishni to’xtatishi shart.

2. Foydalanuvchining Yandeks ID sini ro’yxatdan o’tkazish Yandeks ID yordamida avtorizatsiya

2.1. Yandeksning ayrim xizmatlaridan yoki xizmatlarining ayrim alohida funksiyalaridan foydalanish uchun Foydalanuvchi ro’yxatdan o’tish jarayonidan o’tishi kerak, buning natijasida foydalanuvchi uchun o’ziga xos hisob qaydnomasi (Yandeks ID) yaratiladi.

14 yoshga to’lgan foydalanuvchi amaldagi qonunchilikda belgilangan huquq layoqati doirasida mustaqil ravishda hisob qaydnomasini ro’yxatdan o’tkazish va Yandeks xizmatlaridan foydalanish huquqiga ega. Foydalanuvchi ko’rsatilgan yoshga yetmagan bo’lsa, shuningdek, amaldagi qonun hujjatlarida nazarda tutilgan hollarda, xizmatlardan foydalanishga faqat ota-onalarning yoki boshqa qonuniy vakillarning roziligi bilan foydalanishga yo’l qo’yiladi.

Yandeksning alihda xizmatlari qonun hujjatlarida yoki sayt, ilova va/yoki boshqa dasturiy mahsulotning interfeysi/tavsifida qoʻshimcha ravishda koʻrsatilishi mumkin boʻlgan boshqa yosh chegaralarini belgilashi mumkin.

3. Foydalanish va saqlash bo’yicha umumiy qoidalar

3.1. Yandeks barcha Foydalanuvchilar yoki Foydalanuvchilarning ayrim toifalari uchun (Foydalanuvchining joylashgan joyiga, xizmat ko’rsatilayotgan tilga va hokazolarga bog’liq ravishda) Yandeks xizmatlaridan foydalanishga cheklovlar qo’yish huquqiga ega, shu jumladan: xizmatning ayrim funktsiyalari mavjudligi/yo’qligi, Yandeks pochta xizmatida pochta xabarlarini, boshqa har qanday kontentni saqlash muddati, bitta ro’yxatdan o’tgan foydalanuvchi tomonidan yuborilishi yoki qabul qilinishi mumkin bo’lgan maksimal xabarlar soni, pochta xabari yoki disk maydonining maksimal hajmi, ko’rsatilgan vaqt oralig’ida xizmatga qo’ng’iroqlarning maksimal soni, kontentni saqlashning maksimal muddati, yuklab olinadigan kontentning maxsus parametrlari va boshqalar. Yandeks o’z xizmatlariga avtomatik kirishni taqiqlashi, shuningdek, avtomatik ravishda yaratilgan har qanday ma’lumotni (masalan, elektron pochta spamlarini) qabul qilishni to’xtatishi mumkin.

Xabarlarda zararli dasturlar yoki kodlar bo’lsa yoki Yandeks avtomatik filtrlash va virusga qarshi himoya vositalari xabarlarda bunday zararli dasturlar yoki kodlar mavjudligini aniqlaganda, Yandeks Foydalanuvchining uskunasi va o’z jihozlarini himoya qilish uchun har qanday xabarlarni qabul qilishni va ularni Foydalanuvchiga yetkazishni cheklash huquqiga ega. Foydalanuvchi ko’rsatilgan maqsadlarda Yandeks avtomatik filtrlash va virusga qarshi himoya sifatini yaxshilash uchun ushbu xabarlardagi bunday zararli dasturlar va kodlarni tahlil qilish va o’rganish huquqiga ega ekanligi haqida xabardor qilinadi va rozilik beradi.

3.2. Yandeks Foydalanuvchiga axborot xabarlarini yuborish huquqiga ega. Yandeks, shuningdek, qonun talablariga javob beradigan tarzda rozilik olgan holda yoki Foydalanuvchi tegishli xizmatga nisbatan reklama xususiyatiga ega xabarlarini olishdan (roʻyxatdan oʻtishda, yoki keyinroq tegishli funksiyadan foydalangan holda) bosh tortmagan taqdirda Foydalanuvchiga reklama xususiyatiga ega xabarlarini yuborish huquqiga ega.

Foydalanuvchi Yandeksga ma’lum bir xizmatning boshqa Foydalanuvchilarini Foydalanuvchining ochiq harakatlari, shu jumladan u tomonidan yangi nashrlarning joylashtirilishi, boshqa Foydalanuvchilar kontentiga nisbatan qilgan harakatlari, hamda xizmat doirasidagi boshqa faoliyati to’g’risida xabardor qilishga rozilik beradi.

3.3. Xizmatlar sifatini yaxshilash maqsadida Yandeks va/yoki u tomonidan so‘rov o‘tkazishga jalb qilingan shaxslar Foydalanuvchining Xizmatga navbatdagi marotaba tashrif buyurishida axborot xabarini yuborish yoki Foydalanuvchi tomonidan hisob qaydnomasida ko’rsatilgan aloqa ma’lumotlari (telefon qo’ng’iroqlari orqali yoki elektron pochta xabarlari yordamida) muloqot qilish orqali turli masalalar bo‘yicha Foydalanuvchilarning fikr va mulohazalarini to‘plash huquqiga ega. Yig’ilgan fikr va mulohazalar Xizmatlarda ishlatilishi mumkin bo’lgan statistik ma’lumotlarni yaratish uchun ishlatilishi mumkin. So‘rov davomida Foydalanuvchi tomonidan taqdim etilgan fikr-mulohazalar, shuningdek, Yandeks tomonidan Yandeks xizmatlarida yoki Yandeksning sho’ba korxonalarining xizmatlarida Foydalanuvchi nomi (login) bilan yoki uning nomini ko’rsatmasdan nashr qilinishi mumkin. Fikr-mulohaza qoldirishda Foydalanuvchi ushbu Kelishuv talablariga, shu jumladan ushbu Kelishuvning 5-bandida belgilangan talablarga amal qilish majburiyatini oladi.

3.4. Foydalanuvchi “Dzen.Platforma” MChJ tomonidan taqdim etilgan xizmatlardan foydalanganda, hisob qaydnomasi Rasmi, Foydalanuvchi Nomi, Foydalanuvchi identifikatorlari, shu jumladan device-id va cookie-fayllar, elektron pochta manzili, mobil telefon raqami, Foydalanuvchining Yandeks xizmatlaridan foydalanishi haqidagi ma’lumotlar “Dzen.Platforma” MChJ tomonidan taqdim etiluvchi xizmatlar maqsadida “Dzen.Platforma” MChJ ga o’tkazilishi mumkin (https://dzen.ru/legal/termsofuse, https://yandex.ru/legal/news_termsofuse).

4. Foydalanuvchi kontenti

4.1. Foydalanuvchi tomonidan e’lon qilingan kontent mazmunining amaldagi qonun hujjatlari talablariga muvofiqligi, shu jumladan Foydalanuvchi tomonidan joylashtirilgan u yoki bu kontent yoki kontentning mazmuni hollarda uchinchi shaxslarning huquqlari va qonuniy manfaatlarini, shu jumladan mualliflarning shaxsiy nomulkiy huquqlarini, uchinchi shaxslarning boshqa intellektual huquqlarini buzsa va (yoki) ularning nomoddiy manfaatlariga tajovuz qilgan holatlardagi uchinchi shaxslarning oldidagi javobgarlik uchun faqat Foydalanuvchi javobgar bo’ladi.

4.2. Foydalanuvchi tomonidan Yandeks xizmatlari orqali nashr etiluvchi va/yoki tarqatiluvchi har qanday turdagi kontentni ko’rib chiqishga Yandeks majbur emasligini va Yandeks o’z xohishiga ko’ra Foydalanuvchiga kontentni joylashtirish va/yoki tarqatishni rad etish yoki Yandeks xizmatlari orqali mavjud bo’lgan har qanday kontentni o’chirish huquqiga (lekin majburiyatiga emas) egaligini Foydalanuvchi e’tirof etadi va rozilik beradi. Foydalanuvchi kontentdan foydalanish bilan bog’liq barcha xavflarni, shu jumladan ushbu kontentning ishonchliligi, to’liqligi yoki foydaliligini baholashni mustaqil ravishda amalga oshirishi kerakligini tushunadi va rozilik beradi.

4.3. Foydalanuvchi “Yandeks” xizmatlari texnologiyasi Foydalanuvchining kontentini Yandeks tomonidan nusxalashni (ko‘paytirishni), shuningdek, u yoki bu xizmatning texnik talablariga javob berish uchun “Yandeks” tomonidan qayta ishlanishini talab qilishi mumkinligini tushunadi va rozilik beradi.

4.4. Foydalanuvchining kontentiga oid shikoyatlarni qayta ishlashda, agar xizmatdan foydalanish shartlarida boshqasi nazarda tutilgan bo’lmasa, Yandex https://yandex.ru/company/rules/anonymous_content manzilida e’lon qilingan anonim kontent huquqlarini cheklash tamoyillariga amal qiladi.

5. Yandeks xizmatlaridan foydalanish shartlari

5.1. Foydalanuvchi uchinchi shaxslar oldida Yandeks xizmatlaridan foydalanish bilan bog’liq xatti-harakatlari uchun, shu jumladan, agar bunday harakatlar uchinchi shaxslarning huquqlari va qonuniy manfaatlarining buzilishiga olib keladigan bo’lsa, shuningdek, Yandeks xizmatlaridan foydalanishda qonunchilikka rioya qilish uchun javobgardir.

5.2. Yandeks xizmatlaridan foydalanganda foydalanuvchi quyidagi huquqlarga ega emas:

5.2.1. noqonuniy, g‘arazli, tuhmatli, ma’naviyatni kamsituvchi, zo‘ravonlik va shafqatsizlikni ko‘rsatadigan (yoki targ‘ib qiluvchi), intellektual mulk huquqlarini buzuvchi, irqiy, etnik, jinsiy, diniy, ijtimoiy xususiyatlaridan kelib chiqqan holda odamlarga nisbatan nafrat va/yoki kamsitishni targ‘ib qiluvchi, har qanday shaxs yoki tashkilotlarni haqorat qiluvchi, pornografiya, bolalar erotikasi elementlarini o’z ichiga olgan (yoki targ’ib qiluvchi), jinsiy xususiyatga ega xizmatlarni (shu jumladan, boshqa xizmatlar ko’rinishida) reklama (yoki tashviqot) bo’lgan, giyohvandlik vositalarini yoki ularning analoglarini, portlovchi moddalarni yoki boshqa qurollarni tayyorlash, ulardan foydalanish yoki boshqacha ishlatish tartibini tushuntiradigan kontentni yuklash, joylashtirish, uzatish yoki boshqa yo‘l bilan joylashtirish va/yoki tarqatish;

5.2.2. uchinchi shaxslarning, shu jumladan voyaga etmaganlarning huquqlarini buzish va/yoki ularga har qanday shaklda zarar etkazish;;

5.2.3. yetarli huquqqa ega boʻlmagan holda oʻzini boshqa shaxs yoki tashkilot va/yoki hamjamiyat vakili, shu jumladan Yandeks xodimlari, forum moderatorlari, sayt egasi sifatida tanishtirish, shuningdek tarmoqdagi boshqa shaxslarni noqonuniy vakillik qilishning boshqa shakllari va usullaridan foydalanish, shuningdek, foydalanuvchilarni yoki Yandeksni har qanday subyektlar yoki obyektlarning sifattlari va xususiyatlari haqida chalg’itish;

5.2.4. qonunchilik yoki har qanday shartnomaviy munosabatlarga muvofiq bunday harakatlarga huquqlar bo’lmasdan turib, kontentni yuklash, jo’natish, uzatish yoki boshqa yo’l bilan joylashtirish va/yoki tarqatish;

5.2.5. maxsus ravishda ruxsat etilmagan reklama ma’lumotlarin spam (shu jumladan qidiruv spami), boshqa odamlarning elektron pochta manzillari ro’yxati, piramida sxemalari, ko’p darajali (tarmoq) marketing (MLM), Internetdan daromad olish tizimlari va elektron pochta bizneslari, “baxt maktublari”ni yuklash, jo’natish, uzatish yoki boshqa yo’l bilan joylashtirish va/yoki tarqatish, shuningdek, ushbu tadbirlarda ishtirok etish uchun Yandeks xizmatlaridan foydalanish yoki faqatgina foydalanuvchilarni boshqa domenlar sahifalariga yo’naltirish uchun Yandeks xizmatlaridan foydalanish;

5.2.6. viruslar yoki boshqa kompyuter kodlarini o’z ichiga olgan har qanday materiallar, har qanday kompyuter yoki telekommunikatsiya uskunalari yoki dasturlari faoliyatini buzish, yo’q qilish yoki cheklash uchun, ruxsatsiz kirish uchun mo’ljallangan fayllar yoki dasturlar, shuningdek, tijorat dasturiy mahsulotlarning seriya raqamlari va ularni yaratish dasturlari, loginlar, parollar va Internetdagi pullik resurslarga ruxsatsiz kirishning boshqa vositalarini yuklash, yuborish, uzatish yoki boshqa yo’l bilan joylashtirish va/yoki tarqatish, hamda yuqoridagi ma’lumotlarga havolalarni joylashtirish;

5.2.7. ruxsatsiz boshqalarning shaxsiy ma’lumotlarini to’plash va saqlash;

Yandeks veb-saytlari va xizmatlarining normal ishlashini buzish

5.2.9. kelishuvda belgilangan cheklovlar va taqiqlarni buzishga qaratilgan harakatlarni rag’batlantirish;

5.2.10. Yandeks xizmatlarining istalgan qismlarini (jumladan, Yandeks xizmatlari orqali Foydalanuvchiga mavjud bo’lgan kontent)ni yoki unlarga kirishni ko’paytirish, takrorlash va nusxalash, sotish va qayta sotish, hamda har qanday tijorat maqsadlarida foydalanish, Foydalanuvchi Yandeksdan bunday ruxsatni olgan, yoki har qanday xizmatdan foydalanish kelishuvida aniq nazarda tutilgan holatlardan tashqari;

5.2.11. qonun normalarini, shu jumladan xalqaro huquq normalarini boshqa ravishda buzish.

6. Xizmatlar va kontent mazmuniga mutlaq huquqlar

6.1. Yandeks xizmatlari orqali kirish mumkin bo’lgan barcha obyektlar, jumladan dizayn unsurlari, matnlar, grafik tasvirlar, illyustratsiyalar, videolar, EHM uchub dasturlar, ma’lumotlar bazalari, musiqa, tovushlar va boshqa obyektlar (keyingi o’rinlarda Yandeks xizmatlari tarkibi deb yuritiladi), hamda Yandeks xizmatlarida joylashtirilgan har qanday kontent Yandeks, Foydalanuvchilar va boshqa mualliflik huquqi egalarining mutlaq huquqlarining obyektlaridir.

6.2. Kontentdan, shuningdek, Yandeks xizmatlarining har qanday boshqa unsurlaridan foydalanish faqat u yiki bu xizmat tomonidan taqdim etilgan funksiyalar doirasida imkonlidir. Yandeks xizmatlari tarkibining hech bir unsuru, hamda Yandeks xizmatlarida joylashtirilgan har qanday kontent mualliflik huquqi egasining ruxsatisiz, boshqa usulda foydalanilishi mumkin emas. Foydalanish deganda shu jumladan quyidagilar tushuniladi: ko’paytirish, nusxalash, qayta ishlash, istalgan asosda tarqatish, freymda aks ettirish va hokazo. Istisno holatlar Rossiya Federatsiyasi qonunchiligida yoda u yoki bu Yandeks xizmatidan foydalanish shartlarida aniq ko’rsatilgan holatlardir.

Foydalanuvchi tomonidan Yandeks xizmatlari tarkibining unsurlaridan, shuningdek har qanday kontentdan shaxsiy notijorat maqsadlarda foydalanish uchun mualliflik huquqini himoya qilishning barcha belgilari, turdosh huquqlar, savdo belgilari, mualliflik to’g’risidagi boshqa bildirishnomalar saqlanib qolgan, muallifning ismi (yoki taxallusi)/huquq egasining unvoni o’zgarmagan holda saqlangan, tegishli ob’ekt o’zgarmagan holda saqlangan holda ruxsat etiladi. Rossiya Federatsiyasi qonunchiligida yoda u yoki bu Yandeks xizmatining Foydalanuvchi krlishuvlarida to’g’ridan-to’g’ri nazarda tutilgan holatlar bundan istisnodir.

7. Uchinchi tomon saytlari va kontenti

7.1. Yandeks xizmatlarida Internetdagi boshqa saytlarga (uchinchi tomon saytlari) havolalari bo’lishi mumkin. Ko’rsatilgan uchinchi shaxslar va ularning kontenti Yandeks tomonidan u yoki bu talablarga (haqiqiylik, to’liqlik, qonuniylik va boshqalar) muvofiqligi tekshirilmaydi. Yandeks Foydalanuvchining Yandeks xizmatlaridan foydalanish bilan kira olishi mumkin bo’lgan uchinchi tomon saytlarida joylashtirilgan har qanday ma’lumot, materiallar, shu jumladan uchinchi tomon saytlarida bildirilgan har qanday fikrlar yoki bayonotlar, reklama va boshqalar uchun, hamda bunday saytlarning yoki kontent mavjudligi va ulardan Foydalanuvchining foydalanishi oqibatlari uchun javobgar emas.

7.2. Saytda joylashtirilgan har qanday saytga, mahsulotga, xizmatga? tijorat yoki notijorat xarakterdagi har qanday ma’lumotlarga havola (har qanday shaklda) Yandeks tomonidan ushbu mahsulotlarning (xizmatlarning, faoliyatning) ma’qullanishi yoki tavsiya etilishini anglatmaydi, Yandeks resurslarida buning aniq ko’rsatilganligi hollari bundan mustasno.

8. Yandeks xizmatlarida reklama

8.1. Yandeks Rossiya Federatsiyasi qonunchiligida belgilangan chegaralar doirasida Yandeks xizmatlarida joylashtirilgan reklamalar uchun javobgardir.

9. Kafolat yo’qligi, javobgarlikning cheklanishi

9.1. Foydalanuvchi o’z tavakkalchiligida Yandeks xizmatlaridan foydalanadi. Yandeks xizmatlari “mavjud shaklda” taqdim etiladi. Yandeks hech qanday javobgarlikni o’z zimmasiga olmaydi, shu jumladan Yandeks xizmatlarining Foydalanuvchi maqsadlariga muvofiqligi uchun.

9.2. Yandeks quyidagilarga kafolat bermaydi: Yandeks xizmatlari Foydalanuvchining talablariga muvofiq bo’lishiga; Yandeks xizmatlari uzluksiz, tez, ishonchli va xatosiz taqdim etilishiga; Yandeks xizmatlaridan foydalangan holda olinishi mumkin bo’lgan natijalar aniq va ishonchli bo’ladi va har qanday maqsadda yoki har qanday holatda (masalan, har qanday faktlarni aniqlash va/yoki tasdiqlash uchun) ishlatilishi mumkinligiga; Yandeks xizmatlaridan foydalangan holda olingan har qanday mahsulot, xizmat, ma’lumot va boshqalarning sifati Foydalanuvchining umidlariga javob berishiga.

9.3. Foydalanuvchi Yandeks xizmatlaridan foydalangan holda foydalanish huquqiga ega bo’lgan har qanday ma’lumot va/yoki materiallar (jumladan, yuklab olinadigan dasturiy ta’minot, xatlar, harakat bo’yicha har qanday ko’rsatmalar va boshqalar), Foydalanuvchi o’z tavakkalchiligida foydalanishi mumkin va ko’rsatilgan ma’lumotlar va/yoki materiallar foydalanishning mumkin bo’lgan oqibatlari uchun, shu jumladan, Foydalanuvchining kompyuteriga yoki uchinchi shaxslarga yetkazilishi mumkin bo’lgan zarar, ma’lumotlarning yo’qolishi yoki boshqa har qanday zarar uchun javobgarlikni o’z zimmasiga oladi.

9.4. Yandeks foydalanuvchining Yandeks xizmatlaridan yoki Yandeks xizmatlarining alohida qismlari/funksiyalaridan foydalanishi natijasida yuzaga keladigan har qanday zararlar uchun javobgar bo’lmaydi.

9.5. Har qanday sharoitda Yandeksning Rossiya Federatsiyasi Fuqarolik Kodeksining 15‑moddasiga muvofiq javobgarligi RF 10,000 (o’n ming) rubli bilan cheklangan va uning harakatlarida biron bir aybdorlik mavjudligi holatida unga yuklanadi.

10. Boshqa qoydalar

10.1. Ushbu Kelishuv Foydalanuvchi va Yandeks o’rtasidagi Yandeks xizmatlaridan foydalanish tartibi bo’yicha kelishuv bo’lib, Foydalanuvchi bilan Yandeks o’rtasidagi oldingi barcha kelishuvlarning o’rnini oladi.

10.2. Ushbu Kelishuv Rossiya Federatsiyasi qonunlariga muvofiq tartibga solinadi va talqin qilinadi. Ushbu Kelishuv bilan tartibga solinmagan masalalar Rossiya Federatsiyasi qonunchiligiga muvofiq hal qilinadi. Ushbu Kelishuv bilan tartibga solinadigan munosabatlardan kelib chiqadigan barcha mumkin bo’lgan nizolar Rossiya Federatsiyasining amaldagi qonunchiligida belgilangan tartibda, Rossiya qonunchiligi me’yorlariga muvofiq hal qilinadi. Ushbu Kelishuvning butun matnida, boshqa holat aniq ko’rsatilmagan bo’lsa, “qonunchilik” atamasi Rossiya Federatsiyasi qonunchiligini ham, Foydalanuvchining yashash joyidagi qonun hujjatlarini ham anglatadi.

10.3. Ushbu Kelishuv doirasida tekinga ko’rsatiladigan xizmatlar va Yandeks xizmatlariga nisbatan, Rossiya Federatsiyasi qonunlarida nazarda tutilgan iste’molchilar huquqlarini himoya qilish qoidalari Foydalanuvchi va Yandeks o’rtasidagi munosabatlarga tatbiq etilishi imkonsizdir.

10.4. Yandeks xizmatlari pullik obunani rasmiylashtirish imkoniyatini nazarda tutgan holda, obunani rasmiylashtirish va keyinchalik obuna uchun to’lovni amalga oshirish uchun Foydalanuvchi o’z bank kartasini o’z hisob qaydnomasiga (keyingi o’rinlarda “Bog’langan karta” deb yuritiladi) bog’laydi. Ushbu Kelishuv maqsadlari uchun Foydalanuvchining hisobi qaydnomasiga bog’langan har qanday bank kartasi (jumladan, Yandeks xizmatlariga obunani rasmiylashtirishda yoki undan so’ng bo’lganida bog’langan) Bog’langan karta deb hisoblanadi. Bog’langan kartalarni qo’shish va ulardan foydalanish tartibi quyidagi manzilda nashr etilgan shartlar bilan tartibga solinadi: https://yandex.ru/legal/bank_card.

Foydalanuvchi Yandeks va uning sho’ba korxonalarining xizmatlari va ilovalari funksiyalaridan foydalangan holda uchinchi shaxslarga Yandeks xizmatlarida avtorizatsiyasiz va bank kartasini Yandeks xizmatlaridagi Foydalanuvchining hisob qaydnomasiga bog‘lamasdan naqd pulsiz to‘lovni amalga oshirgan holda, Yandeks faqat ma’lum bir Foydalanuvchining hisob qaydnomasiga ulanmasdan to’lovlarni amalga oshirish texnik maqsadida Foydalanuvchi tomonidan to’lov shaklida ko’rsatilgan ma’lumotlarni saqlaydi. Kiritilgan ma’lumotlar Maxfiylik siyosatida ko’rsatilgan shartlar va maqsadlarda saqlanadi va qayta ishlanadi (https://yandex.uz/legal/confidential).

10.5. Kelishuvdagi hech narsa Foydalanuvchi va Yandeks o’rtasida agentlik munosabatlari, sheriklik munosabatlari, birgalikdagi faoliyat bo’yicha munosabatlar, shaxsiy yollov munosabatlari yoki Kelishuvda aniq ko’rsatilmagan boshqa munosabatlarning o’rnatilishi deb tushunilishi mumkin emas.

10.6. U yoki bu sabablarga ko’ra ushbu Kelishuvning bir yoki bir nechta qoydalari yaroqsiz yoki qonuniy kuchga ega emas deb topilsa, bu Kelishuvning qolgan qoydalarining yaroqligiga yoki qo’llanilishiga ta’sir qilmaydi.

10.7. Foydalanuvchi yoki boshqa foydalanuvchilar tomonidan Kelishuvlar qoydalari buzilgan taqdirda Yandeksning chora ko’rmasligi Yandeksni keyinchalik o’z manfaatlarini himoya qilish uchun tegishli choralar ko’rish huquqidan mahrum qilmaydi hamda keyinchalik o’xshash yoki shu kabi huquqbuzarliklar sodir bo’lgan taqdirda Yandeks o’z huquqlaridan voz kechishini anglatmaydi.

10.8. Ushbu Kelishuv rus tilida tuzilgan va ayrim hollarda Foydalanuvchiga tanishish uchun boshqa tilda taqdim etilishi mumkin. Kelishuvning rus tilidagi versiyasi va Kelishuvning boshqa tildagi versiyasi o’rtasida nomuvofiqlik mavjud bo’lgan holatda, ushbu Kelishuvning rus tilidagi versiyasi qoydalari qo’llaniladi.

Chop etilgan sana: 20.10.2022

Oldingi versiyasi: https://yandex.uz/legal/rules/22062020

Oldingi versiyasi: https://yandex.uz/legal/rules/18072019

Oldingi versiyasi: https://yandex.uz/legal/rules/25062019

Oldingi versiyasi: https://yandex.uz/legal/rules/20022019

Oldingi versiyasi: https://yandex.uz/legal/rules/09112018