列王紀下
《列王紀下》係《舊約聖經》嘅歷史書，記錄咗以色列人嘅一段歷史。呢卷書原本同《列王紀上》係一本《列王紀》，後來根據希臘文譯本分拆成兩冊。
簡介
[編輯]作者：耶利米
日期：公元前560年
地點：埃及同巴比倫
列王紀下繼續記述以色列南北兩國嘅歷史，全卷書可以分為兩部分：
- 南北兩國嘅歷史，由公元前九世紀中至公元前七二一年撒瑪利亞陷落同北國嘅終結。
- 自北國以色列淪亡至公元前五八六年巴比倫王尼布甲尼撒佔領同燒毁耶路撒冷呢段時期嘅猶大國歷史。呢卷書以記述尼布甲尼撒王任命佢嘅大利做猶大總督，同猶大王約雅斤由監獄被釋放出來做結束。
以色列同猶大遭受嚴重嘅國難係因為兩國君王同人民都對上帝唔忠心。耶路撒冷被毁同猶大人民被逐實係以色列史上一個重要嘅轉捩點。
呢卷書裏面最突出嘅先知係以利亞嘅繼承人以利沙。
提要
[編輯]- 分裂嘅王國（1章1節-17章41節）
- 先知以利沙（1章1節-8章15節）
- 猶大同以色列諸王（8章16節-17章4節）
- 撒瑪利亞嘅陷落（17章5-41節）
- 猶大王國（18章1節-25章20節）
- 由希西家到約西亞（18章1節-21章26節）
- 約西亞嘅統治（22章1節-23章30節）
- 猶大最後幾個王（23章31節-24章20節）
- 耶路撒冷嘅陷落（25章1-30節）