候任行政長官辦公室
 | 呢版要更新，以反映最新情況。加完料之後唔該拎走個模。 |
候任行政長官辦公室（英文：Office of the Chief Executive-elect，簡稱候任特首辦），係為香港特別行政區候任行政長官而設嘅一個臨時辦公室，以準備政府換屆嗰陣交接順利為主要目的。依家嘅候任行政長官辦公室位於香港中環下亞厘畢道中區政府合署西座12樓，響2012年3月26日至6月30日期間運作。
歷史
[編輯]董建華喺1996年12月11日當選第一屆香港行政長官[1]，佢喺當選之後，響香港政府協助下借調73個香港公務員同另外14人設立香港候任行政長官辦公室[2][3][4]，孫明揚同羅范椒芬分別出任辦公室政策統籌局局長同辦公室主任[5]；辦公室喺1997年6月30號隨住香港特別行政區政府成立而完成任務。
董建華響2002年當選連任第二屆香港行政長官[6]，而曾蔭權響2005年自動當選第二屆香港行政長官補選選舉，填補已經請辭行政長官職務嘅董建華[7][8]，因此無設立候任行政長官辦公室嘅實際需要[3]。
由於曾蔭權響2012年6月會完成佢嘅任期，之前需要選出新一任行政長官；基於確保政府換屆可以交接順利[2]，當局喺2012年1月向立法會提出響選出新嘅行政長官之後設立候任行政長官辦公室嘅建議[3]；最後候任行政長官辦公室響2012年3月成立[9]，由劉焱出任辦公室秘書長[10]。隨住梁振英響2012年3月25號當選為第四屆香港行政長官，候任行政長官辦公室喺當選翌日運作至同一年6月30號[11]。
編制
[編輯]依家嘅候任行政長官辦公室編制除咗候任行政長官之外，重設有秘書長、私人秘書、副私人秘書同新聞秘書以及21個非首長級人員[3]。
參考
[編輯]- ↑ 〈董建華正式提出辭去香港特區行政長官職務〉 (繁體中文)。中國證券報。2005-03-28。
- ↑ 2.0 2.1 〈候任特首辦 局長級掌管〉 (繁體中文)。新浪香港。2012-01-11。
{{cite web}}: CS1 maint: url-status (link) - ↑ 3.0 3.1 3.2 3.3 行政長官辦公室、行政署、政制及內地事務局 (2012–01)。《設立候任行政長官辦公室的計劃》 (PDF) (繁體中文)。香港：香港立法會。
{{cite book}}: CS1 maint: date format (link) - ↑ 〈羅范椒芬 我的334 fun式〉 (繁體中文)。信報。2011-11-26。
- ↑ 〈港府局長級人士執掌高規格"候任特首辦"〉。《星島日報》 (繁體中文)。2012-01-11。
- ↑ 〈董建華想教日月換新天〉 (繁體中文)。蘋果日報。2002-03-01。
- ↑ 〈曾蔭權自動當選 認期票未必兌現〉 (繁體中文)。蘋果日報。2005-06-17。
- ↑ 〈假選舉落幕 曾蔭權連任 全民爭取 2012普選〉 (繁體中文)。蘋果日報。2007-03-26。
- ↑ 〈候任特首辦成立準備交接〉 (繁體中文)。大公報。2012-03-21。頁 A15。
- ↑ 〈候任行政長官辦公室為政府順暢交接做好準備（附圖）〉。《香港政府新聞處》 (繁體中文)。2012-03-20。喺2012-03-25搵到。
- ↑ 商業電台 (2012-03-26)。〈候任特首辦公室今日全面運作梁振英將晤曾蔭權〉 (繁體中文)。原著喺2014-11-29歸檔。喺2012-03-26搵到。