Gaan na inhoud

Vlag van Oos-Turkestan

in Wikipedia, die vrye ensiklopedie
Vlag van Oos-Turkestan
Vlag van Oos-Turkestan
Vlag van Oos-Turkestan
Bynaam (ug) كۆك بايراق, Көк Байрақ, Kök Bayraq ("blou banier")
Gebruik Nasionale vlag en vaandel Nasionale vlag en vaandel Normale of de jure weergawe van vlag, of voorkant
Verhouding 2:3
Goedgekeur 1933
Ontwerp ’n Enkele hemelblou baan met ’n wit ster en sekelmaan effens links van die middel.

Die vlag van Oos-Turkestan, Oeigoeristan of Oos-Turkmenistan, ook bekend as Kök Bayraq (Oeigoers: كۆك بايراق, Көк Байрақ, letterlik: "blou banier") is op 12 November 1933 deur die Oos-Turkestaanse regering goedgekeur.[1] Dit is ’n simbool van die Oos-Turkestaanse onafhanklikheidsbeweging wat vir die selfbeskikking van die Chinese outonome gewes Xinjiang – soms Oos-Turkestan of Oeigoeristan genoem – pleit.[2]

Die vlag van Oos-Turkestan langs die vlag van Turkye in Istanboel

Die vlag lyk baie soos die Turkse vlag, insluitende ’n ster en sekelmaan wat die historiese Tengriisme verteenwoordig.[verwysing benodig] Die blou kleur verwys na die Gökturke, ’n groep van antieke nomadiese Turkse volke. Gökturke kan vertaal word as "Hemelse Turke". Soos die vlag van Tibet is die vlag van Oos-Turkestan weens die Oeigoere se strewe na onafhanklikheid in die Volksrepubliek China verbied en die besit of vertoning daarvan sal erg bestraf kan word. In teenstelling daarmee word die Oos-Turkestaanse vlag by pro-Oeigoerse optogte in die Republiek China op Taiwan gebruik.[3]

Ontwerp

[wysig | wysig bron]
Die president van die eerste Oos-Turkestaanse Republiek, Khoja Niyaz, voor die vlag in Januarie 1934
Die vlag van Oos-Turkestan in München, Duitsland
Letter Mate Lengte
G Hoogte
A Afstand tussen die middelpunt van die buitesirkel van die sekelmaan en die soom van die wit band 1⁄2 G
B Deursnee van die buitesirkel van die sekelmaan 1⁄2 G
C Afstand tussen die middelpunte van die binne- en buitesirkels van die sekelmaan 1⁄16 G
D Deursnee van die binnesirkel van die sekelmaan 2⁄5 G
E Afstand tussen die binnesirkel van die sekelmaan en die (denkbeeldige) sirkel om die ster 1⁄3 G
F Deursnee van die (denkbeeldige) sirkel om die ster 1⁄4 G
L Wydte 1 1⁄2 G
M Wydte van die wit soom aan die vlagpaalkant 1⁄30 G


Konstruksietekening
Konstruksietekening

Kleure

[wysig | wysig bron]

In ’n RGB-kleurruimte bestaan die blou kleur van die Oos-Turkestaanse vlag uit 101/183/255 (dec); in heksadesimale kleurkode #65B7FF. In ’n CMYK-kleurruimte bestaan dit uit 58% siaan, 19% magenta, 0% geel en 0% swart. Die blou van die vlag word algemeen as hemelblou beskryf.[4]

Die kleurskema word hieronder gelys:

Hemelblou Wit
RGB 101-183-255 255-255-255
Heksadesimaal #65B7FF #FFFFFF
CMYK 58, 19, 0, 0 0, 0, 0, 0

Soortgelyke vlae

[wysig | wysig bron]

Sien ook

[wysig | wysig bron]

Verwysings

[wysig | wysig bron]
  1. ↑ (en) "Constitution – Article 3". Oos-Turkestaanse regering in ballingskap. Geargiveer vanaf die oorspronklike op 2 April 2018. Besoek op 1 Januarie 2020.
  2. ↑ (en) "Constitution – Article 4". Oos-Turkestaanse regering in ballingskap. Geargiveer vanaf die oorspronklike op 2 April 2018. Besoek op 1 Januarie 2020.
  3. ↑ (en) "I Am Uyghur and I Will Protest". The Diplomat. 8 Junie 2017. Geargiveer vanaf die oorspronklike op 22 November 2018. Besoek op 1 Januarie 2020.
  4. ↑ (ug) "Uyghur Academy on Uyghur issue". Uyghur Academy. Geargiveer vanaf die oorspronklike op 22 Junie 2019. Besoek op 1 Januarie 2020.

Eksterne skakels

[wysig | wysig bron]
Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=Vlag_van_Oos-Turkestan&oldid=2620763"