Vlag van Libië

Vlag van Libië

Vlag van Libië
Gebruik	Nasionale vlag en Burgerlike vaandel Ster en sekel
Verhouding	1:2
Goedgekeur	24 Desember 1951 27 Februarie 2011
Ontwerp	Drie horisontale bane van rooi, swart en groen met ’n ster en ’n sekel in die middel van die vlag.
Wisselvormvlag van Libië
Gebruik	Vlootvaandel
Verhouding	2:3
Ontwerp	’n Blou agtergrond met die Libiese vlag in die skildhoek (verhouding van 2:3) en ’n wit anker op die wapperkant.

Die nasionale vlag van Libië is op 27 Februarie 2011 terwyl die Libiese Burgeroorlog deur die Nasionale Oorgangsraad in gebruik geneem en was ook tussen 1951 en 1969 die amptelike vlag van die Koninkryk van Libië. Sedert die 21 September 2011 is die vlag van die Verenigde Nasies erken. ’n Grondwet vir die amptelike gebruik is beplan.

Simboliek

Die drie horisontale bane weerspieël die drie voormalige provinsies van die Koninkryk Fezzan (die rooi bane), Sirenaïka (die swart bane met ’n ster en ’n sekel) en Tripolitanië (die groen bane).

Ontwerp

Die verhouding van die horisontale bane is 1:2:1, die sekelmaan neem 1/4 van die hoogte van die vlag in beslag en is presies in die middel van die vlag met die ster wat na die maan wys.

Konstruksietekening

Ander vlae

• 
  Vlag van Tripoli, 1771
• 
  Vlag van Tripoli, 19de eeu
• 
  Vlag van die Turkse Vilayet Tripolitanië, 1835 tot 1911
• 
  Vlag van Italiaans-Libië, 1911 tot 1943
• 
  Vlag van die emiraat Sirenaïka, 1949 tot 1951
• 
  Vlag van Koning Idris I., 1951 tot 1969
• 
  Vlootvaandel van die Federasie van Arabiese Republieke, 1972 tot 1977
• 
  Vlag van die beplande Arabiese Islamiese Republiek met Tunisië, 1973
• 
  Vlootvaandel van die Sosialistiese Volksregering van Libiese Arabië, 1977 tot 2011

1918–1923

Vlag van die Tripolitaanse Republiek

Die kortstondige Tripolitaanse Republiek in die weste van Libië het sy eie vlag gehad (’n blou agtergrond met ’n groen palmboom in die middel met ’n ster daarbo).

1951–1969

Vlag van die Koninkryk van Libië

Die eerste nasionale vlag van moderne Libië is aanvaar toe Libië onafhanklikheid van Italië in 1951 verkry het. Dit het bestaan uit ’n wit ster en sekelmaan op ’n driekleurige rooi-swart-groen ontwerp met die middelste swart baan wat so wyd was soos die rooi en groen baan saam. Hierdie vlag word vandag nog deur monargiste asook die oorsese Libiese opposisie gebruik. Die ontwerp is gebaseer op die Sanussi-vlag wat uit ’n swart agtergrond met ’n ster en sekelmaan ontwerp bestaan het.

1969–1972

Vlag van die Libiese Arabiese Republiek

Na die staatsgreep in 1969 is die amptelike naam van Libië verander na Al-Jumhuriya al-Arabiya al-Libiya (die Libiese Arabiese Republiek) en die vlag is vervang met ’n Pan-Arabiese rooi-wit-swart driekleur (soortgelyk aan die vlag van die Arabiese opstand).

1972–1977

Vlag van die Federasie van Arabiese Republieke

Toe Libië in 1972 by die Federasie van Arabiese Republieke (Ittihad al-Jumhuriyat al-Arabiya) aangesluit het is die vlag van die Federasie van Arabiese Republieke aanvaar (wat Libië vir ’n kort tydjie aan Egipte en Sirië gekoppel het). Dit het ’n goue vlak (die “Valk van Qoeraisj”), wat ’n perkamentrol met die Arabiese naam van die Federasie in sy pote vashou, in die middel gehad.

1977–2011

Vlag van die Sosialistiese Volksregering van Libiese Arabië

Op 8 Maart 1977 is Libië se amptelike naam verander na Al-Jamahiriya al-Arabiya al-Libiya ash-Sha’biya al-Ishtirakiya (die Sosialistiese Volksregering van Libiese Arabië), en op 11 November 1977 is die vlag verander na die slegs-groen ontwerp in reaksie op Anwar Sadat se besoek aan Israel. Die vlag was ’n enkele groen baan en die enigste nasionale vlag ter wêreld wat uit slegs een kleur bestaan sonder enige ontwerp of simboliek op die vlag. Groen weerspieël die Libiese mense se toewyding tot Islam en dit was ook die nasionale kleur van Libië.

Soortgelyke vlae

• 
  Vlag van Algerië
• 
  Vlag van die Arabiese Demokratiese Republiek Sahara
• 
  Vlag van Azerbeidjan
• 
  Vlag van die Comore-eilande
• 
  Vlag van Hatay (1938–1939)
• 
  Vlag van Maleisië
• 
  Vlag van Mauritanië
• 
  Vlag van Oos-Turkestan
• 
  Vlag van die Ottomaanse Ryk (1844–1923)
• 
  Vlag van Pakistan
• 
  Vlag van Tunisië
• 
  Vlag van die Turkse Republiek van Noord-Siprus
• 
  Vlag van Turkye

Eksterne skakels

• (en) Libië by Flags of the World
• (en) "Flag of Libya". Encyclopædia Britannica. Besoek op 14 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.