Acer granatense

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Acer granatense
Acer granatense
Estau de conservación
Seguro (IUCN)
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Sapindales
Familia:	Aceraceae
Chenero:	Acer
Descripción
Acer granatense Boissier, 1838

Acer granatense (o suyo nombre cientifico significa, literalment, «acirón de Granada») ye una especie d'acirón tipica d'o levant peninsular, sobre tot en o sector sud-este, que tamién se troba en as montanyas de l'Atlas y en Mallorca. A clasificación d'esta especie no tiene acceptación per toz os botanicos, y beluns la consideran una subespecie d'Acer opalus, con o nombre d'Acer opalus granatense.

Acerals d'Acer granatense

Acerals d' Acer granatense, en trobamos en as zonas alteras mes orientals d'a sierra de Gúdar y as suyas estribacions enta lo Mayestrato, paraches on que la continentalidat ye menos acusata. Son en altarias entre os 1200 y 1600 m, a on i resisten millor a sequedat ambiental, igual como os tilers u os urmos de montanya, rechenerando-se bien en os pacos d'os pinars de montanya de pin royo, menos a on que bi ha pin nasarro, y comparte puesto con o caixico Quercus faginea, como esdevién en a Tosquilla. Tamién bi ha acerals d'Acer granatense en os Puertos de Beceit, una d'as mugas septentrionals d'esta especie.

Arbolez comuns en os acerals son Sorbus aria, Corylus avellana, y a vegatas Ilex aquifolium y Taxus baccata.

A orla arbustiva ye d'especies desichents como Viburnum lantana, Crataegus monogyna, Amellanchier ovalis, Lonicera xylosteum, Ribes alpinum, Juniperus communis, Rosa canina, Rubus ulmifolius, Prunus spinosa, Rhamnus saxatilis, etc...

As masas d'Acer granatense ocupan por un regular suelos profundos y humidos que l'ombre ye desforestatos ta creyar pratos. O millor aceral de Gúdar (lo un d'o barranco de las Torres entre Nogueruelas y Linars de Mora) ye en un suelo profundo y humido.

Selvetas mes redueitas pero con árbols de grant mida de dica 50 cm de diametro son os d'o Molín de las Truitas en Mosqueruela y lo un d'o Barranco de los Arenazos en Linars de Mora.

Vinclos externos

(es) Acer opalus spp. granatense.

• Datos: Q9577543
• Multimedia: Acer granatense / Q9577543
• Especies: Acer granatense